عاصف (تحت يدي الرياح)

part5

افيندار

#عاصف(تحت يدي الرياح)
...................................
ما زالَ في العينِ طيفُ القدسِ يجمعُنا
لا الحُلمُ ماتَ ولَا الأحزانُ تُنسِينا

...........................

تبارك:- هارون

نَفس:-شبي

تبارك:-لج لگو بس شنو من حالة حالتة
مكسر تكسير ماكو مكان بجسمة ما مضروب

نَفس:-يستاهل

تبارك:- بس المشكلة مو هنا

نَفس:-لعد وين

تبارك:- قبل لا يفقد گال اسم عاصف و حيدر
دز صفاء للمستشفى و هو رايح يقدم شكوة

نَفس:- شنو شكوة

تبارك:-  يا هلكد خايفة على عاصف وجهج
انگلب  صراحة اني من شفتة اجة هنا شكيت
هوة خاطف هارون

نَفس:- ها لا شنو يخطفة غلطانة

تبارك:- اتمنى غلطانة لان همة يدورون غلط
على عاصف

نفس:-  مممم.. تبارك تحجي و اني بالي مو يمها
اريدها بس تطلع اتصل على عاصف

تبارك:- اشو صفنتي خير

نَفس:- ماكو شي عمتي نور وين

تبارك:- علياء من شافت هارون هيج فقدت
فد مرة وراحت وياها للمستشفى هية و البنات

نَفس:-ها اكلج اريد انام تعبانة

تبارك:- ليش طلعج عاصف عمالة

نَفس:- انچبي اصلاً تونست

تبارك:-عايفة الدنية مگلوبة و طالعة تتونس

نفس:- اخر همي هارون يرجع لو لا اصلاً
اكثر شي فرحني سالفة هارون

تبارك:- اي والله حتى اني يلة نامي

نَفس:- انس مجاي اشوفة وين

تبارك:- من الصبح يروح البيت خالتي ميرجع
لحد ب 11 باليل

نَفس:-ليش

تبارك:-يمعودة اخلص منة بعدين احسن

نَفس:- عافتني و طلعت اتصلت على عاصف
ما رد بس دزلي رسالة

رسالة:- عندي شغل حبيبي من اخلص
اتصل

نَفس:- تغطيت و بقيت العب بالفون شوي و نمت
گعدتني على صياح  تبارك كعدت... شكو

تبارك:- ولج لحد الان نايمة گومي

نَفس:- ابيش الساعة

تبارك:- ب 8 باليل

نَفس:- وخري بعد مو مال گعدة راح ارجع انام
عوفيني

تبارك:- يا حايرة بالنوم

نَفس:-احسن ارتاح.. دخل علينة صفاء

صفاء:- ها نَفس اشلونج

نَفس:-الحمد الله زينة.. اجة حضني و باسني من
راسي