ليت الذي خلق العيون السود خلق القلوب الخافقات حديد

Part <1>

السلام عليكم و رحمة ﷲ و بركاته صلو على النبي صلى الله عليه وسلم و استغفر ﷲ
و بسم ﷲ الرحمن الرحيم
نبتدي بأول أحداث مخيلتي الثانية و انشاء ﷲ تنال اعجابكم و تتفاعلون معا الأحداث 🤍🤍

....................   ......................   ......................

قامت بطلتنا من النوم و فتحت جوالها و شافت الساعة شهقت من شافت الساعة 7:30 و المحاضره تبدأ الساعة 8:00 قامت بسرعة و ناظرت البنات و لقتهم نايمين و لا وحده صاحيه و صارت و هيتقول : قووووومووووو
نقزت حنان و قالت : شفيك شفيك صرعتيني
نوره و هي عين مفتحه و عين مغمضه قالت : يا صباح خير شفيك تصارخين
لمى : يووووه ما تخلون الواحد ينام ما نمت الا ثلاث ساعات و قومتوني كذا زياده
لجين : اول شي صباح الخير قاطعتها حنان و قالت :
حنان : الحمد الله تذكرتي تقولينها
كملت لجين و قالت : و ثاني شي يا انسه لمى مين الي قالك ما تنامين و انتي عارفه ان اليوم اول يوم جامعه و ما نقدر نتأخر يلا بسرعه و ناظرت شوق الي ما قامت ابد : يووووه ذي كيف يقومها
تقدمت لها و قالت : شوق شوق قومي
شوق و صوتها كله نوم : مابي ابي انام
لجين : قومي احسن لك أفضل ما اتعامل معك بأسلوب غير
شوق مافي رد
لجين ناضرت قارورة المويه و ابتسمت بخبث و هي كل ما رفضت تقوم شوق من كانو صغار هي كذا تسوي لها اخذت القارورة و فتحتها و كبتها فوق راس شوق صارت شوق من حست بالمويه و نقزت من على السرير و قالت : لجيييين كم مره اقولك لا تسويين كذااا
ضحكت لجين على شكل شوق و الي كان معفوس بشكل مو طبيعي كان شعرها القصير مبلول و نصه جاي على وجهه و بنطلون بجامتها واحد فوق و واحد تحت و عين مفتحه و عين مغمضه و حالتها حاله بإختصار
و طلعت شوق من الغرفه متجه للحمام (ﷲ يكرمكم) و مشت لمى تركض هي و نوره على الحمام من يوصل اول و صلوا الاثنين في نفس الوقت و بدوا يتهاوشوا نفس كل مره و في الأخير دخلت لمى و نوره جلست تنتظر برا
و ضحكو حنان و لجين و قالت حنان :انتي قومتينا و ما دخلتي اول وحده
الشقه حقتهم فيها حمامين فا دايم كذا يتهاوشون على الحمام (ﷲ يكرمكم) لجين : وش بسوي نفس الشي
طلعت شوق من الحمام (ﷲ يكرمكم) و لافه على نفسها روب الحمام و دخلت الغرفه و اخذت بنطلون كارجو اسود و تيشرت نص كم بلون الأبيض و  عليه ورود الوان الأخضر و البنك و البرتقالي َ احمر و الألوان الي زي كذا و لبست و سوت شعرها القصير ويفي و بدت تحط ميكب خفيف يبرز ملامحها و لبست جزمتها (ﷲ يكرمكم) الجوردن الأسود.

اما لمى لبست بنطلون جنز سماوي و عليه تيشرت نص كم بنك و سوت شعرها الي يوصل لا عند كتفها ستريت و مسكته مع بعضه بي شباصه او بكله او مادري وش تقولو لها المهم و بدت تحط الميكب الخفيف و لبست جزمتها (ﷲ يكرمكم) و طلعت.

اما نوره لبست تنوره باللون الأسود و عليها تيشرت  نص كم باللون الأخضر و فيه الأسود و سويت شعرها المتوسط الطول ستريت و سوت ميكب خفيف و لبست جزمتها (ﷲ يكرمكم) و طلعت.