رحلة انتقام

انتـقام 4"

ولـونــكّ مــو دمع مـاضـمتكـ عيــني.
ولـونــكّ مــو كـحـل ماشـالـتك عـيني.
يـلـومـوني واحسكـ تكبر بروحي..
وانـة بـلا شوفــتك شـينفعن عـيوني..

"بسم الله الرحمٰن الرحيم"
"والله بصـيـر بما تعـملـون"
" رحلة انتقام"
"زهرة الـ محمد "
_نفتح الباب واشوف ابويه يباوعلي بتعب وبعيونه لوم وعتب
قيصر : ههاي ترباتي الج؟
رانيا : ششنو السالفه هيه انـ اني مااعرفها ؟
قيصر: صدكك تخبرين ابن خالج
اعتلت ملامح الصدمة على وجهي لان اني هاذ الموضوع ابدد مااعرف وبيه والطامه الكبرى مااعندي تلفون
رانيا: بابا تصدمني اسويها اني إني منيلي تلفون
قيصر: للا بتلفوني
رانيا: تلفونك كل الوقت عندك ومن توفه غيث لليوم اني بس مخلصتها نوم وحتى دراستي هملتها وبعدين تصدكون اخون ثقتكم؟ بجيت من الصدمة
مسح دموعي
قيصر: كافي لا تبجين كومي غسلي حتى نروح نشتري
رانيا: مااريد راح اصلي وانام
طلع واني انفتحت بواري عيوني بجيت لحد ما اسي كام يوجعني كمت غسلت وتوضيت وصليت ورجعت لـ فراشي حتى انام نمت نومة عميقه منا لحد ما ابويه ضل يكعدني
قيصر : كومي بابا
رانيا : مااريد
شاف الآثار الي على جسمي كام جاب ثلج وخلة على الآثار فتح العلاكه انطاني كيكه وعصير وحط العلاكه يمي فتحتهم وكمت اكل
قيصر : بنيتي الاحبها
رانيا: احبك بابا
قيصر : غصباً عليج تحبيني
اكلت لحد ماشبعت ورجعت انام للان هلـ ايام صايرة تمبل مال نوم كعدت الساعه 11مااكدر احرك شي بجسمي بس كمت غصب فتحت الباب لكيته مقفول؟ رجعت للفراش ابجي للان ههاي امي واخوي قافلين الباب علية رجعت نمت نفتح الباب
جميلة : كومي يللا لمي الغراض ريانة نريد نشيل من هلـ مكان
جسمي مكسر مااكدر بس كمت غصب للان اخاف يجي مجاب ويضربني كمت غصب على نفسي
_ كمت وياهم لليل يللا خلصنه الغراض
ساحه واسعه وحديقه هم واسعه البيت كله بيه غرفتين مو مثل ذاك بيتنه كلمن بغرفته
بدينه نعزل بـ البيت كم يوم خلصنة كلشي استقرينه بـ البيت كم يوم بـ البيت واجة رمضان الفطور كله عليه وطبعاً بهاي الايام دائماً مجاب يكتلني علمود امير او المواعين  ورغم هاذ ومااكدر احجي للان إذا حجيت يزيد بـ الضرب كاعدة على اللازمة وملاحظ غير اندفع الباب؟
مجاب : لججج كح.... على منو تجذبين هااا؟
مااحس اله نسطرت راشدي وجاب راسي كام يركع بيه بـ الحايط وكاض شعري ويملخ بيه يطيح خصل بـ ايدة
جميلة : حيل حيل خليها تتأدب
علا: هههههههههههههههههه
_ لككك انتَ شبيككك تخبلتتتت ههااا
اجه اخوي ( قسور) هاد يريد يكتله  اجه مجاب يريد يكتل وي قسوور واني شردت للغرفه ذبيت روحي جثه هامدة لا احرك ايد ولا رجل نمت كعدت الساعه بـ11 الضهر جسمي مكسر لا فطور لا سحور  لكيت بس قسور كاعد
رانيا : قسور وين أمي وعلا؟
قسور: بـ السوك
رحت سبحت وصليت
مااجن لحد الساعه بـ 1 الضهر جايبات مواعين وملابس ومكياج اجيت فرحانة بس غابت فرحتي من اخت علا وخذت كل العلاليك الغرفتها امي جايبه حتى الأخوات علا واني لا سكتت ماحجيت والدموع متجمعه بعيني بس ارمش يطيحن عفتهن ورحت لغرفتي طلعت أدوات الرسم وكعدت ارسم كملت رسمتي ونمت للعصر لكيت امي ترفس بضهري
جميلة : كوميدي سوي فطور يللا
