جاسر اول ما شاف ندي راح عندها وقلها: ايه دا المجنونه هنا.
ندي:انت مين يلا وتعرفيني منين وتعرفني منين علشان تقول عليا مجنونه.
جاسر بدهشه من طريقتها: ايه كل الاسئله دي كلها وبعدين انا يلا.
ندي: اه يلا اخلص انت عايز ايه.
جاسر: انا اللي خبطي فيه في معرض الكتاب.
ندي بإحراج:احم اسفه مكنش قصدي اخبط في حضرتك.
جاسر: تمام المهم مفيش حاجه ضايعه منك.
ندي: اه فعلا كرنيه الكليه مش لقياه بس انت عرفت منين .
جاسر: انتي وقعتيه لما خبطي فيا بس الحمد لله اني لقيتك هنا لاني كنت هضطر ادور عليكي علشان اديهولك.
ندي: هو معاك شكرا ليك انا كنت لسه هطلع واحد جديد .
جاسر:العفو.
ندي: ممكن اسأل حضرتك سؤال .
(ملاحظة:ندي فضوليه شويه😅)
جاسر بستغراب: اتفضلي.
ندي: معلش بس حضرتك اول مره تيجي النادي هنا ولا ايه اصل انا باجي هنا بقالي سنتين بس مكنتش بشوف حضرتك .
جاسر: دا كان مكاني المفضل كنت باجي هنا تقريبا كل يوم بس حصلي ظروف مجتش هنا تاني من سنتين.
ندي: امم اسفه لو ازعجت حضرتك.
جاسر: لا مفيش ازعاج ولا حاجه ممكن انا بقي اسألك سؤال.
ندي: اتفضل.
جاسر: انا اول مره شوفتك حسيت انك مجنونه ليه قعده في مكان هادي زي دا؟
ندي:بحب اجي اقعد اقرأ كتبي او بتفرج علي الانمي اوبذاكر بحب الهدوء غير كدا لا. وانت؟
جاسر : انا بقيت بحب الهدوء وبقيت بحب قرأه الروايات والكتب.
ندي: انت بتقرأ روايات وكتب.
جاسر: ايوا مالك مستغربه كدا ليه.
ندي انت اول راجل اشوفه بيقرأ كتب ورويات.
جاسر: عادي.
ندي بتبص في ايد جاسر لقت نفس الكتاب اللي معاها .
ندي: ايه دا ورفعت ايديها بنفس الكتاب وهي بتقول انت معاك نفس الكتاب.
جاسر: ايه دا هو انتي بتحبي الكتاب دا انا لسه هقرأه.
ندي: لا انا كمان لسه هقرأه.
وفجأة وهو بيكلمها لقي تليفونها بيرن استأذنت وردت وبعدين طلعت تجري وهي فرحانه زي الهبله .
جاسر:استغرب وخد كتابه وقعد يقرأه وهو بيقول في نفسه : كان عندي حق لما سميتك مجنونه.
فلاش باك
عند ندي هي بتتكلم في التليفون.
عمار: الحقي يا ندي حلقه الانمي اللي احنا مستنينها نزلت.
ندي: بجددد ولا يا عمار اياك تتفرج علي الحلقه من غيري.
عمار: اشطا يا كبير عيب عليك.
__________________
عند رامي بعد ما قابل اصحابه بعد ما قعدو شويه.
علي:اه صحيح عملت ايه يا ادم مع جاسر في معرض الكتاب .
ادم: هو انبسط على فكره وقولتله يجرب يرجع يروح النادي تاني .
رامي: وقالك ايه رفض؟
ادم: هو مرفضش وموافقش بس هو قال انه هيفكر وطالما هيفكر يبقي شبه وافق.
علي:طب كويس الحمد لله بقي فيه امل يرجع زي الاول .
____________
عند جاسر بعد ما خلص كتابه وروح بس المره دي مش زي كل مره المره دي جاسر حاسس براحه مش حزين زي كل مره بيروح فيها .
جاسر بيقول في نفسه: اخيرا غيرت من روتين حياتي دا شويه.
_________________
(ملاحظة: جاسر ناجح جدا في شغله وبيحب شغله جدا وليه اعداء كتير بس اكبر عدو ليه رجل اعمال اسمه طارق الدسوقي) طارق الدسوقي بيخبي ورا شغله في شركته تجارته في السلاح و المخدرات من الاخر يعني شغله شمال يعني.
