اشقاؤها الثمانية بلوتي

الفصـل الثـاني و العشـرون

   نيـاط برجفة _ " معاه مطوة ، أنا خايفة هيأذينـا يلا خلونا نمشي بقولكو خايفـة يلا نمشي .. "

مكنش ليه داعي تعـبر عن خوفها بالحكي جسمها بترعش وتخطف اللون من وشها ، ماسكة في قمصانـهم بتشدهم و راجعة بخطواتها لورا ..

نظرته خلت ريقهم ينشف من الخوف و خصوصا بلحيته الكثيفة و مشيته اللي بقت بتتسمع رنتها فقلبـها ، و بمجرد ما قرب منهم زيد اللي واقف على يسارها ، جري هربان من ناحية اليمـين و مراد من ناحية الشمال ..

   مراد شغـل وضع انطلاق صاروخي و بيصيخ _ " اجري يا مجدي متتلفتش وراك .. "

و هما بيجري كل واحد فناحية بصو لـورا في نفـس اللحظة لاقوها متخشبة في محلها بتبصله جريـو عليها كل واحد بيشـدها لناحيته و هي ولا هنا هتتقـسم نصين ..

   مراد بيشدها بيخطف نظـرة كل لحظة و الثانية على الغريب للي بيقـرب منهم _ " سيب يا اهبل هنمشـي يمين .. "

   زيد بيشد هو التاني _ " لا هنمشـي شمال سيب ايدها يا متخلف سيبها .. "

بصو لقـوه بيقرب كل واحد حب يرضي الطرف الثاني فلفـوها على نفـسها لما مراد شدها شمال زي ما زيد رايد و الثاني عكسه ، بعدها بصو لبعض و جريو فناحية وحدة و هـو بدوره زاد سرعته لاحقهم جري ..

   زيد بصويت _ " اجرو متوقفوش متبصوش لورا ، متبصوش لورا  سامعـين .. "

   مراد لسا زيد مكملش جملـته راح باصص لورا _ " يا ماما هنموت  هنموت .. "

نص ساعة مرت على جريهم و هما ماسكين ايديها بيدخلو فممرات ضيقـة يتخبو بس أثره مبطلش يلاحقـهم و فجأة هي وقعت منهم على ركبـها مقدرتش تتماشى مع سرعتهم .. 

   نيـاط بتنهج حاطة ايدها على صدرها _ " مش قادرة مش قادرة  قلبي هيوقف ( بتكـح ) أنا مش هعـرف امشـي خطوة وحدة زيادة  همـوت .. "

   مراد بيمسح العـرق اللي نازل من على جبينـها بكم قميصه _ " لا مش هينفع الكلام ده الوقفة هنـا فيها خطـر على حياتك يلا صبري شويتين .. "

   نيـاط بتلف راسـها الناحيتين معترضة على صدره حطت جبينـها و لسا نفـسها متنظمش _ " بقلكو مش قادرة حتى امشي ، تعبانة و رجلي وجعني .. "

   مراد شايف حالـها عامل زاي مش هينفع يضغط عليها _ " هنعمل ايه ؟ مش هينفـع نفضل قاعدين كده المجنون هداك ممكن يلاقينا فأي لحظة .. "

   زيد لف اداهم ظهره _ " بتبص على ايه يلا قومها بسرعة هشيلها على ظهري ( لفت ايدها على رقبته ) امسكي كويس لتـوقعي مني (شالـها ) مرتاحة ؟.. "

   مراد بيسمح على راسها _" لو هتثقـل عليك اديهالي هشيلها عنك ( لقـا زيد بيبصله بنظرة بمعـنى منجدك دنـا أكبر منك ) خلاص يـلا نتحرك .. "