رحلة انتقام

انتقام2"

مـثل سـاعـه بـقـصـر
مـهـجـور مـحـد
بـاوع
الـ تـعـبي.
             " بـسـم الـلـه الـرحـمٰـن الـرحـيـم"
                    "ذو الجـلال والإكـرام"
                       "رحـلـة انـتـقـام"
                      "زهرة الـ محمد"
................... .................. ............... ....... ........
سيارات وناس ملتمه يم الباب تلاشت ابتسامتي ومااعرف شنو السالفه؟
اسراء كامت تسأل واني بس صافنه دگ السايق هورن بمعنى وصلنه
نزلنه اني اسراء لان بيتهم بصف بيتنه جاي نمشي واحس البيت صار بعيد رجليه يرجفن وجسمي كله يرجف  مااكدر أعينهم مااكدر امشي اجه اخو إسراء شاورها باب البيت مفتوح كله والبيت متروس نسوان وزلم البيت ماينطب متروس ناس كل مااتقرب اكثر كل ما اسمع عياط وبجي يزيد صريخ ولطم وبجيي مااعرف شصاير ورجليه هناا اريد اوكف وتوازن عدل مااكدرت كل ماسمع عياط وصوت اعرفه كل مااروحي احسه جاي تطلع دخلت واحس شي ضربني على راسي امي تبجي وتصرخ ونسوان دايرها وشاكه الثوب من الطول لطول ونسوان يسترنا عليه صايرات دايرها لحد هناا كلشي مااعرف بس نسوان وصريخ وبجي مااعرف اييشي
الكـل يحضنها ويكلللها مابيها شيي والله مااهتميت لاي واحد اريد بس اوصل واعرف السالفه
تقربت على اني. ولزمت ايديها وحضنتها وصرخت لأعلى صوتها وياريت ماسمعت شكالت
جميله : اخوججج ماات ولجج ماات اخوجج
وكعت دموعي واردفت : مابيه شيي والله مابيه شي شبيج كلشي مابيه كولن شبيه غير بس رجليه لو اديه شبيههه مابيه شي يماا مابيه شبيج لا تبجين
يجي والله يجي هسه يجيبوه ويجون كلشي مابيه

تطلم على وجها وعلى صدرها
لازمه ايدها واهدي بيها بس أريدها تسكت وحالي مو احسن من حالها
جميله : لج يماا غيث مات ولج يمه مات غيث اخخ يايمه عمت عيوني يمااا وينكك هسه شون حالك ولك يماا اخخ اخخخ ولك ليش رحت منه ليشش

