واعطاه الموظف الورد وحط فارس الكرت وطلع أتوجه للبيت دخل ونطق : السلام عليكم
الكل ردو : وعليكم السلام
ام فارس : هلا يا ولدي كيف الشغل
فارس دور بأنظاره عليها ونطق : الحمدلله يمه
ليلى عرفت بنظراته انه يدور عليها راحت جنبه وهمست : زوجتك استفرغت وطلعت ترتاح بس الحين هي احسن
فارس : طيب
ـــــ
عند سيلين الي اتجهزت وجهزت الهديه وسمعت صوت الباب راحت تفتح شافها فارس بالفستان العنابي الي مبين مفاتنها ابتسم ونطق : يعني كنتي تتدلعي عليهم عشان تقابليني كذا
ضحكت سيلين بخفه ونطقت : لا وتقدمت تحضنه
بادلها وقبل عنقها ابتعد واعطاها الورد ونطقت : غمض عيونك وعطني يدك
غمض فارس عيونه واعطاها يده دخلت عند الطاوله الي عليها الكيك والهديه ونطقت : بعد لين ثلاثه بعدها فتح عيونك وكملت : واحد..اثنين..ثلاثه فتح فارس عيونه وابتسم ابتسامه عريضه ونطقت : happy birthday my husband ابتسمت وتقدم يحضنها ونطق : يلوموني بحبك
ابتسمت سيلين ونطقت : افتح الهديه بالأول
اخذ فارس الهديه وكان رايح يفتحها ونطقت : حبيبي ويت ابغى أصورك ابتسم فارس واشرت له انه يفتح فتح وشاف ملابس أطفال اخذها وشاف تحتها اختبار حمل أنصدم وقام وحضنها ونطق : حامل صح
ابتسمت سيلين وهي تبادله ونطقت : اي في بطني ثمرة حبنا
فارس ابتعد ونزل لبطنها وقبّلها ونطق : روحي البسي عبايتك بنروح المستشفى
ابتسمت سيلين ونطقت : تمام في أشياء ثانيه في البوكس شوفها
فارس : ابشري اخذ فارس البوكس وهو فرحان دخلت سيلين لبست عبايتها ولبست طرحتها وطلعت ونطقت : حبيبي
فارس شافها وابتسم ونطق : هلا يا عمري
سيلين وهي تتقدم له : قررت اني أتحجب
فارس ابتسم ونطق : مبروك يا عمري
ابتسمت ونطقت : الله يبارك فيك ، يلا
مسك يدها ونزلوا تحت شافتهم ام فارس ونطقت : كيفك يا بنتي
سيلين : الحمدلله أنا قاطعها فارس وهو يحط يده على فمها ونطق : بنروح مشوار
ام فارس : طيب شيل يدك من على فمها
ضحك فارس بخفه وشال يده ونطق : يلا تبون شي
الكل ردو : مشكور ، سلامتك
طلعوا وتقدم فارس قدام سيلين وفتح لها الباب ابتسمت وركبت وهو اتجه للباب الثاني وركب مسك يدها وشغل أغنيه "كل وعد" وغنى مع الاغنيه "اوعديني ان انتي تبقي زي ضلي متبعديش كل صعب عليا عدى وانتِ جنبي متبعديش " ابتسمت و وطن الصوت ونطقت : وعد أضل جنبك لآخر العمر وعد احبك طول عمري ابتسم وقيّل راسها ابتسمت ونطقت : ركز بالطريق
ضحك بخفه ونطق : مركز
ابتسمت سيلين وصلوا المستشفى نزلوا دخلو جلسوا ينتظرون دورهم جاء دورهم دخلوا ونطقت الدكتوره: اهلاً استاذة سيلين اتفضلوا
جلست سيلين ونطقت : اهلاً فيك أنا سويت اختبار الحمل وطلعت حامل ف جيت اتاكدي
ابتسمت الدكتوره ونطقت : اكيد اتفضلي
نامت سيلين على السرير وحطت الدكتوره الجل و مررت الجهاز ونطقت : مبروك حامل في شهرك الأول
ابتسموا وكملت الدكتوره : الله يتمم حملك على خير
أبتسمت سيلين ونطقت : آمين
الدكتوره أعطتها المناديل ونطقت : إذا حسيتي بألم تعالي
