"يوم جديد فاديره "
صحت ضي ولقت نوره نايمه جنبها وحست كانها بحلم انها جنبها
وراحت غسلت وجهها وصلت وحطت ميكب خفيف ونزلت
تحت لقت فيها الجد وفارس
ضي :سلام
الجد :ياهلا بضي قلبي عليكم السلام
ضي قربت تقبل راس جدها وتقول :يازينك ياجدي
الجد وهو يضحك :ويازينك انتي
فارس :وانا مافي يازيني !
الجد :لا
ضي كانت خجوله مره ف سكتت ماقالت شي
"غرفه البنات "
صحت نوره ولبست مخور وطرحه موف ونزلت
شافها الجد وقال :ياهلللا بالنوري
نوره :صباح الخير جدو
الجد :ياهلا بحبيبت قلبي
بعد ساعات صحو البيت كله
قال الجد :بمناسبه رجعه النوري لي سالمه ابي اسوي لها عشاء
الكل :تم
________________
"عند البنات "
نوره :بنات اف ماعندي فستان حلو وانا صاحبه العزيمه
ضي :انتي لو تلبسين خيشه بتطلعين مزه
نوره ارسلت لها قبله على الطاير وقالت :احبك ياشيخه
فوز :شرايكم اقول ل سعود يودينا
البنات :عادييي
فوز :اجل بروح اطلبه واجيكم
________
"غرفه سعود "
كان نايم بسابع نومه ويفز على فتحت الباب وشاف إلا هي اخته فوز
قال :يوههه فوازير وش تبين !!!
فوز:اول شي صباح الخير
سعود :صباح النور وش تبين
فوز :اخوي حبيبي انت نبي السوق
سعود :على اسلوبك الحلو تستاهلين اوديك
نطت فوز قبلت خده قوه وقالت :احبببك ياحلا اخ
سعود :وانا اموت فيك بس احد بيروح معك ؟
فوز:ايه البنات كلهم
سعود :تمام يلا اطلعي بلبس وانتظركم بصاله وقولي لهم يفكوني من العبايات الملونه
فوز :اوكي
راحت فوز تركض للبنات وقالت وهي تلهث :بناااتتت وافق وافق
كلهم نطو واستانسو
فوز :بس عنده شرط
البنات :وشو
فوز :مانلبس عبايه ملونه
نوره :يوه عاد أنا ماني جايبه إلا عبايه ملونه
فوز :اعطيك من حقاتي عادي
نوره :لا لا مابي ابي أعاند
نزلو كلهم وراحو يركبون السياره
كانت فوز قدام وخلفها على طول ضي وجنب ضي صبا وجنب صبا نوره الي كانت خلف سعود
_________________
"المول "
نزلو البنات
وقال سعود :ستوببب
نوره :ليه معسكر ؟
ماقدر يكتم ضحكته وفطس ضحك وقال :يلا انتو امشو
وراحت نوره بتمشي معهم وقال سعود :لا انتي خليك الباقي يروحون
حطت ايدينها على خصرها وقالت :لا والله ليه انشالله وش تبي فيني
سعود :ابي اكلك وش ابي فيك يعني عقاب عليك بخليك معي على عبايتك هذي
نوره :كيفي ياخي مالك شغل
سعود :بعدين في احد يلبس عبايه خضراء وطرحه ورديه ابوك ياذوق
نوره مدت لسانها وتقول :مو شغلك
سحبو عليها البنات وهي ضلت مع سعود وقالت :امش يلا
دخلو المول وكانت تفر من سوق ل سوق لحد مادخلت سوق كان فيه ثوب لونه بيبي بلو وعليه خطوط زرقاء غامقه وكان شبه عاري اخذته وطلعت
قال سعود :خلصتي ؟
نوره :لا ابي سيفورا بس
قال سعود :حق المكياج ؟
نوره بصدمه :ايه هو وش دراك !
سععود :فوازير دوم تطلبني اوديها له
نوره :اييه
خلصو البنات ورجعو البيت
______
"يوم العشاء "
صحت نوره لفت مسكت جوالها تشوف اللساعه إلا الساعه 6:30
وتنط تبي تشوف البنات إلا كلهم قاعدين والي تسوي شعرها والي تسوي ميكب والي تسوي أظافرها
تخوصرت وقالت:خوش ورا ماصحيتوني!
ضي :اسفه يالنوري بس شفتك بسابع نومه وخليتك
نوره : تمام
راحت نوره حطت ايلانير وشدو بني وبلشر بنك وروج نودي على وردي كذا وسوت شعرها ويفي وطلعت تهبللللل ولبست فستانها الازرق
وراحت تتصور على المرايه
____________
"الصاله "
نزلو البنات
وكل وحده راحت تسلم على المعازيم
إلا عجوز قعدت تنشد (تطلب)عن راعيه العزيمه
قالت شيخه :يالنوري تعالي الحرمه تنشد عنك
نوره :هلا خاله
شيخه :في حرمه تنشد عنك روحي شوفيها
نوره :سمي
راحت نوره للعجوز وقالت :هلا جده
العجوز :يامرحبا انتي راعيه العزيمه
نوره :ايه
العجوز :وين امك
نوره قامت تلف تدور امها مالقتها جتها غصه ان ليه امي ماتجي وتقول هذي بنتي النوري لكن تقدمت شيخه وقالت :أنا بحسبه امها امريني
العجوز :ابي أخطبها لحفيدي الطيار
نوره :طيار !