________________________
تاني يوم الصبح عند جاسر
جاسر راح شغله.
جاسر وهو بيكلم السكرتيره: مين اللي هيشارك في الصفقه.
السكرتيره:طارق الدسوقي.
جاسر:طارق الدسوقي! انا برفض اي تعامل معاه ازاي يشارك؟
السكرتيره: بس الصفقه دي مهمه جدا ومينفعش ترفض.
جاسر: مش مهم انا استحاله اشتغل مع طارق الدسوقي ابدا.
(ملاحظة: جاسر عارف شغل طارق الشمال علشان كدا مش عايز يشتغل معاه بأي شكل من الأشكال)
وبعدين جاسر خلص شغله وكلم رامي علشان يروح معاه النادي.
رامي ودا العربيه بتعته عند الميكانيكي تتصلح وراح مع جاسر في عربيته.
عند جاسر ورامي في العربيه بعد ما مشيو شويه .
جاسر: طارق الدسوقي داخل الصفقه دي.
رامي:طب وهتعمل ايه الصفقه دي مهمه جدا.
جاسر: انا مستحيل اشتغل معاه وانت عارف انا هرفض وخلاص وربنا هيعوضنا ان شاء الله علشان رفضنا ندخل الشركه فلوس حرام.
رامي: بس كدا الشركه هتخسر كتير يا جاسر لازم نلاقي حل .
جاسر: ان شاء الله هتتحل ثق في ربنا بس.
رامي:ونعم بالله.
وبعدين جاسر ورامي وصلو النادي .
رامي وجاسر بعد ما قعدو شويه.
رامي:ايوا كدا با عم جاسر فرفش كدا وارجع اضحك تاني زي الاول انا عارف ان موت باباك ومامتك مأثر عليك بس لازم تتعايش يا صاحبي فاهمني.
جاسر: فاهمك يا رامي بس انت عارف بابا وماما كانو بالنسبالي ايه.يلا بقي الله يرحمهم.
رامي: الله يرحمهم. ايه يا عم انت جاي هنا علشان تفرفش ولا علشان تكمل اكتأب.
جاسر: خلاص يا عم .
وبعد ما اتكلموا شويه .
جاسر: اسكت يا رامي في بت هبله كدا خبطتت فيا وانا في معرض الكتاب وخدت كتبها وجريت.
رامي: ياعم تلاقيها قاصده تعمل كدا زي باقي البنات.
جاسر: لا يا عم اصحبها كانوا بيجرو وراها وخبطت
فيا بلغلط وكرنيه الكليه بتعها وقع وانا خدته وسبحان الله رحت النادي اليوم اللي بعده لقتها هناك وادتها الكرنيه بتعها وكلمتها شويه فا تليفونها رن ردت وبعدين لقتها بتجري زي الهبله وهي فرحانه .
رامي:بوص انا كنت هقولك انها زي باقي البنات اللي بيعملوا كدا قصد بس بعد اللي انت قولته دا انا اتأكدت انها هبله فعلا😂😂.
جاسر: انا لو كنت حاسس انها من البنات اللي بيعملوا كده قصد مكنتش كلمتها اصلا.
جاسر وهو بيسأل رامي:اه صحيح خالتك عامله ايه يا رامي.
رامي بتوتر: ها كويسه الحمدلله.
وبعد ما رامي وجاسر قعدو مع بعض شويه كل واحد روح علي بيته.
__________________
تاني يوم الصبح في شركه جاسر.
جاسر رفض الصفقه.
عند طارق الدسوقي.
بعد ما عرف ان جاسر رفض الصفقه .
طارق في نفسه:بقي كدا يا جاسر يا حقير ترفض الصفقه دي مع اني عارف قد ايه الصفقه دي مهمه ليك قد ايه و السكرتيره اللي انا بعتهالك اكدتلي كدا طلعت مبتفهمش والمشكله كمان ان مفيش صفاقات تانيه مع شركات تانيه مع جاسر .
طارق نده المساعد بتاعه.
طارق للمساعد: عايزك تراقب جاسر وتراقب الشركه لان جاسر طبعا هيحاول يعوض الصافقه دي فإنت عليك تعرف الشركه اللي جاسر هيعمل معاها الصفقه علشان ناخد الصفقه بمبلغ اعلي من بتاع جاسر ودي احتمال تخلي الشركة خلاص هتفلس او ممكن الشركة تفلس اصلا.
المساعد:تمام يا باشا.
