نجمه اولا...
-
-
عند صبا ~
كانت تفكر بنظرات مشعل وحست انها حبته
دخلت عليها ضي وقالت :شعندج تهوجسين بمنو
ضحكت صبا وقالت:محد
ضي:علينا هههههههههههههههه
صبا:شفيج مشتاقه ل اختي
ضي :اي والله صدق اشتقنا لها ماهي ناويه ترجع
صبا:اي وربي مدري شفيها حتى جوالها ماهو مفتوح
-
المستشفى الساعه 5فجرا
كانت نوره واقفه تنتظر الشروق لنها تحبه مره
حست بأحد يحاوط خصرها وابتسمت وقالت :حبيبي تعب عليك امش نرجع السرير
ماسمع لها سعود ودفن وجهه بعنقها وكان يشم ريحه عطرها الي يحبها
ونوره كانت تتمايل بعنقها يمين ويسار من حست فيه
سعود :يام سهيل جوعان شرايج نطلب لنا
نوره :تم يلا
دخلت ابليكشن توصيل وطلبت لهم
-
بعد ربع ساعه وصل لهم الاكل
وجت نوره تبي تروح بس قال سعود :وين وين خليه يجي للغرفه
ضحكت نوره وقالت:تمام
اتصل المندوب وقال :لو سمحتي أنا تحت في شخص يجي
نوره:ا.
اخذ الجوال سعود وقال:تعال الغرفه **
المندوب :طيب
وصل المندوب للغرفه ودق الباب وقام سعود يفتح الباب
وقال:شكرا
المندوب :عفوا
أعطى الاكل نوره وقامت تفتح الأكياس وقالت:تغار؟
سعود وهو يطالعها ببتسامه :اييي حيل بعد
استحت نوره ولا عرفت وش تقول
أكلو وخلصو ونامو
-
يوم جديد ~
صحت نوره بدري وكان سعود نايم
دخل عليهم مشعل وقال:ترا كتبت له خروج تقدرون تطلعون
نوره :تمام
-
اتصلت نوره على شيخه تقولها انهم بيطلعون
شيخه :تمام بقول ل جدك والأهل
نوره:تمام
-
دخلت عليهم المجلس وكانو جالسين يفطرون الكل
وقالت شيخه:ترا النوري وسعود جايين كتبو لهم خروج
الجد :صج ؟لازم نسوي عشاء اجل
وليد :يبه اكيد رح يجي سعود وتعبان ولا له خلق
الجد :مالي دخل العشاء اليوم اليوم ويلا قم انت وأخوك نجيب ذبيحه
وانتي ياشيخه بلغي البنات
وانت ي فارس و فواز ارسلو بقروبات العائله والحاره
-
العصر -
وصلو نوره وسعود
ورحبو فيهم
وتقدمت شيخه تضم سعود ضمه قووويه وقالت:ياروحي والله وحشتني هل خشه وشلونك الحين
سعود ببتسامه :معليج يامي والله اني زين
تقدم وليد وطق كتفه وقال:والله انك بطل بطل
ابتسم سعود وقال:والله وحشتني هالقعده
الجد :يلا يالشقردي جهز نفسك اليوم عشاك
سعود :اي عشاء
الجد :أنا جابت ذببايح وبسوي عشاء بمناسبه سلامتك
سعود :ياحبيبي ياجدي ليه تكلف على نفسك وماله داعي
الجد :شلون ماله داعي إلا له داعي ويلا قم رح غرفتك ضبط نفسك
سعود :طيب
راحت شيخه مسكت يد سعود وقالت:تراني ضبطت لك غرفه لك ولنوري
ابتسم سعود وقال:وينها
شيخه :تذكر الغرفه المهجوره ؟
سعود بستغراب :اي
شيخه :هي بس معليك ضبطتها وخليتها حلوه موقت لحد مانرجع بيتنا
سعود تقدم وقبل راس امه وقال:يابعد وجهي انتي والله مشكوره ماقصرتي
شيخه :ياحبيبي انت ،يلا روح الغرفه وتجهز
سعود :تمام ياعيني
-
المغرب -غرفه وليد و شيخه
كانت شيخه تحط مكياج خفيف واستشورت شعرها وخلصت وراحت بتلبس دراعتها (مدري وش تسمونها جلابيه اتوقع 😭)
لكن يصدمها وليد وهو يحسب يدها ويخلي يدينها على صدره وهو ماسك خصرها
وقال ببتسامه :مو ناويه نجدد شبابنا
شيخه فتحت عيونها بصدمه وقالت:ابو سعودددد
وليد بضحكه :وشو ترا عادي زوجج أنا
تقدمت شيخه وقبلت خده وقالت:واحلا زوج وابوي عيال عرفته بحياتي
تقدم وليد واندفع يقبل ثغرها وقال:يوكك من زمان عنه
شيخه ضحكت وطقته من كتفه وقالت:مو كذا عاد ههههههه
وليد :إلا كذا لنج تفتنيني
-
غرفه سعود
كان توه طالع من الدش واتجه يرسل لنوري
سعود:نور العين
نوره:لبيه
سعود:إذا جهزتي تعالي غرفتنا
نوره بستغراب:غرفتنا!
