عاصف (تحت يدي الرياح)

part7

افيندار

عاصف (تحت يدي الرياح)

-اريد تفاعلكم+تصويتكم+ رأيكم
تعالو على قناة التلي نسولف

..................................
ريهام:- شكو خوية

عاصف:- وينةةةة اليوم ما يبقى عايش وينةةة

-عاط و صعد يركض على الدرج و براهيم
وراه راحت ريهام شالت التلفون باوعنة
فيديو ال علي و وياه بنية لابسة قصير
و تركص و هوة كاعد من شفت الفيديو
صدمة صارت عندي سمعنة بس صياح فوك

ام علي:- عرفتة يسوي هيج دكة عرفتة
والله هذا منين جابة الله علية

ريحانَ:- طالع على اهلج

ريهام:- ريحانَ ولا كلمة

-ريحانَ سكتت و بقينة بس نسمع الصياح
ولا وحدة صعدت ولا ابد و اني هم غلست
و كعدت يم ام علي شوي و نزل عاصف
و جهة احمر و نزل سريع و طلع و ورة شوي
نزل ابراهيم

ريهام:- وين علي

ابراهيم:- لا تخافين ما مات

ام علي:- امداكم ما ساويتو ياسر من كتل
العارات

-هيج كالت و الكل باوع عليها و خزروها
و هية عافتنة و راحت الغرفتها طلع
ابراهيم و بقينة بس احنة البنات بالصالة
گطعت الصمت ريهام

ريهام:- اي نفس شكو ماكو

نفس:- ماكو شي حبيبتي

ريهام:- اشلون صرتي على العلاج

نفس:- زينة هوة تسمم عادي

ريهام:- مگرودة ما عدج حظ بيوم عرسج

نفس:- شنسوي بعد

ريحانَ:- مو مهم المهم وية عاصف هسة

ريهام:- هية هاي الاهم عاصف بالحضن

- بقينة فترى و صار و كت العشة
و عاصف و ابراهيم ماكو صعدت ريحانَ على علي
شوي و نزلت

ريحانَ:- مكتول كتلة لوز لوز

ام علي:- هسة يسمعج و يكسر حلگج

-بهل كلام دخل عاصف و دخلت وراه بنية
صغيرة عمرها ب 15 هيج ناعم و عيونها
حمر شكلها باچية

عاصف:- دخلي خوية

ام علي:- منو هاي

عاصف:- مرة علي

-الكل و جوهم تغيرت و ام علي لطمت على
و جها و الكل باوع عليها و هية ختلت
ورى عاصف

ام علي:- شهل مصيبة هاي

عاصف:- يمة تعالن روحي خوية وية البنات

- اشر الريهام عليها اخذناها و رحنة للغرفة
حطيناها و گعدنة و هية ولا كلام بس
ترجف و تبجي انطبناها مي شربت و