سيلين قامت وعدلت ملابسها : ان شاء الله شكراً لك دكتوره
الدكتوره : خذي رقمي إذا حسيتي بشي وما تقدرين تجيبين
سيلين : شكراً
الدكتوره : هذا واجبي
طلعوا و توجهوا للسيارة ونطق فارس : عندي فكره
سيلين التفتت له ونطقت : ها وش هي
فارس : محد يعرف انك حامل صح
ابتسمت سيلين وهمهمت كمل : بنأخذ بوكس وبنحط فيه التحليل و السونار وبنعطيه لكل واحد
سيلين : طيب بيعرفوا من اول لما أعطي احد البوكس
فارس : بنجيب بوكسين أنا باخد واحد عند الرجال وانتي عند الحريم بتحطيه على طاوله وتفتحيه وتناديهم وانا بعد
سيلين : تمام ونزلت راسها لبطنه ولمسته ونطقت : حبيب امك انت
فارس : وش تبين نسمي إذا ولد و إذا بنت
سيلين : بفكر إذا بنت نسميها جود او غيم او شوق وش رأيك
فارس : حلوين اكيد لأنهم ذوقك
ابتسمت وكملت : وإذا ولد احس بسمي عبدالله او عبد العزيز او سُلطان او خالد او ملهم
فارس : اوهه كل ذا
سيلين : اي احبهم مره
فارس : وانا ما تحبيني
ابتسمت سيلين بخجل ونطقت : اي المهم بنسوي قرعه والي بيطلع
فارس ابتسم بخفه ونطق : ابشري بس بنسوي بس نرجع البيت
سيلين : طيب بس كيف نعرف بنت ولا ولد
فارس : بنسوي قرعه على أسماء البنات و أسماء الأولاد
سيلين ابتسمت : متحمسه
ابتسم وأخذ يدها وقبّلها وصلوا المول نزلو ودخلو محل اشترو الي يبغونه وطلعو اتوجهو للبيت دخل ونطق : السلام عليكم
الكل : وعليكم السلام
جلس فارس وجلست جنبه ونطق : يمه ما بتاكلون
ام فارس : طيب بنات يلا قدامي
غمز فارس لسيلين فهمته وقامت أخذت شنطته وحطت فيها البوكس ودخلت المطبخ وحطت البوكس على الطاوله ونطقت : افتحوا البوكس الي على الطاوله
التفتو الكل ونطقت لي لي : لا تكوني حاطه فيه قنبه
ضحكت سيلين بخفه وتقدموا يفتحو البوكس صرخوا البنات ونطقت ام فارس وهي تبكي : مبروك يا بنتي مبروك الله يتتم لك على خير
ابتسمت سيلين وتقدمت تحضنها ونطقت ام أحمد : الله يتمم لك على خير يا بنتي
حضنوها وباركوا لها ونطقت ام فارس : لا أشوف وحده منكم تقول لزوجة ولدي تسوي شي
ضحكت سيلين بخفه ونطقت صفا : يمه شدعوه لا تكبرين الموضوع ترا حامل بس
ام فارس : لا أشوفك تضايقينها ولا تقوليلها تسوي شي
صفا : طيب
سيلين : أنا تحجبت
ابتسمت ام سيلين ونطقت : الله يثبتك يا بنتي
ابتسمت سيلين ونطقت : آمين
طلعت سيلين من المطبخ وشافت جوري في وجهه ونطقت : سوسو صدق انتي فبطنك نونو
ابتسمت سيلين ونطقت : اي بجيبلك نونو
نزلت سيلين لمستواها وحضنتها شافهم أحمد ونطق : مبروك الله يتمم لك على خير
ابتسمت سيلين ونطقت : آمين
جوري : بابا ابغى حلاو
أحمد : ناكل وبعدها اجيبلك
طلعت ام فارس من المطبخ وشافتهم ونطقت : سوسو حبيبتي وين فارس
فارس من وراهم : هلا يمه
ابتسمت ام فارس وتقدمت تحضنه ونطقت وهي تبكي : مبروك يا ولدي
ابتسم فارس ونطق : الله يبارك فيك يمه بس ليش البكي
ابتعدت ام فارس ونطقت : دموع الفرح ياولدي