سعود:ايه خلاص صار لنا غرفه خاصه
نوره :اي وحده
سعود :المهجوره قبل
نوره:اي اوكي اخلص واجيك
سعود:انتظرج ابيج تبخريني
نوره:ابشر
-
بعد نص ساعه
طق باب غرفه سعود
فتح الباب وهو يشوف فوز قدامه
وقال سعود :انتي!
فوز:ليه جني شايف قدامك خبل انت وبعدين من تنتظر
سعود :ياخي اطلعي نوره بتجي
فوز :لا ياوصخ بقعد على جبدك
سعود بنرفزه :فوايييز !
فوز بدلع:عيونهاااا
سعود:ويع ويع مو لايق عليج يلا اطلعي تكفين
دخلت نوره وشافت الوضع وقالت:فوايز عمه تبيك
فوز خزت سعود وقالت:حظك بفك شري
سعود :احسسسن
طلعت فوز وضلو سعود ونوره
صنم سعود من شكل نوره الي يفتن
كانت لابسه ثوب ازرق ضيييق وعاري الصدر جدااا
وشعرها الحرير الويفي هااام بتفاصيلها وحبها زود الحب
تقدم ومسكها من خصرها وقال:انتي ليش كذا تفتنين الواحد ؟
نوره:معرفف
تقدم سعود يقبل خدها وقال:اخيييه حلو
ضحكت نوره وقالت:يلا تعال ابخرك
اتجهت ل التسريحه تاخذ البخور
واتجهت له تبخره
مسكها من خصرها وقربها حيل له
استحت نوره بس مابغت تبين وقامت تبخره وتحطه على شماغه
سعود ماقدر يتحمل وقرب يقبل ثغرها بقووه كانت القبله هذي قبله الانتصار قبله انها صارت حلاله
كان يقبلها ل دقايق لحد مادخلت عليهم شيخه وشهقققت وقالت:هيييي خنقت البنيه بعد عنها
بعد سعود واستحت نوره وراحت انخشت ورا سعود بخجل
ضحكت شيخه بعلو صوتها وقالت:ياعيييني استحيييتي
سعود :يمه ليه انتي نفس بنتج تحبون تخربون اللحظات السعيدة
شيخه :كملوها آخر الليل الحين ابي النوري
نوره:اي اي الحين جايه يلا
وراحت هجت عنه
جاء سعود بيروح ل الرجال
إلا وتمسكه شيخه تقول :الروج ي الدثوي (مثل حمار)
سعود :خليه الي إبينهم يعرفون اني احبها
طقته شيخه من راسه وقالت:امسحه بس
راح سعود يمسح الروج وعطى امه قبله ب الخد وراح
-
المطبخ "
كانت صبا تجهز صحن الفناجيل و أكواب الشاهي
بس تنصدم من تشوف شخص طويل وعريض يدخل وكان مو منتبه لوجودها
صبا بقلبها :يربي وين اروح اخاف انحاش يشوفني
خلص المكالمه مشعل وكان يحسب الي وراه الشغاله ما كان يدري انها صبا
قال :ميري وين الماء
بلعت ريقها صبا وفضلت السكوت
استغرب مشعل من السكوت ولف ولا يشوف صاروخ قدامه يشوف ملاك
شاف شي احلا من العزيمه كلها
طالعت فيه صبا ب خجل وقالت:صد تكفى
هزمت مشعل كلمه تكفى خلته يصد بدون لا يتكلم
صد مشعل وقال :اسف والله مو منتبه كنت اكلم
صبا :عادي حصل خير
-
طلعت صبا وضل مشعل مفهي بجمالها ويحس كانها قنبله دخلت قلبه وفجرته
حس نفسه تاخر على الرجال وراح طلع
-
عند صبا راحت تركض تقول ل نوره السالفه
وصلت ل نوره الي كانت تهوجس ب سعود
وقالت :نوره نوره نوري تكفين تخييييليي
نوره بفزعه :يقطعك شفيج
قالت لها صبا كل شي من الألف الي الياء
نوره :مشعل مشعل مغيره
صبا :ااايييه هو اجل خياله
نوره :قصري صوتك ياحماره اخته قدامج
لفت صبا وهي تشوف طيف تتبوسم لها
وطقت راسها وقالت:توك تتكلمين ؟
نوره بضحك :شدراني عنك
قامت طيف واتجهت ل صبا
وقالت:صبا بكلمك بموضوع عادي ؟
صبا بلعت ريقها وقالت:اي يقلبي عادي
طيف :بس لحالنا
صبا :اكيد امشي المطبخ إذا ودج
طيف:يلا تم
..
انتهى
