ياصديقاتي أوفياء للأبد

part 31

﷽

تركتُ ظنونَ الناسِ عني ورأيَهُم
فقد كانَ يكفيني صحيحُ ظنوني
وأعرفُ من نفسي الذي يجهلونهُ
وأفهمُ ذاتي في جميعِ شؤوني
ولا أرقُبُ التقديرَ في عينِ ناقصٍ
إذا كانَ قدري كاملاً في عُيوني
الكاتبه ناديه علي انستگرام yshblzmnj313
ــــــــــــــــــــــــــــــــــــــــــــــــــــــــــــــــــ
꧁وئام ꧂

راسلت نورهان وساره وگمت سبحت وطبعا لبسي مثل ماأريد يجنن بس اني كل ما أنزل البس جبه وحجاب المهم سبحت وجبت الكرسي خليته يم المرايه وصعدت فوگه وحچيت

ـ  أي ياوئومه الحلوه من فدوه يروحلج كُل مسموم وحقير.وداعت محمد الحلفي هذا  الوجه الي خلقه الله ميصير يحزن ابتسمي من فدوه رحت لبتسامتج الحلوه مححح باعي وئام هسه تنزلين جوو رجاء بدون مشاكل اممم اي طبعا يمته اني اسوي مشاكل اصلاا فديتني وفديت عشره مثلي افف وئام والله ملل شو انچبي مو عندج دراسه افف كافي تحچين وي نفسج مخبله انتي لابويه تحفيز

متيم بضحك،، لا خبال مو تحفيز

وئام بتوتر،، انتَ من يمته اهنا؟

متيم،، من فدوه رحت لبتسامتج الحلوه

وئام،، هوه شسمه يعني اي لا يعني روان تصيحلي وخليت ونزلت ركض من الفشله يايابه

نزلت ولگيت روان لابسه عبايه گلت هيو روان اعيع شنو من عبايه هاي

روان بزعل،، جاي تتنمرين؟

وئام،، لا يروحي والله مداتنمر بس هالعبايه عباره عن زينه زين انتي وين رايحه؟

روان،، منتضره مصطفى جاي يسبح اريد اروح اشتري ملازم للسادس اتعرفين مابقى شيء

وئام،، لعد گُعدي اهنا خل احچيلج سمعي يروحي

ـ كوني زهرة زينب لكي تشعي بعبائتكِ ك النور لكي تلتمسين ألطاف عيون زينب وحنانها،فكوني للمظلوم عون لكي تكن لكِ الحوراء عون لا ينسى عونكِ أبدا.ً ويبقى صامداً لأجل العفة وشروطها🤍!.

《اتخذي العباءة قاعدة تجيبين بها على كل معادي لال البيت .وتكون هذه القاعدة قوة لكِ يا عزيزتي فجاهدي 》.

ـ كوني مِن اللواتي.
اذا ذكر اسمهُنَ فِـ السَـماء
قيل هَؤلاء من بَنات فَاطِم .

ـ والأنثى ايضاً مجاهدة فالحفاظ على عبائتها
وحشمتها في هذا الزمن هوه أعظم جهاد

ـ كُلِّ أمرأة تگدر تَكون عالِمة ومُعلّمة مِنْ خِلال عبائتها، زَين شلون وشنو الدليل، أنا أگلكم چان أكو امرأة عالِمة ومُعلّمة تتجول بينّ النِيران، وَجمعت أطفالًا شَارِدة، وأطفأت خِيام مُشتعلة، وتَعثّرت بأجسادٍ مُمَزقة وشَاهدت الاولياء تَسحقها حوافِر الخيول، وتحمّلت مسؤوليّة الدين والإسلام والمذهب لكنها بَقيت مُتمسّكة بعبائتها تَخلّت عن كُلِّ شَيْءٍ ولم تتخلّىٰ عنها، فالعباءة لا تُقلل قَيمتُك ولا تَمنع شَهادتكِ وتعليمكِ.