ياصديقاتي أوفياء للأبد

part 22

﷽

رايدلي قلم مايكتب اهموم
ياقلم الأجيبه كاتب اجروحي
هجم بيته القلم مايكتب افراح
يابيت الأكتبه يحرك ابروحي

للكاتبه ناديه علي
انستگرام yshblzmnj313
ـــــــــــــــــــــــــــــــــــــــــــــــــــــــــــــــــــــــــ

꧁ودق꧂

ام كرم،، وينك كرم تعال تعال شوف مرتك تطاول عليه

ودق،، سبحان الخالق شبيها گمزت المره اشو گاعده عالتلفزيون اسم الله الزهره يااا

كرم،، شبيها يمه شسوت

ام كرم،، تگلي لو بيج خير چان ماترملتي بشبابج

ودق،، هسه كذبتي كذبي عدل.. كرم والعباس مافاتحه حلگي بو لا كلمه وحده

ام كرم،، يعني اني اجذب هاا

ودق،، عمه شبيج شوكت گلت والله والنبي مگتلها كرم وداعت ربي محچيت شيء

كرم،، حرت هسه هاي تحلف وهاي تحلف

ام كرم،، مو بس هيج تگلي اتگلي وين اتخلصين الليالي واتذب قصود ومن تروح تغلط عليه وتخليني خدامه وبالويل حالي واني من تعبي منها احچيلك گلت مرت ابني وخطيع وتسترت عليها وهيه ولايغزر

ودق، كرم والنبي والقران كذب ابد اني موهيج

كرم،، استغفر الله شنو تچذب امي بكدج احترمي نفسج

ودق،، زين كرم خليها تحلف عالقرأن انو اني هيج اسوي

كرم،، يمه تگدرين اتحلفين

ام كرم،، هاا يبن بطني ما مصدگني اتريدني احلف جيبه

ودق،، اتفاجئت راحت اتوضت وقسمت بالقرأن دخيل الله هيج القسم سهل عدها وما أسولفلكم عن كرم صدگ عمتي وشبعني گتل

اخ من هالحياه القاسيه طلعت العبارات مالت وئام وبقيت اقرء وابچي

ونرحل جميعنا وتبقى ذكرياتنه 💔🌿كم جمعتنا أيام جميله ليس لها مثيل ولاعوده كم أبتسمنا رغم ألمنا كم صعب بعد فترة من الزمان يصبح أسمك جنازه

شگد حبيته لكرم راسلت وئام وحچيتلها وهيه دزتلي هاي العباره بس صدك

قَالَ صَاحِبُ السّجنِ لِيُوسُفَ - عليه السلام -: إِنِّي لَأُحِبُّكَ
فَقَالَ يُوسُفُ: مَا أَصَابَنِي بَلَاءٌ إِلَّا مِنَ الْحُبِّ
إِنْ كَانَتْ عَمَّتِي أَحَبَّتْنِي فَسَرَقَتْنِي
وَ إِنْ كَانَ أَبِي أَحَبَّنِي فَحَسَدُونِي إِخْوَتِي
وَ إِنْ كَانَتِ امْرَأَةُ الْعَزِيزِ أَحَبَّتْنِي فَحَبَسَتْنِي .. ان شئتم أن تتذوقوا أجمل لذائذ الدنيا، وأحلى أفراح القلوب، فجودوا بالحب كما تجودون بالمال. كونوا كالشجر يرميهم الناس بالحجر فيرمونهم بأحسن الثمر. العطاء شرف ...العطاء من القلب لامن الجيب حتى المتسول يفرح بالابتسامة كفرحته بالدرهم💜