"الجلعد".

part7

انا وقلبي نقصِدك بكل سّطر وأغنية " .
__________________________

ليل، فزيت ؏ صوت الأذآن، كمت شفته نايم بالگاع دخلت للحمام توضيت ونزلت ادور مُحرم وسجادة دگيت الباب ؏ الحچية شفته كاعدة، ءء شسمة خالة اريد اصلي بس اريد مُحرم وسجادة

سرور، دخلي يمة دخلي
ليل، دخلت ونطتني المُحرم صليت وطلعت اسوي ريوك، حطيت القوري ؏ نار وطلعت بيض وطماطة سويت مخلمة، وطلعت أجبان لان ميكفي البيض حطيتهن بالصينية، شلت القوري وديته بالهول ورجعت اخذت الصينية، صحت الحچية وكعدت البنات، كعدنه وسمينه بسم اللّٰه

خلود، لحد الان مانعرف شيء عنج عرفينه
ليل، اسمي ليل عمري 17 يتيمة الام ابوي متزوج بس عايش بالخارج وعافني يم مرته، عندي اخ واحد اسمه محسن بس من مرة ابوي واختي زهور
اني وياها من نفس الاب

افاطم، هيه زينة وياج لو مو زينة؟
ليل، رفعت ردن الدشداشه وشافن الحرگ شهكت خلود لا تخلون بالكم اصلاً عادي تعودت اني
سرور، تعاي يمة تعاي بحضني
ليل، رحت يمها حضنتني وضلت تبچي وخرت منها لا تبچين خالة اني تعودت عليه وهسه اني يمكم بعد متسوي شيء، وعرفوني عليكم هم اريد اعرفكم

خلود، اسمي خلود وعمري17 صف خامس علمي
افاطم، اني افاطم وعمري25 چنت متزوجة بس طلگت وهاي بنتي تينه عمرها4، تركت الدراسة بسبب الظروف بس اشتغل عندي صالون

سرور، وانا خالتهم بحسبة امهم وعندي ابن اسمه صگر بس مو هنا مسافر عمره 20 واعتبري اخيچ يمة

ليل، تمام خالة
سرور، لا تگولين خالة گولي يمة
ليل، ان شاء اللّٰه، خلصنه اگل شلت الصينية ورحت للمطبخ غسلت الماعين ورجعت كلشيء مكانه رحت للغرفة ردت ادخل بس شفت جلعد طلعت وصاحتني افاطم، دخلت وكعدت يمها

سرور، اگلك يمة اريدنك تسوي عرس
ليل، چان يكلب بالفون من سمع هيج عافه بصدمة ءء خالة شنو عرس ما اريد اني
سرور، يمة انا مرة ما باقية بهاي الدنيا يمكن اللّٰه ياخذ أمانته باچر كلشيء يصير وانا ارد شوفن عرسكم
ل

يل، بس خا...
افاطم، لا بس ولا حس ومن باجر نحظر لعرسكم

ليل، ماخلني احچي ضليت اباوع ؏ جلعد نفس حالتي بس صافن، راح للمطبخ وصاحني وراه

ليل، سوي شيء ماريد عرسس
جلعد، ما عليج منهم اريد جوابج خاف تردين عرس احچي لا تخافين
ليل، وليش اخاف گتلك ما اريد عرسس
جلعد، متأكدة؟
ليل، ايي
جلعد، من باجر تحظرين نفسج ترحين للسوك تجيبين ملابس الج وشنو تردين اشتري
ليل، بسس ما اريدد
جلعد، اششش مثل ما حچيت تسوين فاهمة؟
ليل، ايي، عفته وصعدت فوك، فتحت الباب ودخلت اخذت مخدة، ضليت اصرخ شمرتها ومسحت وجهي نزعت الحجاب ورحت بالزاويه، چانت اكو زاويه بين الكنتور والباب، دحست روحي وضليت ابجي نمت من التعب فزيت مخروعة من صوت الصياح، كمت متكسرة اخذت الحجاب ونزلت بس شافني جرني من شعري كدامهم، لزمت ايده اريده يعوفني ماكو اجت خالة سرور تريد تفگني ماكدرت ضلت تلطم وتصرخ حتى يعوفني وما عافني صعدني فوك وراسي ضل يوجعني، دخلني لغرفته وقفلها راح للكنتور طلع الحزام، ضليت واكفة صافنه ما تحركت، طلع صوت بالحزام طلعت شهكة مني حسيتها شگت گلبي، جر حجابي وشمره
تقرب يمي لزمني من فگي، باوعت بعيونه عسى ولعل يعوفني، وهوه صافن بوجهي وعيونه تتنقل بين شفايفي وشامتي، ضربني بالحزام ؏ رجلي تعورت بس ما تحركت نزلت دموعي، واختنكت اريد اتنفس ماكو كعدت بالكاع اريد اخذ نفس ما اكدر من شافني هيج اجه خايف، ضل يفرك بصدري واني من المستحة ضليت ادفع بي

