Unicode
ချစ်သောသူရဲ့ဝဲဘက်ရင်အုံမှ...
Chapter.12
သူတို့နှစ်ယောက်အောက်ထပ်ကိုပြန်ဆင်းလာတော့ တံခွန်နဲ့စိုးမိုးနိုင်ကဧည့်ခန်းမှာရုပ်ရှင်ကြည့်နေ၍ သူတို့လည်းခပ်တည်တည်နဲ့ပဲဆိုဖာမှာဝင်ထိုင်လိုက်ကြသည်။
ရာဇ်ကခခနဲ့မျက်နှာချင်းဆိုင်မှာဝင်ထိုင်ပြီး သူမကိုသာမျက်စိဒေါက်ထောက်လိုက်ကြည့်နေ၏။
သူမရဲ့လှုပ်ရှားမှုတစ်ခုချင်းစီတိုင်းကိုသူကအသေးစိတ်လိုက်ကြည့်နေချင်မိတာပင်။
သူကြည့်နေတုန်းမှာသူမကစားပွဲပေါ်ကပန်းသီးတစ်စိတ်ကိုယူစားလိုက်လေ၏။
ပန်းသီးစားနေတဲ့သူမနှုတ်ခမ်းလေးကစုလုံးလုံးလေးဖြစ်နေပြီးသူ့မှာကြည့်ရင်းနဲ့အသည်းယားလာရသည်။
ထိုစဥ် ရဲသီဟကလက်ထဲမှာဖုန်းတစ်လုံးကိုကိုင်ကာအောက်ထပ်သို့ပြေးဆင်းလာပြီး
''ဟေ့ကောင်တွေ...ခွန်းကလက်မထပ်ဘူးတဲ့ အဲဒါသူ့အစ်မမင်္ဂလာဆောင်တဲ့ကွ''
''မင်းကိုဘယ်သူပြောတာလဲ''
''သူ့အစ်မမင်္ဂလာဆောင်မှာရိုက်ထားတဲ့ပုံတွေသူတင်ထားတာ သူ့အတွက်သတို့သားကမတွေ့သေးဘူးတဲ့''
''captionဆိုတာမျိုးကဟုတ်ဟုတ်မဟုတ်ဟုတ်ရေးနေတာပဲ မင်းမျှော်လင့်မနေစမ်းပါနဲ့ သူကမင်းအတွက်မဟုတ်တာလည်းဖြစ်နိုင်တယ်''
''ကျက်သရေမရှိတဲ့ကောင် မင်းဒီလိုစိတ်မျိုးနဲ့မင်းကလေးတွေကိုစာဘယ်လိုသင်နေတာလဲ''
ပြောပြောဆိုဆိုနဲ့ရဲသီဟကခခဘေးဝင်ထိုင်ပြီး
''ခစား...ဒီကိစ္စကိုမင်းသိပြီးသားမလား''
''အင်း''
''ဒါကိုဘာလို့မပြောတာလဲ''
''ခွန်းကမပြောခိုင်းလို့...ဒါပေမယ့်လေ အခုရက်ပိုင်းကိုရဲကအရမ်းငြိမ်ပြီးလိမ္မာနေတယ် ကောင်မလေးတွေနဲ့တွဲသွားတွဲလာလည်းမလုပ်တော့ဘူးလို့ပြောပေးထားတယ်''
''တစ်ကယ်!...ဟား ဝမ်းသာလိုက်တာ မင်းကအတော်အားကိုးရတာပဲခစားရ''
YOU ARE READING
ချစ်သောသူရဲ့ဝဲဘက်ရင်အုံမှ(Completed)
Fantasíaဖခင်ဖြစ်သူရဲ့အကြွေးရှင်က သူ့သားနဲ့လက်ထပ်နိုင်ရင်အကြွေးတွေအားလုံးလျှော်ပေးမယ်ဟုပြောလာတဲ့အခါ... အတိတ်ကအရိပ်ဆိုးကြောင့်ဘယ်မိန်းမနဲ့မှမပတ်သက်တော့တဲ့ဧကရာဇ်နားသို့ ယောကျ်ားလေးအယောင်ဆောင်ကာသွားနေရင်း ဧကရာဇ်အပါအဝင် ယောကျ်ား,လေးယောက်နဲ့ပန်းခစားတစ်ယောက်ဘယ်လို...