العجوز :ايه الطيار حمد بن مصلح
نوره :اها
شيخه :على خير انشالله
العجوز :انشالله
بدو يشغلون اغاني ويرقصون وحطو ..
فزي له ياراض لا جاك بشويش تمايل
هو مو قصده ولكن كذا ربي خلقه
ماتصنعها ولا تبرره كل الوسائل
هو مو قصده ولكن كذا ربي خلقه ..
وكانت نوره تتمايل فيها وترقص ولا هي حاسبه حساب سعود الي كان يشوفها وذااايب فيها ورفع الجوال يصورها عشان كلما اشتاق لها يشوفها
تعبت النوري من الرقص وراحت المطبخ تشرب ماء اخذت الماء قعدت تشرب إلا ويدخل عليها سعود وهي الي تصنم مكانها وسعود بعد صنم من جمالها
جت تبي تروح إلا ويمسكها ويحشرها فزاويه وكان مغطيها بالكامل من كبر ظهره وعضلاته
إلا نوره تقول :بعد عني يالمغولي
ضحك سعود وقال :لمتى ياالنوري وانتي متعبتني بجمالك
نوره بصدمه وضحك :جبت راسك يالرقيب؟
سعود :جبتي راسي وبس جبتيني كلي
نوره انصدمت من اعترفه إلا وتسمع صوت خالتها شيخه تنادي قالت :حمداللهههه وخر وخر
وخر عنها وراحت تركض وهي قلبها يطق بقوههه من اعترافه
خلص العشاء على خير وراحو المعازيم والبنات راحو فوق وجو تحت سعود و فارس وفواز وتركي دخل معهم بعد
قامت اصايل قالت :شيخه
شيخه :نعم !
أصايل :شتبي العجيز
شيخه :تسال عن بنتك تبي تخطبها لولدها الطيار حمد
سعود الي فز من سمع عن بنتك لكن مايدري هي صبا ولا نوره
وقعد ينتظر الاسم على آحر من الجمر
إلا وتقول أصايل :اي بناتي ؟
شيخه :النوري
عند سعود وهو مره مععععصببب كيف كيف تنخطب وانا حالف انها لي
أصايل :وش قالت نوره ياويلي إذا ماوقفت
شيخه :ماتجبرينها على شي هي ماتبيه وراسي يشم الهواء
أصايل :ليه ماني امها ؟
شيخه :امها على عيني وعلى راسي لكن البنت ماهي...
إلا ويقول سعود :يمه امشي ابيك بغرفتي ولا عليك امر
شيخه :زين ياروح امك جايتك
_______________
"غرفه سعود "
وهو ينتظر امه وكانت عروق ايده مبينه من كثر العصبيه دخلت امه وقالت :هلا يامي انت
سعود :يمه انتي تحبيبني صح ؟
شيخه :وفي احد مايحب ضناه ؟
سعود :ترضين قلب ولدك يتعذب بشوفت محبوبته تروح لغيره
شيخه :لا والله مارضى منهي بس سعيده الحظ الي تاخذ الرقيب سعود
سعود :النوري يايمه اخذت قلبي واخذتني كلي
شيخه وهي مصدومه وقالت :نوره بنت بدر !
سعود :في غيرها يايمه والله اني احبها ولا بغيت اكلمها بالحرام ابيها بالحلال
شيخه :ابشر وانا امك بس انت رح قل لبوك وابوك يخطبها لك وانشالله خير
"عند نوره "
الي كانت تفكر بعترافات سعود وكيف كيف يحبها تذكرت يوم وهي صغيره كان في شخص يلعب معها لكن ماتعرف مين هو وكان هو حب طفولتها وتتمنى امنيه تعرف من هو وقالت ....
يحسبني مع الوقت بنساه
ياما نسيت امالي ولا نسيته
"عند سعود "
الي كان يدري ان نوره هي البنت الصغيره الي كانت تلعب معه لكن نوره ماكانت تدري وقال ..
دامك ساكنه بقلبي كيف بنساك طول السنين
______________
"عند فارس "
كان مشتاق لضي ولا شافها وقال ابي اكلمها بس كيف تنهد وراح دق على صبا وقال :صبوي
صبا :هلا
فارس :صاحيه ؟
صبا :ايه
فارس :تعالي غرفتي ابيك
صبا :اوكي
راحت صبا لغرفته دقت الباب وقال : ادخلي يالموادبه
دخلت صبا والضحكه شاقه فمها وقالت :هلا يعيوني
فارس وهو مصدوم :شعندك مروقه
صبا :كذا بس
فارس :معلي منك المهم بقولك شي بس بيني وبينك تمام
صبا :تمام
فارس :ااااااا
صبا :اخلص وش فيك
فارس :صبا أنا احب ضي
صبا :مين ضي
فارس :ضي بنت جدي
صبا :هاااااا
فارس :اي والله وابيك تعطيني حسابها
صبا :كم تدفع
فارس :نذله عطيني واجيب لك الايباد الي تبينه
صبا :احلف
فارس :والله
أعطيته حسابها وراح فارس مسكها وقال:شكرا ياختي بس الحين يلا برا أبي أنام
صبا:حقير اخذ الي يبي وطردني
قفل الباب ونام ..
وانتهى ....
وحشوتتتووونيييييي مرهه يارب يعجبكم البارت والانستا بتنزل
لا تنسون النجمه قدرو تعبي
الوُرد