ابتسم فارس ومسح دموعها و قبّل راسها ابتسم فارس لما شاف سيلين ونطق : يمه ما تخليها تسوي شي خلي الحمل يثبت
ام فارس : قلتلها حبيبي
سيلين : يعني هجلس والبنات هم يسوو كل شي
فارس تقدم لها وحضنها همست له : فارس مو هنا
فارس : حلالي
ابتسمت سيلين وبادلته ابتعد ونطق : خلي حملك يثبت توك بالأول
سيلين : طيب
التفت فارس لأمّه ونطق : يمه جوعان
ام فارس : يلا يمه بروح أشوف خلصوا او لا
هز فارس راسه و دخل وتقدم يجلس جلست جنبه وباركوا لها وخرجوا البنات وهم معاهم الاطباق حطوهم وتقدموا ياكلو خلصوا وجلسوا يتقهون ونطق الجد : عمتكم آمنه بتجي تعيش معانا
ابو سيلين : تنور البيت بيتها
ابو أحمد : يبه مافي غرف فاضيه
الجد : بخلي العمال يسوون غرف في الدور الأول مع غرفتي
ابو احمد : ان شاء الله
سيلين همست لفارس : ابغى اروح سينيما
فارس : طيب قومي
سيلين : بنروح سينيما بتيجو
البنات والعيال : اي
فارس : يلا قوموا
طلعوا واتجهوا للسينيما نطقت سيلين : فارس ابغى ماتشا
فارس : ابشري احد يبي
صفا : أنا
هز فارس راسه بمعنى تمام وراح جاب لهم وجاب له كوفي ورجع أعطى سيلين وصفا الماتشا ودخلوا نطق فارس : أنا وسيلين مع بعض والباقي اتفرقوا
ابتسمت سيلين بخفه ومسكت يد فارس وناظرها وابتسم
نطق : وين نجلس
سيلين وهي تشرب ماتشا : آخر
راحو وجلسو بعد فتره خلص الفيلم طلعوا و تتوجهوا للسياره وصلوا البيت ودخل كل واحد غرفته و فارس وسيلين تتوجهوا لشقتهم دخلوا ونطقت سيلين : فروسه غير ملابسك بروح اجيب الكيكه من الثلاجه
فارس : ابشري يا عمري
أخذت سيلين الكيكه وحطتها على الطاوله ولبست فستان ازرق قصير مره وعدلت الميكب حقها وراحت عند الطاولة تعدل المكان خلص فارس وطلع شافها معطيته ظهرها تقدم وحضنها ودفن راسه في نحرها وقبّله بخفه ابتسمت سيلين وحطت يدها على شعره ونطقت : عمري تعال ناكل الكيك مشتهيته
ضحك فارس بخفه ونطق : ولدي يبغى شي وما أسويه افا عليّ
ضحكت سيلين بخفه وجلست قطعت من الكيك واعطت فارس ونطقت : بالعافيه يا عمري
فارس : الله يعافيك يا ام ولدي
ابتسمت سيلين ونطقت : ليش تقول ام ولدي وما تقول ام بنتي
فارس : عشانك بنتي
ابتسمت سيلين بخجل وجلست جنبه واكلوا خلصوا واخذت سيلين الاطباق وكانت داخله تغسلهم نطق فارس : روحي ارتاحي وانا بغسلهم
سيلين : فارس انت ما تعرف
فارس : اعرف لا تحاتي
ابتسمت سيلين واعطته قبّله على خده وذهبت للغرفه جلست على السرير واخذت جوالها وجلست على قروب البنات وكتبت : بنات متى برشا و مدريد بيلعبوا
شيخه : أحمد يقول بكرا
سيلين : طيب شرايكم نتجمع كلنا ونشوفها
صفا : بنات أمي تقول ان ملكتي الجمعه
سيلين : الله صفوف بتصير عروس
صفا : مدري احس لا ما ابي
سيلين : صوفيا ليش ملكتك اتأجلت
صوفيا : محمد قال في احد متهرب من السجن ف ما يقدر
سيلين : بنات بروح انام تصبحوا على خير
البنات : وانتِ من أهله
قفلت سيلين والتفتت لفارس الي نطق : حياتي
سيلين : هلا
فارس : يصير انام في حضنك
