طبعا كان علينا اول محاضره
الدكتور محمد : لما دخل القاعه قام يعرف عن نفسه ونعرف نفسنا عليه طبعا لما وصل عند اسمي قال حنين بنت فلان الفلاني
حنين : أنا رفعت يدي عاد كان يعطيني نظرات الين لما عرف اسمي والصراحه أنا م اهتميت له بالبدايه وخلص اول يوم دوام على خير الحمدلله ورجعت البيت وإلا اشوف عماتي وعمامي وبناتهم ومن هنا بدت سلسلة المشاكل والحقد والقهر طبعا جيت البيت ولقيتهم عندنا بالبيت ويقولون جت الي كسرت كلمة أبوها والي بتخرب سمعة العائلة ومن هالكلام بس أنا ما سكت ولا اخواني وخواتي سكتو رديت عليهم وقلت لهم
حنين : ما احد له كلمة علينا دام ابوي وامي عايشين واذا عندكم كلمة ولا امر قولوها ل عيالكم
إلا ويعصبون ويقولون هذي تربيتك شوف كيف تعاملنا بس لما ابوي سمع كلمة تربيه هنا ما سكت وقال
ابوي : انا الحمدلله مربي عيالي احسن تربيه مين انتم ع شان تشككون ف تربيتي وثقتي ف عيالي وبناتي ؟
حنين : هنا شفت ابوي عصب وطردهم من البيت ورحنا قعدنا معاه ونهديه ولف علي وقال
ابوي : انتي السبب ب الي صار قبل شوي كله منك ومن دراستك الي ما منها فايده لو انك قعدتي بالبيت وانتظرتي نصيبك زي خواتك احسن لك
حنين : ي ابوي معلش تحمل الين أتخرج واصير دكتوره و رح ارفع راسك وأكسر عين عماتي وعمامي بس ابي رضاك وبعدها خليت ابوي عند خواتي ودخلت غرفتي ابكي ابكي لين ما تعبت ونمت وانا نايمه حلمت حلم مدري هو حلو ولا غريب يعني مدري وش اقول الحلم هو
ان في شخص عطاني ورده بس الورده فيها شوك كثير وجرحت يدي بس في شخص ثاني اخذ الورده الي فيها شوك ورماها بعيد وعطاني ورده حلوه وريحتها حلوه و بدون شوك و مجرد ما لمست الورده الحلوه الجروح الي ب يدي بسبب الشوك اختفت وراحت وصحيت من النوم و فيني شعور غريب مرهه وقلت اكيد الحلم له تفسير وبعرف تفسير الحلم بعدين
مرت الأيام وصارت احداث ومشاكل من عماتي الي ما تخلص و في يوم من الأيام صادفت محمد الي هو الدكتور يعطينا محاضرات هنا لما شفته حسيت ف شعور م اعرف أوصفه وهو لاحظ ارتباكي وجلس يسولف معي شوي او بالأصح جالس يتعرف علي وكذا والصراحه قلبي قام يفز وابي احاول اهرب من عنده بس مني عارفه كيف 🫣❤️🔥
محمد : اشوفك اليوم تروحي وتجي وين بتروحي ؟
حنين : بروح القاعه براجع شوي بس ليه تسأل ؟
محمد : لا بس مجرد سؤال 🌚
حنين : طيب تمام أنا بروح تبي شيء
محمد : استودعتك الله
و رحت ادور قاعه فاضيه ع شان أراجع شوي وإلا لقيت قاعه ورحت قعدت فيها وراجعت وانا بنص المراجعه نمت و ما حسيت ب نفسي وإلا شويء كذا اصحى على صوت شخص عندي إلا أقوم وأناظر إلا ويطلع محمد وشفت شايل ب يده قهوة من النوع الي احبها
محمد : شفتك نايمه ف القاعه ف قلت اروح اجيب لنا قهوه تعدلي فيها مزاجك
حنين : بس كيف عرفت النوع الي احبه
محمد : الصراحه سمعتك وأنتي تسولفي ل صحبتك انك بعد الجامعه بتروحي تاخذي قهوه وعرفت النوع
حنين : ي عمري الله يعطيك العافيه بس ليه تتعب نفسك
محمد : عليك بالعافيه وبالعكس لا تعب ولا شيء اساسا كنت رايح اجيب لي قهوه ويوم شفتك نايمه بالقاعه قلت اجيب لك معي
هنا عاد أنا حسيت ب شيء قوي ف داخلي وقلت معقوله حبيته ؟ لا لا ي بنت اهجدي وش حب وما حب يمكن يكون متزوج ولا خاطب ع شان كذا لا شيلي الفكره من راسك بس قلت بشوف بكره وبسأله إذا هو متزوج ولا لا
جاء اليوم الثاني و لقيت محمد داخل الجامعه ورحت له وسلمت عليه الصراحه حسيت انه استغرب 😂
حنين : صباح الخير ي دكتور
محمد : هلا والله صباح النور امري ؟
حنين : ما يأمر عليك عدو بس بسألك
محمد : تفضلي ؟
حنين : انت يوم عرفتنا عليك قلت ان زوجتك تدرس ف متوسطة صح ؟
محمد : لا ي حنين أنا اساسا مني متزوج ومتى قلت ذا الكلام ؟
حنين : بالله ؟ اجل معليش لخبطت اظن الدكتور الثاني الي قال لنا كذا
محمد : لا عادي ولا يهمك حصل خير بس متأكده انك لخبطتي 😂؟
حنين : قصدك يعني أنا جايه اسألك أنت إذا متزوج ولا لا بس بطريقه ثاني ؟؟
محمد : اي 😂
حنين : مره عاد مني مهتمه لك ل ذي الدرجه بس كنت اسال ع شان يمكن تكون تدرس اختي الي بالمتوسط ؟
تبون الصراحه ما لقيت حجه إلا ذي الصراحه 😂
يعني ما كنت عارفه كيف بسأله إذا هو متزوج ولا لا 😂
أنت تقرأ
روايه مهما كثر البعد بينا مستحيل أفارقك ❤️🔥
Romanceبنت تعارض أهلها بسبب عادات قديمه ان البنت م تكمل دراستها و يغصبوها على حب ولد عمها لأكن لما تدخل الجامعه تطيح ب حب دكتور من دكاتره الجامعه ❤️🔥