كمت بدون ماافتح حلكي سويت فطور اذن مديت السفرة وخليت الاكل فطرنه وكملنه تردف بابا
قيصر : حضري روح ترحين ويانة للنجف
كمت غسلت المواعين ونضفت البيت رحت سبحت جاي ابدل اندق الباب
رانيا: خيرر؟
مجاب : امسحي المكياج
رانيا: يامكياج؟
ضربني راشدي وصرخت اجه ابوية يركض
قيصر: شكوو؟
مجاب: خلي تمسح الصخام الي بوجهها
قيصر: شعليك بيها  ضل يستغفر ويفرك بوجهها طلع مجاب ورا ابوي بدون كلام
كملت تبديل بـ 10 بليل طلعنه للنجف ( اني. ابويه. أمي. قسور) وصلتك للنجف بـ2 ونص دخلنه للمقبرة بجينة وقرينة قراءن وطلعنه  دخلت للأمام علي ( ع) بجيت وشكيتله اجت امي
جميلة : يلا كومي نريد نطلع
طلعنه لكينة ابوية وقسور منتضرين بقيمة كاعدين بـ صحن الامام علي (ع) شوية وشفت خالي وخالتي ندست قسور
رانيا: قسور هاي خالي وخالتي
صاح قسور : يماا هاي خالي وخالتي 
راح صاحهن اجن يمنه سلمن علينه وكالو شوية ونرجع
خالتي: خلي رانيا تجي ويااي بأحر عدنه ثواب أريدها تساعدنه
جميلة: اءء باجر انشاءالله من نجي نجيبها ويانه
بقت تلح خالتي على امي
قيصر : خليها تروح باجر من نرجع نجيبها ويانه
جميلة : خلي قسور يروح وياها
أشرت خالتي بعلامة قبول اما اني مجنت رايدته لان كرهته بسببه اني انضرب ويتهم بشرفي رغم اني اختة ومكدرت أرفض للان اخاف كمت ادك يمينات بس اشوفه اتفل بوجهها واسوي هيج واسوي هيج
رحنه بـالطريق متوجهين البيت خالتي صلنه بـ6 نزلنه من السيارة دكينه باب البيت فتح خالي النة دخلنة الكـل نايم 
خالي: كومي؛ وفي منو اجانه
كمت كعدت يم راسها ضربتها راشدي خفيف
فتحت عيونها منزعجه
فواطم: رانيااا
رانيا: اـي هلاو شونج شخبارج
كامت بوستني الكاع مالامته من الفرحه
ابو محمد ( خالي) : كومي فواطم سوي ريوك
كامت غسلت ورجعت 
فواطم: جايبه ملابس؟
رانيا: للا
فواطم : انطيج ملابس تسبحين اميد تعبانه
رانيا: اي
هيه اسمن مني اني ضعيفة خاصةً هاي الفترة خلصتها بس نوم مااكل  انطتني بجامة وتشيررت عريض دخلت الحمام  سبحت غسلت ملابسي  وي ماردت اطلع نفتح الباب انصدمت ضليت واكفه بمكاني واشوف محمد واكف هو ضل صافن واني ضليت صافنه مااعرف شسوي شويه وكال
محمد : صباح الخير
مارديت عليه طلعت خذيت الملابس علكتهم على الحبل رحت يم فاطمة بـ المطبخ
فواطم : اي شلونج
طبعاً اني أيدي وجهي بيهم اثار ضرب فـ شكو صاير شي وههي انطتني تشيرت نص ردن  مبينه أيدي بيها زراكك سألتني
فواطم: شبيج؟ ولج ليس ايدج زركه؟! وجهج شبيه!
رانيا: اء ء ء حساسيه
ضلت تتباوعلي بشك واردفت
فواطم : اممم
رانيا: ايي
يتباوع عليه وترتب بـ الصينيه
فواطم: يلا جيبي الجاي وتعالي  
معدنه نترك سألني خالي
ابو محمد : شلونج خالي
رانيا: بخير
ابو محمد: شبيك وجهج؟
رانيا: تحسس عندي
وسكتت خلصت ريوك ورحت للغرفه
شويه طب محمد كمت الغرفه فواطم كاعدة ابدل وانفتح الباب
صرخت وفتحت عيوني على وسعها
يتبع........

توقعاتكم زهراتِ
القفلة شلونها
اسفه على التأخير بس والله ضروف منعتني من البارت......

    حساب الانستا"
zahraa__. 11.11

           ( دمتم في حفضه ورعايته)

                     " 🤎🤎🐆"..
نلتقيكم بـ بارت جديد

                              " سيو"