ابتسمت سيلين ونطقت : اكيد وفتحت ذراعها تقدم فارس لها وحط رأسه على صدرها وهي بتلعب في شعره ونطق : حبي وش تتوقعين جنس البيبي
سيلين : احس مدري
ضحك فارس وضحكت معاه ونطق : وش مدري
سيلين : مدري ما احس شي
فارس : احس ولد
سيلين : طيب أقولك
فارس : أسمعك
سيلين : شرايك نسوي حفله في الحوش عن جنس البيبي
فارس : طيب احنا بنكون عارفين
سيلين : لا بنعرف احد من العيله بس مو حنا
فارس : ابشري ما طلبتي شي
ابتسمت سيلين ونطق : طيب ابغى مقابل
لفت رأسها لما عرفت مقصده ونطقت : كل شي تبغى مقابل
ضحك فارس ولف وجهها وطبع قبّله سطحيه على ثغرها
ابتسمت سيلين وناموا
صباح يوم جديد صحوا الكل إلا فارس نطق الجد : وين فارس غريب ما شفته
سيلين : تعبان شوي ونايم
أحمد : بطلع أشوفه
طلع أحمد وقابل فارس في وجهه ونطق : شفيك حرمتك تقول تعبان
فارس : مصدع و شوي فيني حراره
أحمد : تعال بنروح المستشفى
فارس : لا وش مستشفى شوي واصير احسن
نزلوا ونطق فارس : السلام عليكم
الكل ردو : وعليكم السلام
الجد : وش فيك زوجتك تقول تعبان
فارس : مصدع
والتفت لسيلين ونطق : سويلي قهوه
ابتسمت سيلين وهزت رأسها بمعنى تمام و دخلت المطبخ بعد فتره دخل فارس وهي جالسه تصب القهوه ونطق : حبيبي خلصتي
سيلين التفتت ومعاها الفنجان ونطقت : اي
فارس : عطيني بشربه و بروح عندي مهمه
سيلين حطت الفنجان على الطاوله و تقدمت له حطت يدها ورا رقبته ونطقت : عمري تو الجرح ما خف
حط فارس يده على خصرها وقربها منه ونطق : ما اقدر ما اروح
ابتعدت سيلين ونطقت : طيب تعال اشرب
فارس : بروح أغير اول
تقدم ومسك يدها ونطق : ما اقدر على بعدك تعالي
ابتسمت سيلين واخذت الفنجان وتقدمت تطلع معاه دخلوا الشقة ونطق : بدخل الحمام جهزي لي ملابس
سيلين : ابشر
دخل فارس الحمام ( أكرمكم الله ) واتجهت سيلين تجهز ملابس فارس طلعت بدلته واتجهت للتسريحه تعدل الميكب حقها طلع فارس ولبس ملابسه وشافها جالسه برا نطق : حبي في الليل بنطلع أنا وانتي
سيلين : طيب الساعه كم
فارس : بس اخلص بقولك تتجهزي
سيلين : تمام خذ القهوه
آخذ فارس القهوه ومسك يدها ونزلوا نطقت ام فارس : وين يا ولدي
فارس : عندي مهمه يمه
ام فارس قامت وراحت له ونطقت : حبيبي توك مخيط
فارس قبّل رأسها ونطق : يمه لاتخافي معاي محمد و عبدالله
ام فارس : طيب حبيبي لا تتأخر
فارس : ابشري تبغين شي
ام فارس : لا يا ولدي سلامتك
فارس : يسلمك يمه وحط الفنجان على الطاوله ونطق : تبغون شي
الكل ردو : سلامتك ، مشكور
التفت لسيلين وتقدم يقبّل رأسها ونطق : تبغين شي
ابتسمت سيلين وهزت رأسها بمعنى لا خرج فارس متوجه للمركز
ـــــ
عند سيلين الي جلست جنب البنات ونطقت : بنات مشتهيه حلا
صفا : لازم نلبي كل طلبات طفل حضرتك عشان الأستاذ فارس لا يخلص علينا
ضحكوا البنات وتقدمت صفا تجيب حلا لسيلين وجلسوا يسولفون بعد فتره رن جوال سيلين أخذته وخرجت للحوش ونطق فارس : هلا يا عمري
ابتسمت سيلين : اهلاً حبيبي
فارس : يلا اتجهزي جايك
سيلين : طيب تبغى شي
