اللحظه الي بيها عيني تجي بعينك ، من كثر ما أحبها ، ما أكدر أوصفها 💜🥀...
الكاتبه: دجله
قمر:درت وجهي وجان انصدم
يي هذا احمد اي ماناسيه شكله ولا اي شي بي
لااا لاااا مامعقووله اني بحلم شجاب احمد هنا بقيت صافنه عليه
كأنما شريط حياتي كوله مر من كدام عيوني وصافنه اقارن واريد اقنع عقلي انو هذا احمد اي نفسه هو احمد اني متأكده
هو دخل مدنك ولاشال راسه ولا حتى باوعلي كعد ع المكتب مالته رفع راسه وانصدم حسيته من شافني صارت عيوني بعيونه بحيث الصدمه بينت عليه
اني من كثر صدمتي وكعت ومادري شنو صار
فزيت وره فتره ماعرف شكد فتحت عيوني بغشاوه واضويه ابيض افتحهم واسدهم بس اريد قوه بداخلي تخليني اصحى ماكو كوه فتحت وسيطرت بقيتهم مفتوحات تذكرت فنونه
كأنما صار الحيل بيه فزيت من نومتي مرعوبه باوعت محد اكوو يمي جمعت قوتي كولها ونزلت من السرير بس دايخه وامشي ع كيف كوه وصلت للباب فتحته وطلعت ظليت امشي بالممر اريد اروح لغرفة فنونه امشي ع كيف واوكف والناس تباوع صافنه هذا اليكول شبيها وذاك منو وياها وليش وحدها وشصاير وهواي سمعت كلام منهم بس ماهتميت اني اريد اوصل لفنونه ومشيت
الى ان وصلت للممر مال غرفتها لكيت كرم وايمن كاعدين ويسولفون توجهت الهم امشي شافني كرم اجه
كرم: منو طلعج من الغرفه
قمر:فنن وين
كرم: جوه ويمها الدكتور ديفحص بيها
قمر:مو فحصها قبل شوي شكو شنو صار طمني
كرم:قمر تره صارلج يومين انتي ماصاحيه ع المغذي شنو قبل شوي تكولين
قمر:شنوو لااا قبل شوي مابيه شي
ايمن:قمر ارتاحي بعده وضعج موتمام موزين وبنتج من تشوفج هم تخاف اكثر لازم تشوفج قويه
قمر:كعدت هي صدك مابيها شي مو فدوه طمنوني
كرم:اي كعدت وحجيت وياها اني وسئلت عنج وسكتتها ووضعها استقر الحمدلله بفضل الدكتور
قمر:اريد اشوفها ماتحمل بعد عفتهم يحجون وفتحت الباب
دخلت لكيت بنيتي كاعده وتضحك واحمد يسولف وياها بدون اي وعي ركضت الها وحضنتهاا
:بنيتي حبيبتي خوفتيني عليج ليش هيج ماما وحضنتها
فنونه:ماما 😭😭😭😭😭
قمر:يكلبها وعمرها اني يمج بنيتي لاتخافين يروحي
فنونه:ماما بجيت عليج هواي وانتي ماكو خفت وحدي
قمر:حبيبتي اشش اني يمج يروحي ماعوفج بعد
فنونه:ماما ضربوني ابره توجع 😫
قمر:اسم الله عليج من الوجع بنيتي غاليتي لاتخافين اني يمج يكلبي اشش يلاا اهدي يروحي
سكتتها بس بقت بحضني واني الدموع عشره عشره تنزل مني نسيت نفسي واني وين ومنو موجود
أنت تقرأ
قمر 🌙
Romanceللكبرياء رواية عنوانها أنا فلن أتكلم عن كبريائي ففخامة اسمي(m:-)-> تكفي ليس غرور مني بل ثقه ^^_
