هوس الأيهم

بارت«19»

#هوس الأيهم

بقلم: Nisreen ♥.

#لطفاً لاتنسون التصويت +والتعاليق بين الفقرات +متابعه لحسابي🎀.

‏‏انساك شلون وانت روحي
يعلاجي الخليته وطابن جروحي 💗✨

ــــــــــــــــــــــــــــــــــــــــــــــــــــــــــــــ

كارمن:؛ انفتح الباب فزينه وتجوهت انظارنه ؏ باب واشوف جنات بنت عمي فاتحه الباب مصدومه بسرعه وخر عني عدلت ملابسي عدلنا گعدتنا وهيا طلعت بدون ماتحجي..

كارمن:؛ يبووووو شگد عيب شافتنه.

علي: ماتقفلين الباب

-واني شمدريني راح تبوسني حتا اقفله اذا انتَ بساع جيتت

-وانتِ ماتذكريني دگولين الباب مامقفول هسه احد يدخل علينا هاا

-اني شعليا يبووو ؏ حضج يكارمن هسه مايعوفني بحالي تروح تحجي للبنات كلهن تخزيني گدامهن

-شو روحي قفلي الباب وتعاي انعيد

-عليييي شبيك فد مره ماتستحي

-هههههه گومي جيبيلي مي حار الجو

-اي صدگ شو احس حتر الجو

-لا حبيبتي مو الجو احتر احنا الحترينا
گالها وغمز مافتهمت قصده گمت اجيب مي طلعت واشوف البنات كلهن مادات اذانهن ؏ باب من شافني جفلن ..

كارمن:؛ شتسون هين ماعيب تصنتن؟!

جنات:؛ امممم عيب چا الجنتو تسوو مو عيب

كارمن:؛ اصلن انتِ شلون تدخلين بدون ماتدگين الباب؟

جنات:؛ اني شمدريني چنتو تتباوسون

عهد:؛ عزةةة صدگ

جنات:؛ اي والله جان نايم فوگها وايده ؏ رجلها يمشيها ويبوسها من شفايفها

سدره:؛ الله اريد اتزوج
متت خجل من گالتلهن راح ابجي من الفشله..

كارمن:؛ وخراً ماتستحن
عفتهن ورحت للمطبخ جبت گلاص مي رجعت مالگيتهن فتت وسديت الباب انطيته المي، شرب وخلة الگلاص ؏ طبله..

علي:؛ گعدي كارمن ليش واگفه

هزيت راسي وگعدت يمه، نزلت دموعي امسح بيهن بيدي يرجعن ينزلن
انتبه عليا دابچي مسح دموعي وگال بخوف..

-شبيج يروحي اني ضوجتج؟

-لا

-چا شبيج تبجين بنيتي

-البنات صارن يضحكن علي جنات حاجيتلهن

-حبيبتي ؏ هاي تبجين ممستاهله تنزلين دموعج