فارس : اي بوسه
ابتسمت سيلين بخجل ونطقت : بس تيجي لك خمسه
ضحك فارس بخفه ونطق : شكلك صايره خفيفه
سيلين تحاول تخفي الابتسامه : لا وين انت الي طلبت
فارس : طيب يلا خمس دقايق واكون عندك
شهقت سيلين بخفه ونطقت : طيب يلا يلا سلام
قفلت واتجهت للبيت وطلعت شفتهم وبدأت تتجهز
ـــــ
عند فارس الي قفل من المكالمه وهو مبتسم و نزل محل الورد وشرى منه و أتوجه لديور جاب لها هديه وخرج ركبت سيارته واتجه للبيت دخل ونطق : السلام عليكم
الكل ردو : وعليكم السلام
ام فارس : هلا حبيبي
فارس : هلا فيك يمه و دور بانظاره عليها لين شافها نازله وطالعه بالعبايه السوده و تحتها مخور ولابسه طرحتها ونطق ابو سيلين : وين يا بنتي
سيلين ناظرت فارس وابتسمت ورجعت أنظارها لأبوها ونطقت : طالعين أنا و فارس
ابتسم ابو سيلين بخفه ونطق : تمام يا بنتي
فارس : يلا تبون شي
الكل : سلامتك
تقدمت سيلين عند فارس مسك يدها وطلعوا اتجه فارس للباب حقها ونطق : انتي افتحيه ذي المره
ابتسمت سيلين وفتحت الباب شافت بوكيه ورد و ديور ابتسمت السامه عريضه ونطقت : ما يحرمني منك
ابتسم فارس ونطق : ولا منك يا بعد قلبي
تقدمت سيلين تحضنه بادلها ابتعدت واخذت بوكيه الورد وجلست حطته فحضنها وركب فارس و مسك يدها
ونطقت : فارس وين رايحين
فارس : بنروح بحر
ابتسمت سيلين واخذت يدها وقبّلتها وطلع الروج ابتسم فارس واخذت جوالها تصور وصلوا البحر نزلوا وفرش فارس الفرشه وجلسوا حط فارس رأسه على كتفها بخفه ونطقت : وش فيك
فارس : احس تعبان
سيلين : ليش وش صاير
فارس : قضايه كثير وشغل متراكم ومعرف وش اسوي
سيلين : حبيبي إذا في شي اقدر أساعدك فيه عطيني
فارس : بس انتي دكتوره
تنهدت سيلين ونطقت : كان نفسي أصير شرطيه بس بابا و ماما قالو مايصير ولما كنت صغيره كنت ابحث واعرف اكثر عن مجال الشرطه وتقريباً عندي خبره بس في القضايا الالكترونيه
ابتسم فارس ونطق : ابشري إذا بحتاجك ان شاء الله بقولك
كان الجو هدوء وما كان في صوت غير صوت امواج البحر كسر فارس الهدوء ونطق : كيف ولدي
ابتسمت سيلين ونطقت : بخير لما شافك
ابتسم فارس وجلسوا فتره بعدها اتوجهوا للبيت دخلوا وركضت جوري تحضن فارس نزل لمستواها وحضنها ونطقت : ليه خرجتوا من دوني
ضحك فارس بخفه ونطق : كنتي نايمه
شافت جوري الهديه و الورد ونطقت : هذا حق مين
ابتسمت سيلين ونطق فارس وهو يأشر على سيلين : حقها
جوري بعدت عنه وراحت لشيخه ونطقت : ماما شوفي جاي لها وما جاب لي
ضحكوا الكل ونطق فارس وهو يجلس : بجيبلك حلويات
نزلت جوري من حضن شيخه وركضت لحضن فارس ونطقت : اوكي وقبّلت خده ابتسم فارس وشافتهم سيلين وابتسمت ونطقت في داخلها : يا حظ أطفالنا عندهم أطيب واحنّ أب في الدنيا
شافها فارس وعرف أنها تفكر في شي أخذ جواله ودخل محادثتهم وكتب : عيوني في وش جالسه تفكري
شافت سيلين رساله ابتسمت بخفه واخذت جوالها وكتبت : أفكر فيك
ابتسم فارس وناظرها تناظره غمز لها وضحك بخفه وهمس احمد لفارس : كافي نظرات اطلعوا شقتكم
