اشقاؤها الثمانية بلوتي

الفصـل الاول

  " بتهـزري يا نيـاط صـح ؟.. إزاي متعـرفينيش بحـاجة زي ديـه و على أساس أنا جـاي اتقدملك بكـرة .. "

  نيـاط _ " بتزعق ليه يا عثـمان ، مجـتش فرصة أعـرفك و خلاص و انت عمـرك ما سألتني .. "

   عثمـان _ " الغلطة بقـت غلطـتي دلوقـتي على الاقـل لمـا عرفتك قبل اسبوع اني هتقدملك كـان المفروض تقوليلي انو عندك ثمـانية اخـوات رجـالة .. مش واحـد ولا اثنين .. دول ثمـانية .. "

   نيـاط _ " و ده هيفـرق معـاك في ايـه ؟ .. لو مش عايز تتقـدم يا عثمـان خلاص اللي تشوفه بقـا سـلام .. "

   عثمـان _ " استني يا نيـاط أنا آسف حقك عليـا ( اتنهـد ) توتـرت شوية بـس  .. صحـيح .. احـم ، اخـواتك دول لطيفين بـاين ؟ صح قـولي صح ؟.. أنـا حاسس نفسي جـاي اتعـدم مش اتقـدم .. "

   نيـاط ضحكـت _ " متبالغش يا عثمـان مش هيـاكلوك مثـلا .. "

   عثمـان _ " أنـا خايـف ميوافقـوش علي طب نفترض موافقـوش هنعـمل ايه ؟.. "

   نيـاط _ " معـرفش ،.. معـرفش بس هحـاول أمهـدلهم المـوضوع قبل أما تجـي بكرة .. "

   عثـمـان _ " و اخـواتك الثمـانية دول كـلهم أكـبر منك .. ولا فـي أمـل طمني قلبـي .. "

  نيـاط _ " بص متتـرعبش بس الثمـانية أكـبر مني .. سلطان أكـبر واحـد .. عمـران و مـروان تـوأم .. و فـي زيـن و يـزن برضو تـوأم ،
و رضـوان .. و زيـد .. و مراد أصغـر واحـد فيهـم .. "

   عثـمـان _ " الله أكـبر خلصتو كل الأسمـاء الموجـودة ع الكـوكب يا عـيني عليك يا حبيبي يا عثـمـان ، هتعنس لا انت هتموت بكـرة بإذن اللـه .. "

كـانت هتـرد عليه بس أول ما سمعت صـوت دق على باب أوضتـها فصلت الخط و خبت التلفـون تحت المخدة و قامت فتحت البـاب و اتـرمت فحضن اللي واقف اقـادمه بتتعلق في رقـبته

   نيـاط بـدلال _ " الأمـير مـراد منـور غرفـتي لـيه ؟.. "

   مـراد ضحـك _ " الأمـير مـراد جاي ياخـد الأمـيرة نياط لتتعـشى تحت .. تسمحـيلي .. "

باس ظهر إيدهـا و هوبـا رفعـها بين إديـه بينزلها الدرج و ضحكـتها واصلة آخـر البيت ، لقـت اخواتـها السبعة قاعـدين بيستنـوها و كل واحـد فيهـم على وجـهه ابتسـامة ارتيـاح و هما شايفينها بتضحـك ضحكـتها اللي محلية حياتـهم

  نيـاط بدرامـية _ " بالراحـة ع قلبـي بتبصولي كـده لي تصدقـو لو مكـنتوش اخـواتي كـنت اتجـوزتكو كلكـو .. "

   مـراد _ " هتفتحـي حـواديث .. بسـرعة قلـيلي انـزلك فين إيـدي اتشلت .. بقـيتي ثقيلة أوي .. "

    نيـاط نفخـت خدودها عاملـة نفسـها زعـلانة  _ " انتـو سامعـين هو بيقـول ايه ؟.. اوع كـده .. "