_______________
عند ندي في الكليه وهي بتحكي لصحبها عن اللي حصل مع جاسر .
سلمي: اه يا هبله كان لازم تأكديله انك هبله يعني .
ساره: اين الهيبه المفروض تبقي جامده كدا وكارزما مش توريله هبلك كدا .
ندي: ما هو الولا عمار كلمني وقالي ان حلقه الانمي اللي كنت مستنيها نزلت.
هنا : طيب كنتي قولتيله انك هتمشي و روحي بسرعه مش لازم تجري يعني الواد يقول عليكي ايه.
ندي: يقول اللي يقوله بقي وانا مالي.
سلمي: انتي هبله يا بت حلقه انمي ايه وهبل ايه انتي متخلفه.
ندي:لو سمحتي يا سلمي متشتميش الانمي الحلقه اهم من كل حاجه.
سلمي: يا شيخه غوري انتي والانمي بتاعك دا ابو شكلك عصبتيني.
وبعدين سلمي وهنا وساره نفخوها بعد الكلام اللي هي قالته دا😂😂.
ندي : خلاص يا جدعان مكنش حته موقف يعني يلا بقي علشان منتأخرش علي محاضره رفعت.
ساره بصتلها بقرف: يلا يا ختي.
بعد ما المحاضره خلصت .
الدكتور رفعت: هتنزلو تدريب في الصيدليات فا جهزو نفسكم .
هنا : هو انت مش بيجي من وراك حاجه عدله ابدا.
سلمي:ليه يا بنتي دي حاجه كويسه.
هنا : ماما لو عرفت هتقولي هدربك علي ايد اكبر الدكتره وكلام فاضي من دا علشان كدا مش عارفه هعمل ايه.
ساره: انزلي يا ستي وخلاص ولو سألتك قولها اي حاجه.
هنا بسخرية: لو سألت بقي .
ندي علشان تفك الجو شويه: ايه يا جدعان النكد دا المفروض نفرح بتدريب بس انا كل اللي مزعلني حاجه مهمه جدا.
سلمي: ايه هي يا ندي هانم.
ندي: لو سمحتي يا سلمي لا اسمح بسخريه .
ساره : ما تخلصي يا ندي احنا هنتخايل عليكي.
ندي : خلاص هقول اهه اللي مزعلني اني هتفرج متأخر علي حلقه الانمي اللي بستنها كل اسبوع و الولا عمار هيتفرج عليها قبلي وكمان منغيري .
هنا: قسم بالله يا ندي لو ماسكتيش هنفخك .
ندي: اله في ايه مينفعش اعبر عن اللي جوايا يعني.
سلمي: لا مينفعش وياريت متعبريش تاني عن اللي جواكي .
ندي: اخس عليكم اخس عيال وحشه.
ساره: غوري يا ندي غوري مش ناقصين.
ندي : خلاص يا جدعان تبا لكم عليكم اللحمه.
ساره: يلا يا جدعان علشان ناكل الواحد جاع.
سلمي:نفسي يا شيخه القيكي مش جاعنه .
ساره:يوووه حوار كل يوم بقي.
بعد ما البنات كلو وهزروا شويه روحت كل واحده علي بيتها وبعدها بإسبوع نزلت كل واحده فيهم التدريب بتعها .
بس مامت هنا عرفت
عند هنا في بيتها.
مامت هنا : انتي ازاي تنزلي تدريب من غير ما تقوليلي.
هنا: من امتي وانتي مهتمه اصلا من امتي وانتي بتسأليني عن اي حاجه ها تقدري تقوليلي كام مره سألتيني عن اي حاجه في حياتي فرحانه ولا زعلانه عمرك ما اهتمتي فا متجيش وتحرميني من حاجه بحبها فاهمه.
مامت هنا وهي بتندهلها لانها طلعت تجري وهي بتعيط : هنا يا هنا انتي يا بنت اوقفي وانا بكلمك هنا.
هنا ركبت عربيتها مع السواق بتعها وراحت اكتر كافيه بتحب تروحه لوحدها لما تبقي مخنوقه هنا وهي بتدور على ماكنها اللي بتقعد فيه دايما خبطت في حد.
هنا بعياط: اسفه.
الشخص: محصلش حاجه حضرتك بتعيطي ليه. في الوقت دا هنا انهارت وقعدت تعيط جامد .
_______________________
بس كدا البارت خلص واتمني يعجبكم❤️
الكاتبه نوران ياسر 🥀💖
