منار
وصلنه نزلنه واستقبلونه عمو عمار و خاله آيات ومريم وداود احسن استقبال سلمنه عليهم ودخلنه كعدنه ابويه وعمو عمار يسولفون وخاله آيات و ماما هم يحجون كال ابويه لعد زيدان وين
عمار :ولله مصاب قبل شوي اجه وهسه هوه بغرفته يرتاح داود روح صيحه
علي :لا لا داود عوفه خطيه خل يرتاح
طبعن اني وزيدان ابد مملتقين ولا شايفني بس اني اعرفه من خلال المواقع التواصل لان امي وابويه من يجون لهنا اني ما اجي وياها ومرات اجي بس زيدان جان موجود لان جان بغير دوله علمود النادي القديم مالته المهم خالع آيات ردات تكوم تساعد مريم علمود يضبطون السفره بس تمي مخلتها وكالت منار روحي ساعدي مريم طبعن مكدرت أرفض ورحت للمطبخ ضلينه نسولف جانت مريم من عمري و كلش حبابه رتبنه السفره وسويت سلطه و كملنه اجو كلهم حتى ياكلون اكلنا و كملنه و غسلنه الصحون اني ومريم
مريم :منار حبيبتي تكدرين تودين الجاي الهم بس حروح اخذ دوش
منار :اكيد حبيبتي
طبعا اخذت الجاي الهم داود وايلان وعمر جانو يلعبون بليستيشن وامي وآيات كاعدات يسولفن و ابويه و عمار هم ديسولفون كالت خاله آيات وين مريم خل تودين اكل لزيدان خطيه متغده كتلها خاله مريم دتسبح كالت آيات ها تمام كوم دواد ودي اكل اخوك كالت امي لا خطيه خل يلعب هسه منار تسويله و تودي اني ضجت اني شعليه بس مكدرت أرفض
آيات:حبيبتي اكو دجاج بثلاجة سويلهيا وياها خضروات لان تعرفين لاعب ويحتاج بروتين
منار :تدللين خاله
كمت سويت اله دجاج ويه خضروات طبعا اكلي كلش طيب و رتبتهم صعدت فوك و دقيت الباب
زيدان :ادخل
منار:دخلت وجان بدون تشيرت و جان لازم تليفونه كلش استحيت
كال زيدان منو انتي
منار :منار بنت علي
زيدان :اها وشتريدين
منار :استغربت شهل وقاحه بس سكتت وكلت امك كالت اخذيله اكل
زيدان :تمام خلي واطلعي
منار :كلش ضجت من عنده و ما تحملت لان ممتعوده احد يكلمني بهل طريقه كتله شهل وقاحه وقله الذوق المفروض تشكرني لان سويتلك زقنبوت صوجي اني وقح وخليت الاكل بصفه وطلعت قبل ليحجي
زيدان
جنت نايم وكعدت جنت جوعان كلش ف ارسلت رساله ل امي وكتلها جوعان ارسلت الي وكالت ثوني هسه مريم تسويلك ماشوف اله بنيه ماعرفها دخلت وكانت جابيتلي الاكل ومادري ليش حجيت هيج وياها اخر شي رزلتني وطلعت وتكلي انت وقح وبلا ذوق جدا تنرفزت منها بس جنت جوعان اكلت وجان الاكل كلش طيب كمت قررت اخذ دوش اخذت دوش ولبست شورت ابيض ويه تشيرت اسود وقررت انزل اسلم لان عيب اخذت ويايه صينيه مال الاكل الي اكلته كله ونزلت جوه لكيت داود وديلان وعمر ديلعبون بليستيشن و أهلي وعلي وياسمين ديسولفون و منار جانت كاعده ولازمه تليفونها انتبهتو عليه كلت سلام عليكم فجئا ام منار كالت الها كومي اخذي من زيدان الصينيه خطيه لكيتها تباوعلي بحقد وأخذتها وراحت سلمت ع كل وقعدت وياهم
منار
طلعت. من غرفته بعد ما رزلته ونزلت جوه وجنت ضايجه منه كالت امي ها منار وديتي الاكل كلت اي كالت خاله آيات عفيه بنيتي تعبتك
منار لا خاله تعبج راحه ابتسمت و كعدت ع تليفوني فجئا نزل زيدان للصراحه جان يشك شكتين مبين هسه طالع من الحمام و شعره جان كيرلي و كلش حلو بس بعدين رجعو لوعي ع صوت امي تكلي اخذي الصينيه منه كلش ضجت شنو خدامه اشتغل عنده ولله يا الله ياريت يكول شكرا كمت وجنت اباوعله بحقد واخذتها منه ورحت ردت اغسلها بس اجتي مريم
مريم :لا عوفيها منار اني اغسلها
منار :نعيما حبيبتي
مريم الله ينعم عليج جبي اني اغسلها تعبتي اليوم ويانه
منار لا يولي عادي شبيج بلعكس تونست
غسلتها ورحنه كعدنه اني ومريم وجنه نسولف وجان زيدان هم كاعد ع تليفون وممعبر احد شكد بارد ايع
بعد ساعات رجعنه للبيت دخلنه أخذت شور ونمت
بنات غلسو ع أخطاء الاملائيه وبنات اهم شي النجمه الي فوك وكولولي رائيكم ب بارت