ناظره فارس بطرف عين ونطق : يلا تصبحوا على خير
قاموا وكانوا متوجهين لشقتهم قاطعهم الجد : فارس
التفت فارس للجد ونطق : هلا يا جدي
الجد : تعال شوي
سيلين همست لفارس : بطلع ارتاح تعبانه
فارس : وش فيك نروح المستشفى
ابتسمت سيلين بخفه ونطقت : لا بس ولدك يرفس بطني
ضحك فارس بخفه وقبّل رأسها ونطقت : روح لجدي بنتظرك فوق
هز فارس رأسه بمعنى تمام واتجه يجلس جنب الجد ونطق الجد وهو يناظر عياله : محمد خالد اخذو حرمتكم و رحوا ارتاحو والبنات كمان
هزو راسهم والتفت ابو سيلين لام سيلين ونطق : يلا احنا
ابو احمد : يلا لا أشوف وحده جالسه كلكم على غرفكم
تالا : بابا بنروح نسهر في غرفه صوفيا
ابو احمد : طيب لا تتأخرون
تالا ابتسمت ونطقت : ابشر
طلعوا كلهم لغرفهم ونطق الجد وهو يناظر الأرض : شوف يا ولدي اعرف انك تحب سيلين ومستعد تضحي بحياتك عشانها بس أنا خايف اروح عن الدنيا وهي أغلى وحده من البنات عندي وابغاك تشيلها في عينك
فارس : بعد الشر عنك يا جدي وهي بقلبي مو بس بعيني والله يحفظك لنا و تشوف أولادي وعيالهم
ابتسم الجد ونطق : الله يحفظكم لبعض وان شاء الله أشوف ولدك قريب
ابتسم فارس وقبّل راس جده ونطق : تبغى شي
الجد : لا يا ولدي مشكور
طلع فارس و أتوجه لشقته دخل وما شاف سيلين في الصاله استغرب ودخل المطبخ ولقاها جالسه تغني دخل وحضنها من ورا وقيّل نحرها بقوه ونطقت : ففارس وخرر
وخر فارس ونطق : وش تسوين
سيلين : اشتهيت كوكيز وقلت اسوي
شالها فارس وجلسها على الطاوله ونطق : مو قلتلك لا تتعبين نفسك و تسوي شي كان قلتيلي اجيبلك
ابتسمت بخفه وقبّل فارس خدها ونطق : بعد كذا إذا تبغين شي او مشتهيه شي قوليلي
سيلين : ابشر ، شوف الفرن
راح فارس بأتجاه الفرن وشاف الكوكيز جهزت طلعها وحطها في الطبق وتقدم لسيلين شالها في يد و اليد الثانيه الكوكيز صرخت سيلين بخفه ونطقت : فارس نزلني
فارس حطها على السرير ونطق : ما أبغاك تمشين
تنهدت ونطقت : عطني الكوكيز
بعد فارس الطبق ورا ظهره و قرب منها ونطق : ما اعطيتيني الخمسه
ابتسمت سيلين بخف وتقدمت تقبّل خده ومسكت وجهه وباسته واعطاها فارس الكوكيز وراح بدل ورجع شافها جالسه في الصاله ونطقت : تعال ابغى أشوف فيلم
توجه لها وجلس على الكنبه وحط رجله على الطاوله وكانت رايحه تجلس على الكنبه لكن سحبها وجلسها فحضنه ونطق : هنا
ابتسمت سيلين بخجل وحطت رأسها على صدر فارس وبعد فتره انتهى الفيلم وشاف فارس سيلين نايمه شالها بخفه ودخل حطها على السرير بخفه وطفى النور و تقدم ينام
في الصباح صحى فارس وشاف سيلين نايمه قبّل خدها وقام توجه للحمام ( أكرمكم الله ) وخرج لبس بدلته و اتجه لسيلين وقبّل ثغرها بخفه وخرج توجه للمركز دخل وشاف عبدالله واقف ينتظره ونطق : عبود
عبدالله : هلا ابو عبود
ضحك فارس ونطق : مين قال بسمي عليك
عبدالله : انت تطول
ضحكوا ودخلوا مكتب فارس جلسوا ونطق فارس : قهوه ولا شاي
عبدالله : قهوه
