بعد ما طب فهد جوة باوع علي علية وكال
علي: ملاك
ملاك: هااا
علي: وين جنتي انتي وفهد
ملاك: هااا اخذني اتلعم سواقة
علي: ليشش ما كلتيلي اني اعلمج
ملاك: دورت عليك ما لكيتك وفهد كال ما تجي لليل
علي: هااا فهد كال
ملاك: اي الله عليك عوفة ما نريد مشاكل
علي: ما رايح اني
ملاك: اوكي شبيك فرحان حيل
علي: هاا هل كد مبين علية
ملاك: اي كلش
علي: باجر تعرفين
ملاك: احجي
علي: لا باجر وانتي هم راح تفرحين اكثر مني
ملاك: والله
علي: والله
ملاك: اوكي
علي: يلة باي اني رايح انام
ملاك: تصبح على خير
علي: وانتي من اهلو
راح علي واني ضليت افكر شنو الي راح يخليني اني هم فرحانة
سديت افكاري من صعدت للسطح واخذت البزونة
وياي حجيت شوية ضليت صافنة جان يجي فهد
فهد: مصيبتي
ملاك: اممم
فهد: صار ساعة ادور عليج عرفتج كاعدة هنا
ملاك: اي شتريد
فهد: سلامتج
جان كعد بصفي واني جنت حاطة البزونة بحضني
ولونهة بين الرصاصي والاسود
والدنية جانت ضلمة فَ ما جانت مبينة
حطيت البزونة والعب بيهة
ما احس غير فهد شوية وخر من يمي
ملام: شنو تخاف
فهد: لا
ملاك: ايي واضح هاك اخذهة
فهد.: لا ما اريد
ملاك : مو ما تخاف
فهد: اي بس ما اريد
حطيت البزونة والعب بيهة من كل كلبي والبزونة انجعصت بايدي تريد بس تشرد
فهد:عوفيها يابه راح تطلعين مصارينهة
رخيت لزمت ايدي الهاا مدري شلون انداريت
وخرمشتني شمرتها بسرعة ولازمة ايدي
فهد: حيل تستاهلين
ملاك: حيل يحلك وحمار يحبك
فهد: ادري بيج حمار
ملاك: ههه والله تخاف من البزونة جبان عود هية اسد
فهد: انجبي ما اخاف
ملاك: ترة هية مو اسد
فهد: ترة ادري
سكتت وهوة هم سكت ورة شوية كال
فهد: جايبلج شي
ملاك: شنووو
جان يطلع من جيب البنطلون مالتة
گلادة
ملاك: شنوو هاي
فهد: كلادة
ملاك : شنو اسوي بيهة او اقصد شنوو المناسبة
فهد: بدون مناسبة
ملاك : اوكي
اخذتهة منة ولبستهة ضليت اباوع على السماء جان يكول
فهد: گلبي شلون أصبرة ونار العشگ ملاك!؟
سكتت ما عرفت ارد او هوة شنو الي يقصدة
ملاك: شنو تقصد
فهد: لا هيج طنشي
ملاك: اوكي
ضليت صافنة فترة طويلة وهوة هم
جان يكلي كلام انصدمت من جرائتة
فهد: مصيبتي
ملاك: نعم
فهد: اريد اسئل سوال واريد جواب صريح
ملاك: اسئل
فهد: انتي تحبين علي لو لا
ملاك: مالك دخل انتَ
فهد: اريد اعرف
ملاك: خصوصياتي مالك دخل انتَ
فهد: اعرف من طريقة كلامج تحبي
ملاك: فهد لا تتدخل بشي ما يخصك
فهد: جاوبيني بسؤالي لا ضلين تلفين ودورين
ملاك: مالك دخل
فهد: خوش بس اذا باجر صار شي مو تجين وتكولين ليش سويت هيج
ملاك: شنوو الي تقصدة
فهد: تعرفين باجر
ملاك: اذا الي بالي شيل السالفة من راسك احسن
فهد: تشوفين باجر
جان يعوفني وينزل جوة
ضليت افكر معقولة يسويهة لا لا مستحيل
واصلن علي ما يخلي يجي يخطبني
زين شهد هوة مو يحبهة وهية تحبة
لا لا اصلن ما اقبل بي
لان شهد تحبة
الله على ايامج يا شهد جنة نگعد سوية واسراري يمج وافضض الج من جنت احجي على فهد وتكليلي وهوة هذا بي شي ينحب واني اكلج هوة الحب بالقلب. وتضحكين علية وايامنة سوة اني وياج
ذكرياتنة ليش هيج تغيرتي علية صرت اشوف الحقد
بعيونج علية جنت متوقعة من الناس ولا منج ليش تغيرتي هل بدر مني شي يخليج تكرهيني وتحقدين علية
كل هذا الي سويتي بية بس بعدني احبج ومعزتج بكلبي جبيرة
اتمنة بعد ما تسوين اشياء تخليني اخسرج واكرهج
بعد كلمة وياج ما احجي
نزلت جوة لكيت الكل نايم نمت اني همم
كعدت الصبح وتريكت
جان يجي العصر جان تجي شهد تكلي
شهد:ملاك خالو سالم وخالو يوسف يصيحولج
ملاك:تمام هسة اجي
شهد:اوكي
عافتني ومشت
واني رحت وراهة
طبيت جان الكة وابوي وعمي سالم وعمتي ام علي (رشى) وشهد هم كاعد
جان يحجي عمي سالم وكال
شنو كال سالم؟؟
