خلصت محاضراتي العصر ودقيت على اخوي م يرد ودقيت على ابوي برضو م يرد وقلت خلاص بروح مع صديقتي طبعا ف سيارتين واقفه برا نفس الشكل و وحده منهم هي سياره سواق صديقتي طبعا أنا ركبت السياره الثانيه وطلعت مهي سياره سواق صديقتي وطلعت سياره سعد ولد عمي ! ومجرد وما ركبت معه دعس على طول ولا حتى عطاني مجال اني انزل طلع النذل عارف من اخوي اني بروح مع صديقتي وكان هو الي يلحقنا اليوم وشاف سياره سواق صديقتي وراح استأجر وحده نفسها وبعدها خطفني ف مكان مهجور صحراء فاضيه ما فيها احد بس فيها خيمه صغيره ونزلني ودخلني جوا الخيمه ولما طلع ع شان يشوف إذا في احد برا أنا على طول ارسلت ل محمد رساله وحده كتبت فيها ( محمد تعال أنقذني ) ورسلت له الموقع وبعدها طفيت جوالي ودخل علي سعد وكان يبي يحاول يعتدي علي ع شان يتزوجني غصب بس م خليته يلمسني وكل م حاول يقرب مني أضربه و أبعده عني
وجاء الليل وطول الوقت أفكر إذا محمد شاف الرساله ولا لا شوي كذا م اشوف إلا سعد داخل علي ب حبل يبي يربطني ع شان يأخذ راحته الوصخ بس قبل لا يربطني سمعنا صوت سياره وقفت برا لف علي سعد قال لا اسمع لك صوت بشوف مين ذا وارجع لك
و شوي كذا اسمع صوت ضرب ويخش علي سعد طايح ع الأرض و وجه كله دم وبعدها دخل علي محمد مجرد م شفت محمد لا شعوريا قمت حضنته 😭 هو استغرب من حركتي ونفس الوقت كان مبسوط 😂 وقال لي محمد : بربط ذا النذل وبحطه ورا بالشنطه ونروح عند ابوكي . قلت له تمام وربطنا سعد وحطيناه بالشنطه ورحنا بيت ابوي وشفت ابوي واقف برا مع اثنين من اخواني لما شفتهم من بعيد قلت ل محمد وقف خلني اركب ورا ع شان م يهاوشون ويقولون ليه راكبه مع واحد م تعرفيه قدام ! و وقف محمد وركبت ورا و وصلنا عند بيت ابوي وانا نزلت من السياره رحت حضنت ابوي وقمت ابكي وابكي الين لما دخلني جوا ودخل محمد معي وسألني ابوي
ابوي : وين رحتي وليه طولتي ومين ذا ؟؟!
حنين : اسفه ي ابوي بس مو ب يدي لاني كنت مخطوفه
والي معي ذا الدكتور محمد دكتوري ف الجامعه
ابوي : مين خطفك ! تعرفيه ؟
حنين : اي اعرفه والي خطفني سعد ولد اخوك الي يبي يخطبني غصب عني وخطفني ع شان يحاول يعتدي علي ويتزوجني غصب بس أنقذني الدكتور محمد ف الوقت المناسب . قال ابوي ب عصبيه
ابوي : وينه ذا النذل والله لا اربيه ابن الكلب ذا ليه شايف بنات الناس لعبه بين يده ؟؟؟؟
محمد : موجود بالشنطه ومربوط ي عم
ويروحون ابوي واخواني ل الشنطه وينزلون ف سعد ضرب ضرب مهو طبيعي لو الله ثم محمد كان مات سعد بين يد ابوي واخواني
محمد : خلاص ي عم انت اخذت حقك بما فيه الكفايه الحين جاء دور الشرطه هي الي بتاخذ حقك من ذا النذل
ابوي : لا لا م يحتاج الشرطه أنا اعرف كيف أتصرف معه .
دخلت أنا عند امي وراح ابوي ل بيت عمي ابو سعد وتهاوش معه وزعل منه وقال لا لا اشوف ولدك سعد يقرب من عند بيتي ولا عيني تشوفه ولا والله م يصير خير سمعت ! ورجعنا البيت ومحمد كان يعطيني نظرات م قدرت أفسرها يعني يناظر فيني ويبتسم وكذا راح محمد وكلم ابوي وقال له
محمد : ي عم أنا ب هاليومين ان شاء الله ب اجي اسلم عليك أنا و الوالد وكمان ف موضوع بكلمك فيه
ابوي : حياك الله ب اي وقت والصراحه مدري وش اقول لك مدري كيف ارد جميلك لنا وإنك انقذت بنتي ف الوقت المناسب يعني لو لا الله ثم انت م كان عرفنا ب حركات ذ النذل و كويس بين على حقيقته قبل لا أزوجه بنتي
محمد : لا ي عمي م سويت إلا الواجب وبعدين حنين من افضل الطالبات عندي وبعيد عن انها افضل طالباتي حتى لو م اعرفها واجبي أنا اني أساعدهم
ابوي : م تقصر الله يجزآك خير .
أنت تقرأ
روايه مهما كثر البعد بينا مستحيل أفارقك ❤️🔥
Romanceبنت تعارض أهلها بسبب عادات قديمه ان البنت م تكمل دراستها و يغصبوها على حب ولد عمها لأكن لما تدخل الجامعه تطيح ب حب دكتور من دكاتره الجامعه ❤️🔥
