___________
ကော်ဖီဆိုင်၏ မှန်တံခါးသည် တွန်းဖွင့်ခံလိုက်ခြင်းနှင့်အတူ တချွင်ချွင် ဆည်းလည်းမြည်သံက ထွက်ပေါ်လာခဲ့၏ ။
အတန်ငယ်အလျင်လိုနေဟန်ဖြင့် လူတစ်ယောက်သည် နှစ်လှမ်းခန့်လှမ်း၍ ဝင်ပြီးသောအခါ ဆိုင်ထဲရှိ စားပွဲဝိုင်းများသို့ မျက်စိဝေ့၍ ချိန်းဆိုထားသော လူကို ကျီးကန်းတောင်းမှောက် ရှာဖွေလိုက်ပါ၏ ။ ထိုသူမှာ မဆိုးလှသောရုပ်ရည်နှင့် အရပ်မြင့်မြင့်ရှိပြီး ကြည့်လိုက်သည်နှင့် မျိုးရိုးမြင့် အယ်လ်ဖာတစ်ယောက်မှန်း သိနိုင်သည်။
သိပ်မရှာဖွေလိုက်ရဘဲ ကော်ဖီဆိုင်၏ မှန်ပြတင်းကပ်လျက် စားပွဲဝိုင်း၌ ကျော့ရှင်းသော ကိုယ်ဟန်ဖြင့်ထိုင်နေသည့် အိုမီဂါတစ်ယောက်ကို တွေ့လိုက်သည့်အခါ ထိုအယ်လ်ဖာ၏ မျက်ဝန်းတို့မှာ လင်းပသွားရ၏ ။
အောင်သွယ်တော်အမျိုးသမီးထံမှ တဆင့် မိခင်ဖြစ်သူရရှိကာ သူ့ကိုပြလာသော ပုံထဲတွင်မူ အနှီအိုမီဂါသည် အေးစက်စက်မျက်လုံးချွန်များနှင့် မပြုံးမရယ် ရှိနေပြီး ချဉ်းကပ်ရခက်မည့်ပုံရှိ၏ ။ ထို့ကြောင့် သူ ငြင်းဆိုခဲ့သည့်တိုင် ထိုအိုမီဂါ၏ မျိုးရိုးနောက်ခံနှင့် အလုပ်အကိုင်ကြောင့် မိခင်ဖြစ်သူက သည်အတိုင်း လက်လွှတ်ရမည်က နှမြောဖို့ကောင်းပြီး တစ်ခါလောက် သွားတွေ့ကြည့်ရန် အရင်းကာရောတိုက်တွန်း၍ သူသည်နေရာသို့ ရောက်လာရခြင်းပင် ။
ယခု လူချင်းတွေ့ရသောအခါ ထိုအိုမီဂါသည် ဓာတ်ပုံထဲကထက် အဆပေါင်းများစွာ နူးညံ့လှပပြီး လူပုံအလယ်၌ ပွဲထုတ်ဖို့တင့်တယ်သည့် ပါတနာတစ်ယောက်လို အရောင်အဝါတစ်ခုလည်း ရှိနေ၏ ။ သူ ထင်ထားသလောက် ဆိုးဝါးမနေသည့်အပြင် ဆန့်ကျင်ဘက်ပင် ဖြစ်နေသေး၏ ။
ထိုအယ်လ်ဖာမှာ မိမိ၏ ကြင်ဖက်တွေ့ဖို့ လာရာလမ်း၌ သာမန်ကာလျှံကာ စကားပြောပြီး ပြန်ဖို့ တွေးခဲ့သည့်တိုင် ယခု မျက်စိရှေ့ကအိုမီဂါ၏ လှပသည့် သွင်ပြင်ကြောင့် ရုတ်ချည်း အလေးအနက်ထားသင့်သည်ဟု ခံစားလိုက်မိသည်။
သူသည် မိမိ၏ coatအင်္ကျီကို လက်ဖြင့်တစ်ချက် သေသပ်အောင် နေရာပြင်လိုက်ပြီးနောက် ထိုအိုမီဂါရှေ့သို့ ယုံကြည်မှုရှိစွာဖြင့် လှမ်းသွားလိုက်တော့၏ ။
