قيود العادات

part1

الساعه: 7:35صباحا
-ولج يله كومي صبينه الريوك وانتي نايمه كومي
ـ عليج الله عوفيني نايمه ونبي نعسانه
ـكومي يا نوم يله عمي سمير كعد
من سمعت بسمه بسرعه كمت غسلت وعدلت ملابس ورحت للمطبخ
ـصباح الخير
الكل صباح النور
نقلنه الريوك للصاله رحت بست ايد عمي وصبحت علي وكعدت يم ماما الكل ساكت لئن عمي ميقبل احد يحجي عل ريوك كمنه لميه السفره وغسلت المواعين اني واختي بسرعه حتى اروح للمدرسه الساعه صارت ب8:20رحت البابا حتى يوصلني
ـ يله بابا كملت
ـ اي حبيبتي يله من رخصتك خويه
ـ عمي كاله احسان اني شكلت
ـ خويه بعدها اصغيره خل اتكمل الرابع ويصير خير
ـوانته تكسر كلمتي
ـ ماعاش اليكسر كلمتك بس بنتي بعدها اصغيره
ـ عمي صاح عله بابا بعصبيه فززتني احسسسان
ـ بابا كله تئمر يخوي
اندار باوعلي وكال روحي بابا روحي للغرفه واني جاي وراج اني رحت للغرفه ابجي اي هاذي عاداتنا
وعادات عمي البنيه للرابع وتترك الدراسه ومن ايصير عمرها 12او13تتزوج واحد من ابناء عمهااو العشيره
ـ اجه بابا ورايه حضني واني ابجي
ـ كافي بابا كافي حبيبتي لا تزعلين مني والله ما بيدي شي
ـ بابا ليش عمو ميرضى اروح للمدرسه مو هاي حيدر والولد يرحون واحنا البنات ومخلينه جوابه كان مثل كل مره
ـ لئن انتي ابنيه وهمه ولد
كمت من حضنه لاحمام بدلت رجعت للغرفه لكيته بعد كاعد عفته ورحت عله فراشي اتماثل النوم خل اعرفكم علينه وعله عاداتنا
ـ عمي سمير وزوجته سناء عنده اثنين ولد احمد محمد
ـ عمي جبر وزوجته فرحه عنده ولد واحد وبنات2
عمر زهره زهراء
ـ ابويه احسان امي حنين وعنده ولد 3بنات حيدر شمس ولجين وموده
ـ عمتي مروه وعدها بس بنات اربعه والهاذا السبب عمي كرها ويكره بناتها نور زينب حوراء رقيه
اختي شمس متزوجه محمد ابن عمي سمير وعمرها 17عدها بنيه واختي موده كلش تكرهني واخويه يحبني صحيت عله صوت موده

ـ موده: اكعدي هيوو شو رجعتي نمتي اني بابا راح ياخذني للمدرسه روحي يم ماما بلمطبخ يله
ـ لجين: موده احجي عدل ليش اتغوريني عمي هم راح يبطلج من تصيرين بل رابع حجيتها وبتسمت
ـ اجتي موده ضربتني راجدي وجرت شعر وتصيح
انفتح الباب وطب بابا تخبل من شافها تضربني واني اكبر منها
ـ احسان: لح موووده
~•~•~•~•~•~•~•~•~•~•~•~•~•~•~•~•~•~•~•~
هلووو بنات اتمنى يعجبكم البارت بس والله اني كلش وقهوره ليش هيج ماكو مشاهده و تصويت
اتمنى ادعموني واني هم اختكم💋❤️