جلعد، اخذي نفس ؏ كيفج
ليل، ضليت اسوي شهيق زفير، رجع تنفسي عدل باوعتله واردفت ببچي، ليش تسوي بيه هيج؟
جلعد، وينن جنتي دورنه البيت گله مالكيناج وعبالي شردتي وصار الصار، مرة ثانية اذا سويتي هيج راح يصير اكثر من هذه فاهمة؟
ليل، هزيت راسي وردت اطلع وزمخ عليَّ نسيت الحجاب رجعت اخذته وطلعت، مرت الايام وضليت اجهز نفسي وكليومية اروح للسوك اجيب المحتاجته، كعدت الصبح واليوم يوم الخطوبة بيناتنه بس عزموا كم شخص نظفت ويه البنات واجت بنية سوت الكوشة والتحضيرات، صعدت بغرفتي واجت افاطم حطتلي مكياج خفيف مناسب لملامحي وسوتلي شعري ستريت وكصتلي گذلة وعافته مفتوح وجنت مشتريه فستان ضيك وبي بُف من جوه تصميمه كُلش حلوو اخذته لون احمر لان احلى لون ولبست كفوف سوده وكعب اسود وجنت مصبغه اظافيري ضليت كاعده بالغرفة انتظر تجي خلود تنزلني، اجت تين بنت افاطم

تين، هالة بيبي يگول تعي
ليل، يلا تعي ننزل اني وياج، لزمتها من ايدها ونزلنه، شفت ناس ماعرفها يمكن كرايبهم، نزلت كعدت بالكوشه وضلو يتاهمسون، نزلت راسي والدموع تجمعت بس صبرت روحي شغلن اغاني وركصن، اجت تين تركض

تين، هالو اجه هالو اجه
افاطم، عيني نسوانه لبسن حجاب اجه المعرس
ليل، اجت افاطم تعدلني، دخل جلعد بس مزين وطالع يشگ شگ، لابس قميص اسود وبنطرون قماش اسود، وچان لابس قلادة بحرفي انصدمت من حركته، وبيده بوگيه ورد، وكف كبالي وباسني بخدي انطه الورد لخلود ولزم ايدي، كعدنه وتين متونسه تركص بالنص، اجت يمي

تين، دومي نردص(كومي نركص)
ليل، لا لا عيب خالو مايقبل
تين، هالو دوم نردص
ليل، اخذني واخذ تين كلها كعدت وبس اني وياه وتينه نركص، شغلو اغنيه ساجدة غصن الريحان
ضليت اتمايل ويه الموسيقى واغني، باوعت بعيونه واغني

يلوگ المحبس بچفك يا مزيون
حلو شعرهَ يتناثر فوك المتون
يحلو الطول يازينات الشبان
من تمشي تمايل غصن الريحان
تعال اكعد واسمعهم شيحچون

ليل، ضلينه نركص وهوه صافن عليَّ، خلصت الاغنية وحطو، يهنيالي علمود يلبسني الذهب
اخذني يم الكوشه ولبسني الحلقة واني لبسته ولبسني الذهب مالت امه وچان مشتريلي ذهب قلادة بحرفه واسواره هم بحرفه وحجل ومحبس
وتراچي، كلش حلوات، صورنه سوه وطلع، طفو الديجي لاى يأذن والنسوان يسئلن منين لكيتوها وليش اهلها مجاين، ضجت ردت اكوم بس عيب
اجت خلود يمي

خلود، اصعدج ترتاحين؟
ليل، ايي عفية تعبت والله
خلود، امشي بس مو تبدلين لان جلعد يريد يشوفج
ليل، تمام عمري، صعدتني ودخلتني بغرفته كعدت انتظره شوي وصعد، وين چنت من مساعه انتظر اريد ابدل متتت من التعب

جلعد، اشششش، اسكتي شوي راسيي
ليل، اذا تريدني اسكت خليني اطلع چا ما مجبور تشوفني؟
جلعد، ميت ؏ شوفتج اريد احجي وياج كم كلمة
ليل، تفضل؟
جلعد، باوعي راح ارجعج للمدرسة وراح احطج بمعهد مثل خلود وراح اوفرلج شنو تردين بس بشرط
ليل، وهوه؟
جلعد، تشهدين ضد ا....!

_____________________________

برأيكم ضد منو راح تشهد؟
وراح توافق او لا؟
وشنو مصيرها من راح تزوج؟

بعد ورانه هواي احداث انتظرونه عيناي...🤭💗!