العشار

part 6

# العشار "حقبة الانياش"

بقلـــمي رتــاج العابـــدي

لا تنسون التصويت والتعليق ومتابعة لحسابي

Telegram : https://t.me/rtajalobaidi00x

______________________________________

* ريوف *

فتحت عيوني بطيئ رفعت ايدي ماشوف شي غواش على عيوني شوية صحصحت بأيدي كانيولا

بغرفتي المغذي معلك يم راسي شوي شوي بدأت اتذكر الصار ليش هيج انصدم عشار من شافه شنو يقربلة

كمت بسرعة شلعت الكانيولا من المغذي
عفتهة بأيدي طلعت ماشفت احد بس هو كاعد ورافع رجلة

عشار : عاشت ايدج

_ اءء . . على شنو باوعت على ايدة راح تنفجر من كد ما شاد قبضتة بقوة

عشار : تفتحين دفاتر قديمة مالج دخل بيهة

_ ماعرفه والله
وكف على طولة صاحني طلعت وراه اشرلي اصعد بلسيارة صعدت بكل هدوء مر الوكت يمشي بطريق شبه صحراء فارغة مابيهة حتى بيوت كلت بداخلي هاهية اليوم طلقة براسي خاف ذيج المرة ما وكعت بية هالمر بنص راسي

وكف كدام بيت
هزيت راسي بقهر سحبني من ايدي بقوة يعت بيهة
ماريد ادخل

صرت اتعارك وياه بأيدي اريد اشرد ماريد ابقة
اول ما فتح الباب غرفة وحدة بيهة شباك وحمام
دفعني بقوة وكعت بلكاع

عشار : ممنوع تدخلين بشي ما يخصج كل فعل اله رد فعل

_ ماعرفه والله شفته بالمقبرة وكال لا تحجين وسكتت . . احجي بصوت ناصي اهدي الموقف وجهة عبارة عن دمارات من العصبية

طلع شوي ورجع بأيدة كلبجات طفرت يم الحايط
اصرخ بصوت عالي . . الحكوللليييي

تمشى باتجاهي اسرع ردت اطلع من الباب عتني من شعري بقوة شد ايدي بلكلبجات بجيت . .  والله ماعرفه افتح ايدي اذا هيج هوة يخوفك ليش ما عاقبته شكو اني

عشار : فد يوم يومين ارجع

_ صرت اجر بأيدي بقوة اريد اكسر الكلبجات لكن ماكو امل كعدت مر يومين على كعدتي بدون اكل بدون شرب ادي الدم جمد عليهة ضهري على الحايط ماكدر اتحرك اكثر

انفتح الباب رجف داخلي وجهة بي اثر ضربه ايدة ملفوفة عيونه ضارب عليهة الشمس لونين وحدة اخضر وحده ازرق
من شفته تقرب عليهة فتح الكلبجات وكعت بلكاع ماكدر احرك لا ايد ولا رجل

بأيدة بطل مي شربني شوي تقيئتة عليه
صار يستغفر بصوت ناصي

عشار : شسويتي بيه ؟