"لقِيتك بعَد ماَكنت بَالهمْ ضَايع "

~البارت الواحد وثلاثون ~

تسريع احداث بعد مرور يوم (اليوم ملكه كيان )
عند بيت سلطان
صحت كيان بدري ومعها العنود
كيان : يابنت متوتره وربي
العنود : يابنت ماعليك على الاقل بتاخذين الي تحبينه ويحبك
كيان باستغراب : وش قصدك؟
العنود : ها ولا شي بس لا تخافين ترا المفروض يكون احلا يوم بحياتك
كيان : ان شاءلله الا بسألك متى رحلتكم ووين؟
العنود : مدري عن سلطان ما قال لي ولا شي
كيان : تمام اهم شي صوري لنا وانبسطي
العنود : اكيدددد
سلطان دخل عليهم وقال : وش مصحيكم الظهر
كيان : ترا الملكه المغرب يادوب اجهز
سلطان : اف اف يا كيان بتتزوجين وتتركيني
كيان : عندك العنود تكفي وتوفي
سلطان ناظر العنود : وربي صادقه انها تتكفيني
العنود : هي انا لعبه
كيان تضحك
سلطان : نودي جهزي الشنطه ترا الفجر الرحله
العنود : خيررر توك تقول وش الفجر الفجر تونا خلصنا الملكه اروح بفستاني يعني؟
سلطان : ايوا عادي
العنود بتأفف : مستفززززززز
كيان : انا اشهد هههههههههههههههه
العنود : انتي الثانيه مايضحك
سلطان : يلا قومي جهزي الشنطه
العنود : يلا قمت (وراحت الغرفه وطلعت شنطه كبيره وقاعده ترتب )
دخل سلطان : اوف اوف كل ذا عشان شهر؟
العنود : ترا قلتها شهر مب يومين
سلطان :شوفي دولابي في ملابس طلعي لي
العنود : طلع لنفسك
سلطان : ياليل طيب انا بطلع (وراح لدولاب وطلع ملابس وتفاجات العنود ان في ورقه طاحت من بين ملابسه وكانت صوره وجات بتاخذه منه وهو رفض
العنود : هاتها !!!
سلطان : لا لا
العنود : وش مخبي جيبها لا ازعل سلطان
سلطان اعطاها وطلعت كلام حب والي مكتوب :
وبقول احبك وانت قلي  تمون
وانا على شوفتك مغرم وملهوف

واحن لك مير انت منت بحنون لي
والله ما خبرنه دخل قلبي الخوف

والله ماخبر الي بكاني عيونك .

