"لقِيتك بعَد ماَكنت بَالهمْ ضَايع "

~بارت الثامن والعشرون ~

الله صلي وسلم على نبينا محمد بسم الله خلونا نبدا :
عند العيال فبيت الجد
الي اول ماطلع سلطان راح وراه طارق وهو مو منتبه عليه سلطان ووصل العنود البيت وراح بيجيب الاغراض من الفندق وطبعا طارق شاف انه نزل العنود وراح وقرر انه يدخل البيت بدون لا احد ينتبه وطبعا تسلق وطلع من الجدار على الحوش وكان يمشي على اطرافه اصابعه

العنود الي انصدمت ان كيان مب موجوده بالبيت وقعدت على الكنب تقلب على جوالها تنتظر كيان تجي
وتفاجات بصوت ورا البيت وعرفت ان مافي احد فالبيت وشكت وقامت وراحت بغرفه وقفلت الباب وطالعت الطاقه لمحت رجال متلثم هي ماعرفت مين وراحت وكسرت جوال سلطان وسلطان الي نسى جواله بسياره وطلع الفندق جاهل انها يمكن يصير لها شي والعنود لقت حل انها تستخدم خبرتها مواجهه العدو وسمعت صوت محاوله فتح باب البيت الداخلي وقالت بنفسها : خربانه خربانه خليني امسح فيه البلاط
وفكت باب الغرفه الي كانت فيه وكانت ماسكه في يدها المزهريه عشان بتصقعها براسه اذا دخل
______________________

واول ما دخل هبدت على راسه وهو مسك راسه ونزل على الارض وهو يصارخ مو شايف شي ومسكت من شعره ورفست فيه لين ماقالت امين يوم عرفت انه طارق ومسكته لين صار دايخ وجابت حبل من الحوش وربطته وهو مو قادر يتحرك من الضرب الي جاه

طارق : تكفين فكيني والله معد اتعرض لك ولا اجيك تكفين لا يجي سلطان ويكمل علي
العنود بضحك وسخريه : اساسا هو لو كمل عليك بيذبحك لاني وريتك كل اساليب العنف لانك تستاهل فاهم
طارق : طيب تكفين خليني انحاش
العنود : مستحيل قبل لا اصور ومعك واخذت له صوره وارسلتها لسلطان تعال خذ ولد عمتك مدري عمك وفكني منه

______________________

سلطان الي وسع عيونه بصدمه يوم شاف طارق كلها دم وقال بينه وبين نفسه : ياويلي شسوت فيه ذي
(وحرك باسرع سرعته على البيت ودخل وانصدم ان القزاز على الارض والدم وولد عمته مربط الي هو طارق وطبعا سلطان قال للعنود : انتي مين ساعدك كيان؟
العنود : انقلع بس كسرت جوالك ماترد انا الي سويت فيه كذا البيت فاضي
سلطان : طيب جوالي نسيته بسياره عشان كنت اجيب الاغراض
العنود : شيل ولد عمتك عني وصخ البيت
سلطان بضحك : تكفين مسحي فيه البلاط
العنود : شرايك انت بداله
سلطان وهو من الضحك بالقوه يتكلم : خلاص خلاص بفكه وهو يروح
طبعا فكوه وماتشوفون الا غباره هج
سلطان : بالله عليك ليه ماسويتي كذا من اول
العنود : مزاجي
سلطان : للحين زعلانه
العنود : بالله اسكت بروح انام بغرفه كيان واذا جات قلها اني فوق عندها
سلطان : طيب بس بذكرك بشي مهم جدا
العنود : وش !
سلطان : ان لو نمتي عند كيان بتشك وترا انا عندي غرفه فوق سويتها على اساس انها لي ولك وعبال ما كيان تتزوج انا وياك مع بعض وبعدين اذا ملكت بنروح انا وياك شهر عسل مفاجاء وبعدين نرجع ويكون زواج كيان
العنود بعدم اهتمام : فين الغرفه بروح انام ولا اشوفك جاي
سلطان : الدور الي فوق
العنود طلعت وانسدحت على السرير وبعدها نامت
سلطان الي انسدح بصاله عشان العنود قالت له لا تجي الغرفه
___________________