هناا من كالت غيث احس راسي ضرب مااعرف شنو لان بس ههو أقرب واحد الي من بين اخواني احس كابوس من كالت هيج وياريت اصحه من هيج كابوس مشؤؤم
رانيا : لج جذب والله جذب يماا شجاي تحجين اني إني غير مساع الصبح خذت قلمه واجه يركض وراي لجج يماا كعدني الصبح اصليي ولج يماا هاذ روحي انتي شجاي تحجين مايموت ههو هسه يجي
نهاريت واحس تخبلتتت
شويه من بعد الصريخ والبجي اجن يردن يلبسني اسود واني اصرخ ماميتتت شبيجن عليمن البس اسود تحجن صدكك ولجن هسه يجي من المدرسه شبيجن لبسني بالكوات من بعد عرك وماطل يلا قبلت ماحسيت اله دخلوو التابوت للاستقبال لان الاستقبال جبيرة اريد ادخل مايخلوني اني راحت دخلت واني بقت واكفه وكاضيني من اديه واصرخ:عوفووومي ولكم عوفونيييي وخروووو
اجه ابن عمتي شبكني ويبجي
رانيا : حباااب بس ادخل فدوة بس ادخل اخر مرة
_كومي وياااي تعالي يلا
كمت ودخلوني شفت التابوت واخواني وابوي محاوطينه وامي فوكه ملخو روحهم يردونه يكعد بس ههو مايسمعنه  واني انجنيتتت تخبلتتت ملخت روحي تملخ كعدت يمه واطبطب على التابوت واصرخ واعاتبه
ليش ليش اني إني والله بعد ماأخذ منك قلم ليـ غيث بعد منـ منو يكعدني للصلاة هها بس حاجيني
رادو يشيلون التابوت واني مجلبه بيه تخبلت واي واحد يقرب اصرخ بوجها إلى انـ كلشش بعدوني وخذوو التابوت واني اصرخخ مجلبه برجليهم واتوسل مايخذوه طلعو التابوت من البيت
رادت اني تروح بس ماخلوها ماقبلو ياخذون نسوان وياهم بدت النسوان تزيد ماتنقص  واجن الملايات يقرون وصريخ وعياط يكثر ويعله بالبيت دخلت للاستقبال دمعه وحدة ماطاحت من عدنه بس صافنه
واردد واعاتب بـ غيث
من بعد كم حدث صار بـالفاتحه عرفت ههو طالع على الشارع وجايه سيارة بـاعلئ سرعه وضاربته
استمرت الفاتحه 7ايام بصريخ وبجي ومعاتب
بيوم الثامن اجه ابوي كعدني
قيصر: كومي اكلي بابا صارلج اسبوع ماماكله
رانيا: مااريد مو جوعانه لعبانه نفسي
قيصر : كومي حبيبتي بأجر وراح دوام ماتسيطرين خاف توكعين كومي اكلي كم لكمه
رانيا: مااريد مااشتهي ليش عافني وحدي ليش عافني وراح بجيت وخليت راسي بحضن ابويه
قيصر: حكم ربج هاذا ههو الي ياخذ روح البشر مثل ماانطاها خذاها واحنه كلنه بهاذ الطريق لا اعتراض على حكم ربج لأكبر مني ومنج يلا حبيبي كومي اكلي باجر وراج دوام خلصت اجازتج
رانيا : بس اني مااشتهي
قيصر : بأجر وراح دوام ماتسيطرين كومي حبيبه
رانيا: تماام هسه اجي
طلع وسد الباب رجعت ابجي لحد ماراسي كام يوجعني نمت كعدت الصبح على صوت ابويه ويمسح على شعري
قيصر: يلا كومي
رانيا: تركني مااريد مااريد اروح للدوام
عاط عليه وكمت بهدوء مالي نفس مو مثل كل مرة اعذر واكشخ يلا اطلع باوعت على روحي بـ المرايه السواد الجره عيني كلش نازل وجهي ضعفان وحالتي حاله بجيت على حالي رحت غسلت ورجعت لبست ملابسي شون ماجان و ذبيت الشال بدون اهميه على راسي وطلعت لابو الخط اول ماادك هورن طلعت واني وكفت
جميله :وين
رانيا: للدوام
جميله: نايم جوه التراب وانتي ضحكتج شاكه حلكج
ماهتمت طلعت َسديت الباب
صعدت بـ السيارة ودمعتي ماشفت من وجهي
وكلـ عادة البنات ضلت يحجن حجي ماله ايداعي غلست عنهن مالي واهس ارد اردفت اسراء: رانيا عدنه امتحان اسلاميه تدرين
هزيت راسي واصلاً جذب مااعرف كلشي ماجنت فارغه للدراسه
خلصت العطله كله بجي ونوم
اجن البنات يترحمون ويصبروني واني ساكته مااعرف شنو ارد
اجت المدرسه : أوراق واقلام بسرعه
هزتني إسراء من كتفي وطتني ورقه وقلم واني بس صافنه والدموع طاحت على الورقه واني اتذكر اني شون تحجي وعلئ غيث الي مات بعز شبابه
كامت المدرسه ترد بـ الاسئله
انتبهت عليه المدرسه اجت لزمتني من كتفي واردف:اجلج الامتحان
هزيت راسي اي رانيا: عادي اطلع اغسل مااكدر اكمل رحت للإدارة حاجيت المديرة : ست عادي تتصلين على أبويه هزت راسها ورديتلها الرقم اتصلت على ابوي رن الجهاز شويه وجاوب حاجيته :بابا تعال اخذني
قيصر : ليش شصاير اكو شيي
رانيا :مااكو شي بس اني تعبانه  مااكدر اكمل بعد
قيصر : يلا هسه شويه واجيي
سديت الاتصال وسلمته للمديرة طلعت من الإدارة توجهت للقاعه  شويه وصاحوني ابوج بـالباب خذت كتبي وطـلـعت دخلت لكيت امي حاطه ملابس غيث وتبجي دخلت للغرفه ذبيت الـجنطه ونمت بـ ملابسي كعدت بـ ليل بذلت وغسلت وكعدت بفراشي وتذكرت شون جنه نشاقه ونضحك ونسولف  جبت جنطتي وفرشت كتبي صارلي شكد مقاريه كعدت اقرة ودموعي تطيح على الكتب لحد مانمت كعدت الصبح غسلت وبدلت مستواي الدراسي كلش نازل  مو مثل نصف السنه درجاتي كلها عاليه هسه اعلئ درجه عندي 30 انقهرت على درجاتي بس مااكدرت اسوي شيي

     يـتـبـع......
نلتقيكم في بارت جديد
"يديمكم الله بحفضه ورعايته"
zahraa__. 11.11
حساب الانستا
..............
💜🪽