بقلمي الـ أسـَيل.
#الدليفار وعناق الناࢪ.
_________________________________________
غلست على كُلشي وكعدت اتعرف اكثر عليهم وچانو كلششش حبابين.
رسول:-هاا تونستي؟؟
لغم:-اي كُلش والله.
رسول:-بس ديري بالج اذا تريدين تطلعين كولي الي حتى لا يصير خطف ويشغلوج بالمهىٰ.
لغم:-اممم اكيدد.
ريناد:-اكلج اسمج غغيب.
لغم:-هه ايي ابوي سماني لـغُـم.
ريناد:-ابوج شسمه؟؟
لـغُـم:-امم اسمه سبايگر.
رسول:-ههه سبايكر والله صدك كُلشش غريبب.
لـغُـم:-ايي، اكلكم شوكت اروح للملهى؟
رسول:-بـ 2 الضهر.
لـغُـم:-اهاا بعد بس 1 ساعه وأروح، يلاا اني راح ابدل تعالي ريري دليني.
ريناد:-يلاا.
ورحت وراه ريناد حتى اروح لغرفه خاصه بالملابس هيج شي تقريباً.
شويه ووصلنه دخلت للغرفه صغيره وبيها ملابس نسائيه ورجاليه بس اكثر شي نسائيه.
ريناد:-تفضلي هذا اللبس وهسه راح يجي السايق.
لـغُـم:-ااييي تمام شكراً حُبي.
ريناد:-لعفوو روححَي مواححح.
راحت ريناد تنتضرني بالباب على ما ابدل، بدلت ورتبت روحي بس التنوره حيللل قصيره واني صح مو محجبه بس البس ملابس مستوره مو لهاي الدرجه، تتخيلون توصل للفخذ!!!؟ كُل شويه وأنزلها والمشكله ماكو ستريج وياهه والقميص ابيض هدل من الصدر،صفنت وتذكرت لازم اخذ سجين كلش يصير لي وخليتها بفخذي، شويه دخلت ريناد وكلت.
ريناد:-تعالي اخلي ميكب الج.
لـغُـم:-لااا ما اريدد، ولج هذي التنوره قصيره؟!
ريناد:-ععَادي، ولج تعالي اخليلج لازممم.
استسلمت ورحت وراهه حتى اخبي ميكب وخلتلي بس ثخنته وانيي ماااا احببب الميكبببب!!!!! استغفرالله.
كملت اخذت الجنطه وودعت ريناد وغسول على كولت ريناد ههههه، وصعدت بالسياره ونطلقت للملهىٰ.
شويه ووصلت ودخلت جوه وهذا الحارس ورايه يمشي مدري شيريد ويخوففف.
رحت دخلت للحمام ودخل ورايه وهذا حمام نسائي!!! سويت روحي دا اعدل بالميكب وهو حصرني ولزمني من خصري.
تدرون شنو حسيت؟ اقسم بالله حسيت الشياطين كامت تلعب عباله اني مثل هذني الكح***اب الي بالملهىٰ.
طلعت السجين ودخلتها بگلبه وغمزت له وغسلت ايدي من الدم بس شلون اغسل القميص يلااا ععادي اخذ من الغرفه مال الرقاصات غسلت السچين وضميتها بفخذي هم.