قام فارس وعمل لهم وجلس ونطق عبدالله : في بلاغ عن قتل
فارس : عطني الملفات
أعطاه عبدالله الملفات وانتبه لرساله جته ترك الملفات وأخذ جواله وابتسم لما شاف رساله من حبيبه قلبه
ــــــ
عند سيلين صحت ما شافت فارس قامت دخلت الحمام ( أكرمكم الله ) أخذت شاور وطلعت جهزت نفسها ونزلت ونطقت : صباح الخير
الكل ردو : صباح النور
دورت بأنظارها على فارس ما شافته جلست واخذت جوالها ودخلت محادثة فارس وكتبت : صباح الخير حبيبي
رد عليها : صباحك عسل يا عمري
ابتسمت سيلين وكتبت : رحت الشغل
فارس : اي يا عمري تبغين شي
سيلين : لا بس صحيت ما شفتك
فارس : تمام يا عمري إذا تبغين شي كلميني
سيلين : ابشر يلا كمل شغلك
التفتت على صوت ام فارس : سوسو وين فارس
سيلين : في الشغل
ام فارس : عنده مهمات
سيلين : ما أتوقع
هزت رأسها ام فارس ودخلت المطبخ ودخلت وراها سيلين دخلوا نطقت ام احمد : وين
سيلين : بساعدكم
ام فارس : لا ولله ما تقومي بتجلسي وحنا نسوي
سيلين قبّلت خدها ونطقت : عمه ما بقدر اجلس عندي فرط حركه
ضحكوا البنات ونطقت ام فارس : بتجلسي تسوين سلطه فواكه زوجك يحبها
تأففت سيلين ونطقت : طيب
ضحكت ام فارس ونطقت : تراني أمك الثانيه ما يصير تأففي
سيلين : حاضر ماما
ابتسموا ام فارس وام سيلين ونطقت ام سيلين : وعمتك عبير مثل أمك بعد
سيلين : اكيد
ابتسمت ام احمد ونطقت : ولله معزتك زي تالا وتولين
تقدمت سيلين تقبّل خد أم احمد ابتسمت ونطقت ام فارس : وش قلتلك انتي ما تسمعي الكلام ابداً
سيلين : طيب يعني خليه يجيبها من برا
ام فارس : قال يبغاك انتي الي تسويها
تأففت سيلين ونطقت : اوفف يا فارس
رن جوال سيلين وشافت انه فارس ونطقت : لو جبنا طاري مليون
ضحكوا وطلعت تكلمه فتحت ونطقت : خير أستاذ فواكه
ضحك فارس ونطق : اكيد خير دكتوره سيلين
ابتسمت ونطقت : ها وش تبي
فارس : قلت حق أمي قاطعته سيلين : اسويلك سلطة فواكه
ابتسم فارس ونطق : اي بس وانتي جالسه و لو سمعت انك سويتي شي بكسر يدك ورجلك
سيلين : طيب بروح أسويها تبغى شي
فارس : بوسه
قفلت سيلين في وجهه
ــــــ
عند فارس لما قفلت في وجهه ضحك ونطق : طيب
خلص شغله واخذ اغراضه وطلع توجه للبيت رن جواله فتحه ونطق : هلا يمه
ام فارس : فارس زوجتك جالسه تتمشى بالحوش وشكلها زعلانه من شي
فارس بقلق : مين مزعلها وش سويتوا لها
ام فارس : ولله يا ولدي محد زعلها بس حاولت ادخلها مو راضيه تدخل
قفل الجوال وسرع وصل البيت ودخل للحوش بسرعه شافها جالسه على الأرض وتبكي ركض لها و رفع وجهها ونطق : حياتي وش فيك مين مزعلك
سيلين بصراخ : وخر عني يا خاين وخر وش سويتلك عشان تخوني
فارس بصدمه : وش سويت ولله ما سويت شي
رمت سيلين عليه الجوال ونطقت : خلي ياسمين تنفعك يا حيوان
طلعوا العيله على صوتها ونطق ابو سيلين وهو يتقدم لها : وش فيك يا بنتي وش صار
ارتمت سيلين في حضنه ونطقت : حامل في ابنه وفي الآخر هذا جزائي وانهارت نطقت ام فارس : فارس وش سويت
وش تتوقعون صار؟🤔
