اسم القصه(روح طفله واتزان العاقلين)
بقلم-[ رقيه حيدر]
يَا صَاحِبَ روُحْي والزَمْان نَظره لِحَالي
___________________
ليا
:2005 تاريخ ميلاد اختي وحبيبتي اسمه ريام طبعاً بابا اختار اسمه قبل لا يتوفه ولدة اختي قبل شهرين امي جانت كلشي بحياتنا وما محتاجين اي بشر.. وبعد سنتين من وفات والدي.
هدى: ليا ماما روحي شوفي اخوج وين؟
ليا: تمام ماما هسه رايحه.... طلعت رحت للبيت ابو محمد ادور رسلان اخوي؟ رحت دكيت الباب عليهم محد طلع ضليت ادك ؏ الباب طلعلي جنتهم مرت محمد.
ليا: هلو عيني شلونج
هبه : هلابيج كلبي كولي رايده شي؟
ليا: اي عفيه رسلان وين اليوم هم طلع ويا حسين..؟
هبه: لا والله حسين جوه اليوم ما طلع من البيت ورسلان ما اجه..
ليا: شكرا حياتي.... رحت للبيت واني حايره شنو اكول ل ماما لان هوا نهائي ما عنده غير حسين يطلع ويه وهوكل عمره 14 سنه يعني وين راح قاطع تفكير امي وعيه تحجي وياي وتسالني عل رسلان
ليا: هاا ماما تكول ما اجه اليومو... حجيتله ملشي كالته هبه بتفصيل...؟
هدى: ولج ليا فهيني وين راح اخوج... كومت لبست عباتي ورحت وقبل لا اطلع وصيت ليا ؏ ريام.... رحت للبيت ابو محمد ضليت ادك بالباب طلعتلي هبه جنتهم
هدى: هلو حبيبتي صيحيلي حسين!.
هبه: هسه خاله... رحت للحسين وكتله؟
حسين:ماشي جاي.... طلعت واني مستغرب رسلان اليوم وين لان من اجت اخته كالتلي هبه؟
هدى: هلو يمه شلونك يمه رسلان وين هم اليوم اجاك.
حسين: لا والله خاله امشينه ندرو عليه هسه يجي وين يروح.... اخذتها ورحنا للبيتهم خاف يطلع موجود لو راجع هم مالكينه احد طلعنه وضلينه ياهو اليجي اكبالنه نسأل اخر شي تعبت قررت اروح للبحر دائما اني ويا نروح نكعد هناك وحدنه..!
حسين: باعي
خاله انتي ارجعي للبيت واني فد ساعه
نص ساعه اجيج واجيب وياي رسلان لا تخافين..
هدى: لا يمه امشي نروح سوا رجلي ع رجلك.!
حسين: لا خاله اشلون تعوفين بناتج وحدهن ارجعي خاله... ماقبلت طبعاً وحاولت واخيرا اقتنعت ورجعت واني مبل اجرت تكسي ورحت اول ما نزلت ضليت ادور عليه رحت وشفت منظر بحياتي ماراح اكدر اتخطى عل كميه الرهبه الي صابت جسمي واني اشوف رسلان كاعد ويبجي ويشهك وبكل حيله وصيح حاولت افتهم شنو؟
رسلان: ولك يابه ليش تعوفني وحدي بهاي الدنيا كلها شر والله العظيم تعبت اني وحدد عنهم كلهم عدهم اباء واني لا كلهم الي بعمري هسه نايمين بالبيت وبنتظرون ابوهم شوكت يجي وهههه واني وانيييي اخخخخخخ يابه والله بعدد مابيه تعال وشوف حالتي والله من اشوف اب وابنه انقهر والله راح اموت يابه...؟
أنت تقرأ
روح طفله واتزان العاقلين
Science Fictionمقدمه &: اسم القصه(روح طفله واتزان العاقلين) بقلم-[ رقيه حيدر] - كن قوياً ، مكتفي بذاتك ، هادىٰ جداً ومتماسك ، عند انفجار الثوره العصبيه بداخلك ثق بنفسك وقاتل ما يؤلمك حتا تقتله ، لن يشعر بك احد عندما تتالم ، اجعل من نفسك جيشا لنفسك تحارب به الم...
