' عند نجود '
ابتسمت بفررحه بعد ماعرفت بان بنت عمتها لسى عايشه وتتخيل فرحه عمتها بشوفتها والتفت على اشعار من كيان وابتسمت برضى - تمام بقول لامجد اجل - وقفلت جوالها والتفت على دخول امجد ويبتسم صارخت بخفيف لاجل محد يسمع
امجد بضحكه : قصري حسك بيشكون
نجود : تراني ماسكه نفسي بركض لشارع الثاني لعمتي
امجد ضحك : شوفي الان قلنا لجدي الموضوع وبيجمع العائله كلها بس المشكله كلمي صحبتها تقولها اليوم تعرفين عمتي بتنصدم وتبيها علطول
نجود : من عيييوني الحين ارسلها - كيان علميها السالفه الان لان عماني بيتسعجلون بيقولون لعمتي - وارسلت كيان - بتنصدم بس بقولها الان -
'
' عند كيان '
كانت ماسكه اصابعها وتحاول تفكر بطريقه الي بتعلمها لشموخ وتوترت زياده بعد ماكلمتها نجود بس سمت بالله ونادت شموخ وصلت شموخ : انتي اليوم مدري شفيك تفرحين ومتوتره
كيان بربكه : اقعدي بعلمك بموضوع
شموخ : مهم ؟ لان موكليني ينتضرون
كيان : لا اقععدي مهم والله قعدت شموخ ورفعت حاجبها بغرابه الاسلوب ، كيان : شوفي انتي ايش قالوا لك الميتم عن اهلك ؟
شموخ بملل : قالو ميتين وانتي اشتغلتيني باهلي ذول ترا
كيان بربكه : ماماتو ، مافهمت عليها شموخ : وش ماماتو المديره قايله لي ترا
كيان : ماماتو ! عمك وداك للميتم وكذب بان اهلك ميتـ ين !
شموخ بشك : وانتي شدراك طيب !
كيان : قبل ثلاث ايام جتني بنت تقول بان بنت عمتهم متوفيى لكن عمها تواصل معهم بان ماىىت وهو وداها للميتم
شموخ : طيب ترا فيه مليون بنت نفس السالفه مو بس انا شفيك انتتتي !
كيان توترت من عصبيتها : شموخ يماما افهميني انتي عائلتك عايشه وبعد امك واختك مكذبين عليهم الموضوع نفس ماكذبو عليك !
شموخ : اصبري افهم وكيف اصدق هالموضوع طيب ؟ وش دراني بان امي ماتبيني خليني عايشه كذا افضل !
كيان : اسمعيني انا مناديه عمك بيعلمك السالفه
شموخ بانفعال : تستهبلييين ! وانتي كيف عرفتي عمي يمكن مايحل لي !
رن الجرس كيان : افتحي الباب عمك برا انا بالغرفه
شتمت شموخ كيان بنفسها لانها خلتها على الامر الواقع ولا يمديها تسوي شيء
' جهه راجح '
كان التوتر عليه غالبه متوتر ايش بيكون رده فعلها سم بالله ورن الجرس اول مره ومافي اي استجابه ورن الجرس الثاني ومافي استجابه تهند بان خلاص مابتفتح وعطى الباب ظهره ولف بابتسامه من شاف صوت الباب انفتح وانصدم بانها متنقبه عليه : مابكشف عليك بصدق بالاول لاني مو مصدقه الي يصير
راجح : معذوره والله وفتحت له الباب بإنه يدخل ودخل البيت وكانت الصاله مقابله للبيت قعد على الكنب والتفت عليها : تكلم ، راجح عطاها بالالف وماغير اي كلمه فيها حتى سوالف ابوها قال لها ، شموخ بغصه : طييب ليه ماعلمتوني بالبدايه ليه كذا تاركيني ومهمشيني !
راجح : اخواني دايم يلاحقوني وخصوصاً سالم اذا عرف بيعلم صقر وبينفجر لانه الى الان يحسبك متوفيه
شموخ : ابي اروح له واعترف له بشوف مين هو ذا !
راجح : شموخ ماانصحك تراه شخص خطير مره ! وخوالك اقولك صدق افضل من عمانك بكثير نصيحه روحي لهم وسلمي عليهم ادري الموضوع صعب عليك بس حتى على امك الي فقدت روحها من قالو انك متىوفيا !
شموخ : طيب انت من عماني ايش الي تفرق عنهم ؟
راجح : افرررق عنهم بكثير ! مو اقول او اذلك بموضوعك ذا بس لو سالم راح لحاله انتي متوفـ يه وغير كذا انا من ذاك اليوم وضميري مانببني ومستقر بشقه لحالي وفاتح كوفي اترزق الله
شموخ : طيب عطني وقت لان الى الان مو مستوعبه
راجح : خذي راحتك بكلم امجد اقوله يجالون الموضوع لبكرا لانك مو جاهزه بانك تقابلين امك مو صح ؟
هزت راسها بمعنى - ايوه -
راجح : شوفي كم ساعه وابوك بيعرف عن الموضوع ومكانك بيكون خطر لان سلاله صقر كبيره وبيعرفون الموضوع
شموخ بهدوء : والمطلوب يعني ؟
راجح : تجين تسكنين عندي لمى يهدا الوضع اهم شيء اكون عندك انا وبرتاح
شموخ : واختي ؟ صحبتي كيان وش بيصير لها ! لو ماحصلني صقر اوف ابوي اقصد بياخذ كيان كرهيينه ؟
راجح : شقتي دورين وتقدر تسكن فوق انا بقعد بالمجلس ومابطلع فيه الا للضروره وهي تجي معك حياها الله ماتجي تسكن هنا بس اهم شيء باشموخ تسكنين عندي !
شموخ الى الان مو مستوعبه الي يصير لها كميه الاحداث الي تصير لها مو عارفه تقرر ايش وترفض ايش ! وماكان لها الحل الا بانها توافق وتكلم كيان بالموضوع
أنت تقرأ
كان العمر باهت من عرفتك تورد
Roman d'amourلا استبيح نقلها او اقتباسها ! الابطال ' ايهم وشموخ ' امجد والجود ' بتتعرفون على شخصياتهم بالروايه وقراءة ممتعه 🩶
