بـقـلمي الـ أسـَيل.
#الدليفار وعِناق النار.
مَا نرهُم بعد..
دعارهَ، وشَيوخ..
شچابَ، اهل البخَت
للكَاوليه.؟🔥
**
فتحت عيوني بصدمه لكيت امجد يصيح ورجليه حمره واضح محترگ.
لـغُـم:-عمههه شكووو شبيججج.!
وفاء:-عمه يمهههه احترك اوليدي احترك بسرعه خلينه ناخذه للمستشفى يلاا بنتي.
لـغُـم:-اييي يلااا.
انسند عليه وهو يصرخ من الوجع خطيه هيه راحت تجيب فلوس ومبايلي، اجتي ورحنه للمستشفى گبل دخلوه للطوارئ، عمه تلطم خطيه.
رحت حضنتها وأهدء بيهاا:-لا تخافين ان شاء الله ماكو شي حبيبتي لا تبچين توجعين گلبي.
وفاء:-يمه بعده شاب يبوووو اني چلبهه ما كمت سويت له اكل.
لـغُـم:-لااا تگولين هيج عمه كافي اهدئي، راح اجيب مي واجي ما أتأخر.
عفتها ورحت اجيب مي اله، نزلت للكافتريه بس معزله فطلعت للسوبر ماركت جبت مي واخذت اثنين عصاير لان واضح عمه نزل السُكر مالتها.
رجعت للمستشفىٰ، ورحت اله،.
لـغُـم:-هاا عمه ما طلعو؟
وفاء:-لا لسه.
انطيتها مي تشرب خطيه شفايفهه بيض، وانطيتها العصير بالگوه شربته بالگوه، وره نص ساعه وطلع الدكتور.
لـغُـم:-بشر دكتور خو ماكو شي؟
-لا لاتخافن حرگ بسيط، شويه وتگدرون تطلعون، عنده العافيه.
لـغُـم:-شكرا دكتور.
-لعفو ولو.
راح وعمه فرحت حيلللل، شويه انتضره حاسبت وطلعناه، رجعنه للبيت والساعه شفته بـ4:30 حيللل چاا اني شوكت اروح للدوام،
رحت وديت امجد لغرفته وانطيته مسگن ونام، ورجعت للغرفه سبحت لان تلعب روحي من ريحه المستشفى حيللل، كملت سبح مشطت وعفت شعري مفتوح ونمت.،
كعدت بنشاط وكمت غسلت وفرشت سنوني وبدلت ملابس، لبست بنطلون اسود عريض و تشيرت اسود بس شويه ضيق، ولبست حذاء رياضي ابيض واسود، وتعطرت وعدلت شعري واخذت المبايل ونزلت جوه محد كاعد رحت اخذت موزه وطلعت اكل بيها، شويه وخابرت على رسول.
لـغُـم:-صباحووو غسول.
رسول:-هلااا،
لـغُـم:-ولك شوكت تجي.؟
رسول:-هسه ثواني اني يمج.
لـغُـم:-خوش، يلاا باي.
شويه انتضرته يجي واجهه صعدت وياه وانطلقت المستودع.
وصلت ونزلت مثل كُل مره سألت البنات كالن اني اليوم ما عندي شغل يعني اكعد واسكت هاف يحتاجوني.
