وُ أگُلك هَجرك شسَوه
لوُن أدَري فلا أهوُى .
الكاتبه:دجله
فنونه:اني ليش ماعندي أب ؟
قمر:هااا ليش هل السؤال بنيتي احد زعلج أو ضوجج
فنونه:لا ماما محد بس اني اول مره اسئل ع بابا واليوم المعلمه كالت نسوي احتفال ولازم الأب والأم يحضرون
قمر:بنيتي حبيبتي اني أصير اب ألج ليش مقصره وياج اني لو زعلتج يوم
فنونه:ماما اني احبج هواي هواي بس أريد أشوف بابا ليش ماكو هو ولأمره شفته
قمر:أميرتي الحلوه عوفي هل الأمور من تكبرين راح تعرفين كولشي كومي هسه ارتاحي حتى تكملين دروسج والمعلمه ماتعصب عليج
فنونه:بس ماما
قمر:يلاا أميرتي الشطوره
فنونه:اوك ماما احبج 🫂
قمر:يروح أمج أنتي واني هم احبج 🫂
كلام فنونه نزل مثل الصاعقه عليه ولاحسبت ولا فكرت بيوم من الأيام تجي وتسئلني هيج سؤال ماعرفت شنو أجاوبها أو أكول هو اني ماعرف بابا وين وياوضع حتى ماكلفت نفسي من رجعت اروح واسئل نسيت كولشي وتيهت وضعي كمت طلعت جهازي واتصلت ع كرم يجيني للبيت وصدك وره شوي دخل كرم كعدت بره بالحديقه وكرم وياي حتى فنن لاتسمع الكلام
كرم:خير قمر شكو صوتج ماعجبني من اتصلتي
قمر:ماتصورت يجي هل اليوم كرم ماجنت حاسبه حسابه
كرم:خوفتيني شكو
قمر:فنن
كرم:شبيها خيرها وينها هسه
قمر:فنن سئلت ع أبوها يا كرم
كرم:شنووو
قمر:ماعرفت شنو أجاوبها تهربت شنو أكولها يعني أكولها أبوج مادري عنه عايش لو ميت لو أكولها احنه خوات بس مو من نفس الدم لو أكولها عافنه وراح ومادري عنه شي فهمني شنو أكولها كرم ماتصورت أعيش هذا اليوم يربيييي شسوي
كرم:اهدأي قمر هي طفله وسؤالها طبيعي كأي طفله تسئل عن أبوها وتشوف البنات وأبوهن تكدرين تكولين الها أي شي هسه ومن تكبر وتفهم راح تعرف وتتفهم وضعج وتتقبل
قمر:ماعرف كرم محتاره شسوي وخفت أتصل بعمو كمال لايظل يقلق ويفكر ومالكيت بس إنت يمي
كرم:دائما اني يمج لاتهتمين وزين سويتي ماكولتي لسيد كمال احسن
قمر:هسه شسوي فهمني
كرم:يعني كرأيي أكول لاتزعلين مني ليش ماتروحين لبيتكم القديم أو بيت جدج وتشوفين شنو الوضع
قمر:لامستحيل اروح مستحيل أوصل لهناك لااا كرم
كرم:ليش تخافين تواجهين الماضي
أنت تقرأ
قمر 🌙
Romanceللكبرياء رواية عنوانها أنا فلن أتكلم عن كبريائي ففخامة اسمي(m:-)-> تكفي ليس غرور مني بل ثقه ^^_
