"الجلعد".

part8

انا ردتك ثلج وتطفي هـ النار
صِرت جمرة وتزيد النار بيه
_______________________________

جلعد، تشهدين ضد ابوج
ليل، ابويييي؟ شنو ابوي شجابه بالموضوع
جلعد، ابوج الكوا* منطي أدلة عني انا خاطفج ومتزوجج غصب، ومنطيهم أدلة انا مجرم ومدري منين جايب واحد اخت كح** شاهد ضدي وعود مشتغل وياي
ليل، يعني حتى هنا ما ارتاح، شنو تريد اسوي بس فدوة لا ترجعني اله فدوة
جلعد، اموت وما ارجعج خلي هذه الشيء بعقلج
ليل، ردت اطلع جرني باسني بخدي حيل وعافني
طلعت مصدومة، ما اعرف ليش صار وياي لطيف ركضت للغرفة وسديت الباب ضليت صافنة ليش سوه هيج مالكيت جواب طلعتلي دشداشه قصيرة من جهازي، بدلت وگبل ذبيت روحي ؏ فراش تعبانة، كعدت ثاني يوم ؏ صوت تين يم راسي تسولف مدري ويامن، فتحت تك عين وشمرت التلفون ؏ أذني ونامت بصفي تباوع

جلعد، سمعي راح يجي عباس ما اريدج تسولفين وياه هواي ولا تصيرين خفيفه ولبسج عريض الحجاب مايطيح من راسج وحاولي سوي شغلج وتفوتين بغرفتج وتقفلين الباب، وها تينه راح تنام يمج وهذه التلفون اشتريته الج فهمتي عليَّ؟
ليل، فهمت گلبي، وهسه ارجع انام لو ميصير
جلعد، ارجعي بوية كملي حلمج

ليل، سده وانطيت التلفون التين تباوع ورجعت نمت، كعدت المغرب شابعة نوم وتين نايمة وشابگتني بستها وطفيت التلفون، التلفونن!
ضليت اگلب بي، چان ايفون اكس ماكس ابيض بنفس مالته، فتحته چان حاط صورته ومنزلي كلشيء حتى انستا دخلت ؏ الواتساب، اتصلت عليَّ بسرعة شال التلفون

ليل، ياااااا جلعد شكراً ؏ التلفون
جلعد، ولو بوية تدلل انتَ تذكرت كلامي شنو گلت مساع؟
ليل، ايي والله واصلاً ستوه كعدت وتين نايمة وشابكتني، وشسمه التلفون مابي شحن وين الشاحن؟
جلعد، بغرفتي ويلا اروح عندي شغل
ليل، استودعتك الله، سديته وكمت للحمام غسلت وجهي وفرشت اسنان، طلعتلي دشداشه عريضه لونها اصفر بس كلش حلوو تصميمها مشطت شعري ولبست حجابي وطلعت، شفت نسوان وجهال وشاب يمكن هذه عباس، سلمت عليهم كلهم ورحت للمطبخ شفت اثنين بنات هم سلمت

خلود، لولي جوعانه؟
ليل، ميتة جوع والله
جيهان، گمر،  يا ماشاء الله منو هذه الملاك
خلود، مرت جلعوديي
گمر، يمةة الحسين يحفظج شايله جمال يشگ خليتني اكرش عليج يبوويييييييي
سرور، هاي يا نعجة جاي تصرخخخ
جيهان، اعذريني عمة هاي الصفره، ايي ماعرفتينه عليج يحلوة
ليل، اني مرت جلعد ليل وعمري17 طالبة خامس علمي
جيهان، اهلا وسهلا تشرفت بيج حبيبي واني جيهان وهاي گمر وگلنه نفس العمر والصف يعني نداوم سوه، ومن هسه اگلج تره اغار عليج وماقبل تحجي ويه احد