ملاك...
رجعنة اني وعلي للبيت جنت كلش تعبانة
واليوم جان كلش حلوو
علي: هاا حبيبي تونستي
ملاك: اي حبيبي كلش اشكرك
دزيت الة بوسة بالهوة
ـ الله اذوب اذوب
ـ ههه
ـ دوم حبيبي هااي الضحكة
ـ ههه
ـ كلت اضحكي بس مو هيج لان راح تشكين قلبي. بالنص
ـ خوش حبيبي ما طول كلتي علمود دائما اضحك
مو بس اشكة بالنص
اطيح حظة هم
ـ حبيبي انتي اصلن من زمان مطيحة حظ حظي
بهاي ضحكتج
هسة جاية على قلبي
نزلت اني وعلي ايدة بأيدي
طبينة لكينة فهد كاعد بالحديقة على المرجوحة
والجكارة بأيدة
علي: هااا شلونك فهد
فهد: الحمدلله كلش زين وانتَ شلونك
باوع علية فهد وكال
وانتي ملاك شلونج
علي: اني زين و ملاك هم زينة
فهد: بس ملاك عندج لسان ما تحجين
ملاك: شنو الفرق اني وعلي واحد
من حجيت هيج حطيت عيوني بعيون فهد
فهد: اي صح
ملاك: يلة فهد عن اذنك نريد نروح لان اليوم كلش تعبنة مو صح حبيبي
علي: اي حبيبي
عفت فهد وطبيت جوة
رحت لغرفتي اخذت هدومي وطبيت سبحت
طلعت رحت امشط شعري
خلصت
رحت نمت
حسيت مفزوعة جنت حيل خايفة
لان جنت حلمانة بس ما اذكرشنو الحلم بس الي اذكرة انو جان حلم كلش مخيف
اريد اشرب مي بس ما لكيت يمي
فَ طلعت من غرفتي ورحت للمطبخ عمود اشرب
شربت مي وطلعت للحديقة لان جان الجو كلش حلوو وبي برودة، وضوء القمر، والنجوم المالئة السماء،
طلعت رحت للحديقة الخلفيه
جانت الساعة تقربيا 4.00 الفجر، ما جنت نعسانة لان شبعت نوم صح نمت بس ساعتين بس ما ادري حسيت نفسي شبعانة نوم
ضليت صافنة على النجوم والقمر وافكر بيني وبين نفسي وافكر شلون راح يكون مستقبلي المجهول وية علي وشلون راح تكون حياتي وياا
ضليت طالعه برة تقربيا لمدة نص ساعة كمت احس بالبرد
بس تجاهلت لان ما بية حيل اروح اجيب شي وأدفة بي
جان شعري بي مي لان ما نشفت شعري من سبحت حبيت اخلي بي مي
صافنة وجاي وافكر فجئة شميت ريحة دخان مال جكاير وشي انحط على كتفي شلون الغطى
انداريت لكيت فهد واكف وراي
ما حجيت شي اجة كعد بصفي
لا هوة حجة ولا اني حجيت اني صافنة وهوة صافن
