العشار

part 10

# العشار "حقبة الانياش"

بقلـــمي رتــاج العابـــدي

لا تنسون التصويت والتعليق ومتابعة لحسابي

Telegram :https://t.me/RatajAlobaide

بنات ࢪجا۽ متابعة على التلگࢪام 

______________________________________

* وجد *

مر اليوم بالشغل كملت الطبخ طلعت للبيت ادي ترجف من ألم الجروح تذكرت نسيت المناضر مالتي بيتهة
رجعت دكيت الباب عليهة طلعت فتحته

_ ها رجعتي تكملين

_ شنو اكمل خلصت كلشي المواعين والغدة

حسنه : تنضفين البيت اليوم انطيج زيادة فوك حكج

_ هزيت راسي برضى " اي " محتاجه هاي الفلوس لازم اعرف شنو مرض امي مر الوقت واني افكر وانضف بالبيت هية وحدهة البيت مو كلش وصخ

خلصت ضهري نكسر أخذت المناضر طلعت للطارمه اجت وراي خلت بأيدي 5 الف اخذتهة منهة طلعت للشارع حسبت الفلوس هية الطبخ 7 وهاي خمسه
12 انطي خمسه واضم الباقي

اول ما دخلت استلمني بالباب يطوطح دائما ياخذ الفلوس يشرب بيهة ويرجع للبيت مستحيل اكو هيج اب انطيت الفلوس بدون كلام دخلت بسرعه ساعه 4 العصر كاعدين ياكلون كيك

_ اكلت شويه وياهم اضحك ويه يزن مايجي يمي يبقة يم طيف . . لعد وين ماما

طيف : بالغرفة

_ دخلت للغرفة فتحت الباب على كيف خاف نايمه التفت عليهة نايمه على السرير تضغط على رجليهة بقوة . . شبيهن رجليج ؟

_ مابيهن

_ طفرت بسرعه كعدت عدل وجهة مخطوف لونه مبين متألمه . . ليش ما تحجين وتريحين كلبي

_ شحجي ؟

يزن : ماما ماما نطلع للحديقة ماما

_ تعبانه ماكدر هسة يمه حجيلي شبيج ؟
نزلت دموعي ماتحجي ساكته تهز براسهة تكرر

بدرية : انِ الله مع الَصًابرٌيٍن

_ عفته وطلعت اشاهك دخلت للحمام سبحت طلعت كعدت يم طيف شوية احس بيهة ضامه عليه
شي . . طلع حساسي بمحله

ضلت تلعب بيزن ابوي حاله حال نفسة اهم شي الفلوس تجي حجت بدون مقدمات

طيف : امي بيهة سوفان جاي تاخذ علاجات بدون ما تدرين

_ ها

_ مثل ما سمعتي

_ ليش ما تحجيلي صارت تبجي تقربت
حضنتها . . شبيج تبجين سهل والله اني عندي فلوس اجيب علاج الها وطيب بس لا تبجين