بقلمي: Nisreen ♥.
#هوس الأيهم
# لطفٱ لاتنسون التصويت + التعاليق بين الفقرات+متابعه لحسابي 🎀.
♡ــــــــــــــــــــ ـــــــــــــــــــ♡
2019/9/30 يوم الاثنين
نايمه واحس احد يهزني من كتفي ويحچي
- لچ گعدي تاخرنا عل مدرس ولچ يله گومي
وماحس ال انضربت راچدي گعدت مفزوعه
روز:- هااااااي شبيچ عليش ضربتيني لچ حيوانه
كارمن: گومي تاخرنا عل دوام هذا اول يوم مدرسه
ونتاخر اوفف منچ كل بسببچ
روز: اهوووو عبالي شوف شنو واذ تاخرنا خربت
الدنيا واصلن بعد وكت الساعه 7 وعشر دقايق ومن وگلچ مدگعدين گبل بوكت والله يالله
كارمن: هوا انتِ تگعدين صارلي بل ربع ساعه اگعدچ ماكو ماتگعدين الي يشوفچ يگول هاي ميته
روز: ديله بله لغوا زياده لانتاخر خل اگوم ابدل
- يله اروح اتريگ علما اتبدلين لاتتاخرين
طلعت من الغرفه گمت عل حمام غسلت وچهي
وبدلت ومشطت شعري سويت ذيل الحصان ورحت للمطبخ لگيت كارمن تتريگ سالتها...
روز: وين الكل شنو محد گاعد
كارمن: ابوچ وبابا من الفجر طالعين عل اساس عدهم شغل وماما سوتلي ريوگ ورجعت نامت ومرت ابوچ نايمه وجده راحت عل مزرعه تنطي علف للحيوانات وعمامي الباقين كلمن رح لشغلو والولد رحو عل دوامهم والبنات كذالك
روز: اوففف يل نمشي
رحنا للمدرسه وكل معتاد اول دوام سوو اصطفاف والمديرة گعدت تمسلت كملت وكلمن راح لصفو..
اني هاي السنه ثاني متوسط واني استحقاقي ثالث عمري 14 بس بعد الضروف ورا موت ماما اجلت سنه چان عمري 12 من توفت امي بمرض واني الوحيده لهلي ورها بابا تزوج وصار عندي اخ من مرت ابويا عمره سنه چنا ساكنين باالانبار ونتقلنا عل بصرة لن بيت چدادي كلهم عايشين بالبصرة طبعن بابا من البصرة وامي من الانبار وامي وابويه تزوجو عل حب فا هو انتقل عل انبار علمودها ورا ماتوفت تزوج ورجع سكن معا اهلو بالبصره..
خلص الدوام وطلعت انتضر كارمن تطلع هيا صف رابع اكبر مني بسنه تصير بنت عمي وبس هيا الوحيده المقربه الي وصديقتي واحبه من دون بنات عمي...
كارمن: ها روز هياتني وراچ
روز: وينچ چلبه صارلي ساعه انتضرچ
كارمن:؛ اي اني اسفه شبيچ بسرعه تعصبين
طلعنا نمشي البيت كلش بعيد عن المدرسه واهلنا مايقبلون يگضبولنا اشتراك والله شنو ماعدنا فلوس