(لو اتزوج غيرك واشوف مليون بنت  غيرك لا احبك للابد )
العنود وهي مصدومه : مين تقصدددد؟
سلطان : يابنت اسمعي وربي اني اقص..
قاطعته العنود : انقلع عني ادري انك تقصد وحده ثانيه
سلطان : يابنت وربي اني احبك وانا اقصدك
العنود وهي عيونها مليانه دموع : تقصدني وانت كنت بتتزوجني
سلطان : افهميني انا كنت كاتبها يوم كنت مدري من بتزوج والله
العنود الي راحت الحوش تبكي
سلطان لحقها ومسك يدها : نودي اسمعي ياقلبي لا تبكين والله اني اقصدك وانتي الي غيرتي حياتي
العنود. وهي تشاهق : طيب انا وش دراني انك ما شفت غيري وحبيتها
سلطان :تغارين ؟
العنود : ايوا اغار شعندك؟
سلطان : جعل مايغار علي غيرك اسمعي وربي اني اقصدك طيب انتي مالفيتي الورقه انا كاتبها على صورتك !!
العنود بصدمه : كيف على صورتي من وين لك صورتي؟
راح سلطان وجاب الورقه ووراها انه كاتبه ورا الصوره
العنود: ذي الصوره يوم خطفتني ؟
سلطان : ايوا هي
العنود :طيب ليه كتبت كذا؟
سلطان :عشاني هيام فيَك
العنود كانت تناظره وهي ساكته
سلطان : افهميني والله اني احبك وذا الشي الي مب راضيه تفهميني ولا تبيني
العنود مسحت دموعها  : بقوم اتجهز مع كيان (وقامت )
سلطان بينه وبين نفسه  : ياخي ليتك تفهمين
_____________________
عند خالد
اتصل خالد على عبدالعزيز بيقوله برفض لمار لُه
خالد : سلام كيفك خالد
عبدالعزيز وهو مبتسم  : ولله الحمد وانت كيفك
خالد : بخير بغيت ابلغك ان لمار رفضت للاسف
عبدالعزيز الي تلاشت الابتسامه من وجهه ويقول : افااا ليه؟
خالد : والله مب مستعده حالياً
عبدالعزيز : تمام الله يوفقها بحياتها
خالد : اتمنى ما تتأثر علاقتنا
عبدالعزيز : لا ماعليك انت بتبقى مثل اخوي
خالد : الله يسعدك يلا توصي شي
عبدالعزيز بغصه : لا تسلم سلام (قفل )
عبدالعزيز ؛قرر انه مايستسلم ويحاول ويكلمها
_____________________
نروح لكيان والعنود الي كانو مخلصين تجهيزات وبيروحون بيت الجد
كيان : يلا دقي على سلطان يودينا
العنود: يابنت هو بالغرفه قولي لو
كيان : انا زوجته ولا انتي روحي ناديه سريع
العنود : ااا انا مشغوله روحي ناديه
كيان باستغراب :طيب
راحت عند سلطان الي كان واضح انه زعلان ولاف وجهه
كيان : ولد سلطان قوم ودينا
سلطان مارد عليها  كيان : سلطان قووووم
سلطان : ياليل شتبغين؟؟؟
كيان : انتم شفيكم ؟
سلطان : مين
كيان هبدته بالمخده : لا ياشيخ؟ يعني مين !!
سلطان : اهاااا طيب انتي وش دخلك
كيان:شوف ترا العنود جوهره انتبه تخسرها
سلطان : ادري ادري بس هي مب راضيه تفهمني !
كيان : ترا ما كملتو اسبوع متزوجين مسرع.؟
سلطان :كيان ترا انا اعرف العنود قبل لا نتزوج !
كيان  وسعت عيونها : ايششش انت وش تهبد؟
وقال لها كل شي حرفيا من اول يوم لين اخر يوم
كيان : اه ياراسي انت كنت تاجر !!!
سلطان : ارخي صوتتتك ذا زمان قبل اربع  سنين
كيان :طيب كنت تدري انك بتتزوجها؟
سلطان :لا والله ما ادري
كيان : طيب ليه ماقلت لي طيب انت تحبها؟
سلطان : احبها؟احبها بس اكثر من كلمه احبها بكثير انا يوم اشوفها احسها دنياي كلها
كيان : سلطان ترا العنود واضح انها منجرحه منك وماتبيك !!
سلطان : طيب سويت معها كل شي مب راضيه تفهم !
كيان : الله يعينكم المهم بدق على سعود يوديني وانت اخذ العنود وروح طيب  وبسوي يعنني ما اعرف شي تمام
سلطان : طيب
____________________
دقت كيان على سعود
كيان : سعود
سعود : عيون سعود شبغيتي؟
كيان : بتجي تاخذني ولا ؟
سعود: ابشري عشر دقايق وانا عندك جهزي اغراضك
كيان : تمام يلا توصي شي؟
سعود : سلامتك
كيان : سلام (قفلت)
____________________
عند العنود
كيان :اسمعي بروح مع سعود وانتي مع سلطان تمام؟
العنود :طيب
كيان : شرايك بكشختي ؟
العنود : اوففف تهبلين الله يحفظك
كيان :ياقلبي وربي انك انتي الي صاررووووخ يلا اسمعي سعود برا يلا سلااااام احبك اشوف ببيت جدي
العنود وهي تضحك : ان شاءلله وانا بعدددد
(طلعت)
العنود لبست عبايتها وقعدت تنتظر سلطان يطلع
طلع سلطان وهو متجاهل وجودها بدون لا يقول شي وركب السياره ولحقته العنود
سلطان الي بدا يمشي بدون لا اي احد يتكلم
طلع سلطان بكت الدخان وبدا يدخن وكانت العنود تناظره نظرات حقد لانها ما تحب الدخان لان يسبب لها كتمه
العنود الي كانت تكح تكح وهو مو يمها
العنود بصوت تعبان : وقف السياره انكتمت
سلطان الي ما كان مستوعب شي ومطنشها
العنود الي فكت باب السياره فنص سواقته وهو وقف واستوعب وقال :انتي شفيك؟
العنود الي نزلت من السياره وكانت تكح بقوه لانه كان يدخن والشبابيك مقفله
سلطان الي قرب يهديها بعد ما استوعب
العنود وهي تبكي :بعد بعد عني لا تقرب
سلطان :يابنت ماكنت مستوعب
العنود :انقلع
سلطان الي كان يناظرها وهو ساكت
العنود كانت تكح وشربت مويه وهدت وركبت السياره وهي تبكي
سلطان :طيب اسمعي من..
العنود قاطعته :اص اص ووديني وانت ساكت
وحرك سلطان ووصلو ببيت
رد سلطان :ترا سفرتنا الفجر اذا خلصنا نروح البيت وناخذ الشناط
العنود :وين؟
سلطان :فالمطار اقولك
العنود ما اهتمت وراحت
ووصلت عند البنات وقعدو يضحكون ويسولفون
وكانت نظرات شهد ووريف حقد مرا
لمار :بنات شوفو نظراتهم ترفع الضغط
ليندا :يابنت ماعليك منهم
العنود:احمدي ربك يا كيان مالبست ابيض هههههههههههههه
كيان وهي تضحك :لو سوتها مايهم لان انا احلى منها
سديم: اكيد
العنود :الله على عروستنا كياااان
كيان :استحي ترا
ريما :احلا من يستحي والله
العنود :اوففف الشيخ وصل شووفووووو
كيان وهي متوترهَ:بنات انا خايفه لا تزيدوني
العنود :ههههههههههههه وربي انك تحفه
ليندا هبدت العنود  :نودي خلاص لا تصيح علينا