عِفت كِل الوجوه و رَكزت بيك ♥️
صباح هادئ وشمس داخله من شُباك غرفتي ارسم بألواني المُميزه لوحه تمثل جزء من مستقبلي الخاص
ــ ارسم بأصبعي الاجزاء الصغيره بـ اللوحه دمرت وجهي وبعدت شعري الطويل من وجهي وكذلك تلون شعري بس استمريت ارسم ..
دخلت اختي ميان للغُرفه
ميان:لج هاي شدسويين روح شنو هل الالوان تارسه وجهج وشعرج
روح:دارسم شداسوي يعني وبلغلط تدمرت
ميان:كومي عيني غسلي وجهج وشعرج رح نطلع لـ بغداد نغير جو
روح:تمام روحي بدلي واني راح اخذ حمام سريع وابدل ولاتنزلين انتضريني ننزل سوا
كملت ولبست الجينز اسود وسترابلس اسود وفوگاهم ستره ابيض واسود وقُبعه لان الجو حار نسقتها بالون الابيض ويَ الستره وتركت شعري مفتوح ويڤي وكنت ممتحجبه
سمعت صوت بابا من برا .. يلا روح بابا ماخلصتي رح نتأخر
خليت لمساتي الاخيره حمره خفيفه وكنت مخلصه مسكارا وتنت خدود وسريعآ اخذت الحذاء بايدي وركضت لـ برا وصعدت بلسياره وانطلقنه لـ بغداد والطريق طويل وصلنه بوقت المُغرب
عبرنه من يم سيطره مال الجيش الباسل فـ الكان واكف دك تحيه لـ بابا لان يعرفه ورتبه بابا عميد
..اهلآ سيدي مشتاقيين وين هل غيبه
ضحك بابا وجاوبه
..والله اشغال ومشغولين
كنت داتصفح بلانستا مارفعت راسي اريد الطريق يخلص لان طريق طوويل واكره الطريق الطويل بس الجو حلو فـ عبرناها
افترينه بشوارع بغداد شويه وقررنه نتعشى بمطعم الف ليله وليله وكان درج من الجهتين وبنهايته صوره منضر وكان ويانه زوج عمتي صعدت على الدرج ركض كال بابا
..يلا اوكفي واخذلج صوره
واكفت اخذ صوره ومرت مجموعه شباب هوااي اني استحييت كلشش وبابا كان عنده عادي نزل للارض وبده ياخذلي صور خلصت ونزلت اركض على الدرج كال
.. هلا هلا روحي علا كيفج لاتوكعين حبيبتي
نزلنه بلمطعم رحبت بينه مُضيفه المطعم وعن طريق كلامها عرفت هيه لُبنانيه وتشتغل هنا طلبنه الاكل كملنه ونريد نطلع كال بابا
.. اخذيلي صوره كان واكف هوا وزوج عمتي فـ ارجع ليورا ابتعدت شويه علمود اخذ الصوره انضربت باحد
كلت ..اسفه اسفه مانتبهت!!
"لا عادي ماصار شي
انتبه علا بابا واعتقد عرفه لان راح سلم عليه هوا وزوج عمتي وكفت بملل انتضر يخلصون سلامهم
حتى اخذ الصوره سلم عليهم واندار عليه ورفع حاجبه لان مبينه ملانه كلش
خلصنه ورجعنه للبيت وبلطريق شغلت قصيده (اجيتك مثقل ذنوب)ورجعت راسي عل الكشن ونمت وماعرفت كان هاي مو اول مره واخر مره التقي بي..
_______________________________________
من هنا ابتدأت بكتابه روايتي الاولى ♥️
فاطمه
fa_227ra
أنت تقرأ
روح الـعلي
Poesiaفتاة ذات عينان خضراء تميلُ لـ حب الذات تَرسُم لـ مُستقبلها الخاص بالوانها الجميله وحسب ماتحب الى ان شاء القدر ويتحول ال رسم الى واقع كما شائت لذلك تتسمى روح الـعلي 👥🌏
