تذكير
دخلت للبيت بيت يوم متعب و نمت وضليت افكره برود زيدان وسكوته ونمت
زيدان
صحيت الصبح كل عاده فطرت ويه العائله و رحت للتدريب وتدربت و طلعت اتصلت ع منار وكتلها اليوم العصر حجي اخذج جهزي كلشي و رجعت للبيت استقبلتني امي
ايات : ها حبيبي زيزو اليوم تجيب مرتك مو
زيدان : أي ماما
ايات : تمام لعد لاح نجهز غرفتك ونرتبها وحنسوي حفله بليل بسيطه بمناسبه زواجكم
زيدان : لا امي ع شنو هل حفله
ايات:لا ابني ميصير لازم خطيه لا عرس لا حفله خبص اني قررت وهسه حعزم خالاتك وعماتك بلا نقاش
زيدان:تمام ع راحتج وصعدت فوك شويه و انتي الشغاله و مريم طردوني من الغرفه حتى يرتبوها رحت بغرفه داود ماطول هوه مو موجود ونمت
منار
كعدت الصبح ع صوت امي و اختي والشغاله كعدت وهنه جانو يرتبون ملابسي بجنط و اغراضي
ياسمين: صباح الخير
منار :مرديت لأنو بعدني متضايقه منها
ياسمين:منار حبيبتي لاتسوين هيج ولله اني اعتذر منج
منار:انسي اصلن لاح اروح وبعد لاتزوريني بيت زيدان و لا اني حجي يمكم لان كرهتكم وكمت للحمام نزلت فطرت وهمه بعدهم ديلمون بغراضي سويت آيس كوفي و طلعت للحديقه وره نص ساعه اتصل عليه زيدان وكلي جهزي نفسج العصر اخذج و بعدني مجاوبته سده بجهي الحقير اني اعلمك وره نص ساعه اتصلت عليه خاله ايات كالتلي انو اليوم مسوين حفله النه بمطعم و عازمين كرايبهم و كالت خل اهلج هم يجون تعذرت منها وكتلها اهلي اليوم معزومين جذبت عليها لان صراحه كرهت اهلي المهم ضلينه نسولف وعرفت منها انو زيدان نايم ابتسمت بشر وبعدين انهينا الاتصال
قررت اتصل ع زيدان وازعجه حتى انتقم منه لان سد الفون بجهي اتصلت اول مره ماكو واتصلت مره ثانيه انطاني رفض وضليت اتصل لحد ما جاوب بعصبيه خير مدشوفيني مداجاوب شبيج انتي خبله
منار :انجب لك بعد لاتسد الفون بجهي لا اخربط تفاصيل وجهك ورفضته بجه قبل ميجاوب وخربت ضحك عليه
زيدان
جنت نايم وكلشي تمام ما اسمع غير صوت اتصال مجاوبت ولا شفت منو وثاني مره لزمت التليفون وشفتها منار رفضته وضلت تتصل لحد ما زهقت جاوبتها واني معصب تالي تكلي اذا تسد مره تانيه التليفون بجهي اخربط تفاصيل وجهك وسدته بجهي ضليت صافن ومو مستوعب هاي شبيها تخبلت الله يستر منها وهستوني اريد انام اجتي مريم وكالت امي تقول خل يجي مرته يلا تاخرت كمت غصب عني بدلت و كملت و نزلت لكيت ابويه متحضر و داود ومريم و امي رحنه اهلي بسياره واني بسيارتي وصلنه ودخلنه للبيت استقبلونه اهل منار. و جانت منار واكفه يم اختها سلمت ع امي وابويه وأخويه واختي وكالتلي هلو من دون نفس اجيت حضنتها وكتلها وهمست بإذانها هسه بدت حياتج ويايه وخرت اخذنه أغراضها. واخذتها طول الطريق جان ساكته واني كذالك وصلننه للبيت
