مًآ تٌنِسِوٌشُ تٌتٌفُآعٌلَوٌ 🥺💎
رغد25💗🍓
ساعه 11صبح
سلوى: رهف نوضي سادك نوم نوضي
رهف غمت روحها بلورغان
امها فتحت روشن: نوضي عندنا شغل واجد اليوم
رهف:باهي ياماما اففففف
طق طق
فاطمه:اكيده بابا جا
عبدالله:سلام عليكم 👋
كلهم عليكم سلام
ناضت رهف خشت للحمام ودارت جوها وطلعت
عبدالله:انتي ياخميره تو كيف نضت
رهف:انا نرقد متأخر طييعي هنوض متأخر 😕يعني
سلوى:ارقدي بدري خليكي ناشطه كيف هل بنات
رهف: ووو كان اخلوني في حالي بس
وخشت للمطبخ
فاطمه:صباحو
رهف:صباحو
فاطمه:اهو شاهي كان تبي
رهف:😘😘😘
عدى اليوم طبيعي روح بات رهف من شغل محمد ساعه 2 وخوها علي كذالك
واحمد قاعد في حوش شغله نظام بشهور يمشي ويجي
عشيه ركبنا فوق السطاح نا وخواتي وماما ومعانا عصريتنا
ماما:الله الله ايام كيش كيف كنا وكيف صرنا
ليلى ا:ايه الله الله عليك ايام
فاطمه:ياريت انردو
ماما:شارع كان يهبل بس شقه لا منرد فيها نا
ليلى اي صح حوشنا هضا احسن
فاطمه:في هذي معاكم حق
وهم يتناقشو ويحكو كان في وحده ماشي بيها الخيال لبعيد
قبل 8سنوات
كان اول يوم عيد كنت صف خامس
كنت لابسه سروال وبلوزه كحليه وكندرا بيضاء عاليه شويه
طلعت انا واختي فاطمه (كيف اي صغار في عيد 😅) كان عندنا صحبات مشينا خطمنا عليهم وطلعنا معا بعضنا وكان في امعانا اولاد بس كل حد في تركينا الاولاد معروفين طبعا مسدسات ومنبشات بطلق 😪
في هذاك اليوم اتفقنا نحن بنات ان انلمو كل رصاص يلي طايح وفعلن
كنت اندور في رصاصه
عبدالله واحد من الاولاد:معاش عندي رصاص انا
محمد:وحتى نا
حسن:انا اهي اخر وحده
محمد:عدي خوذ من بنات
عبدالله:تو انعدي انا
مشا وكان في بنات جنبه بس هو كان معتمد انا يعدي لوحده معينه ولي هي رهف
عبدالله:يارهف يارهف
رهف:شنو تبي
عبدالله:عطيني طلق من عندك
رهف:شنو انا كنت انلم فيه علشان نعطيهولك
عبدالله:وحده بس هي
رهف: باهي هاك
عبدالله:شكرا🌹
وعدى قعدو الاولاد يهدرزو معا بعض
محمد:يارهف يارهف
رهف:كنك
محمد:عبدالله يحبك
رهف:تر عدي بلا دره انت وياه
الاولاد قعدو يضحكو
عبدالله وجه تلون وازلط
بشرى:رهف سمعتي شنو قالك
رهف:يبصر وانتم ماتصدقو
بشرى: بجوك
فاطمه: يارهف يبيكي بابا
فاقت رهف من ذكريتها ومشت لبوها
رغد25💗🍓
في مكان ثاني
فرح:ياقيص تعالى
قيص:كنك
فرح:جيبلي التبسي من فوق
قيص:باهي
قيص:فرح
فرح:نعم
قيص:اليوم ماشي عندي توكه في ليل 🌃 صكري الباب كويس باهي
فرح:متخافش تو انصكره كويس
قيص:اوكي انا ماشي قولي امي اني طلعت
فرح:اوكي
مشى قيص وقبل مايفتح الباب اذكر شئ ورجع
قيص قارن حواجبه:فرح
تلفتت فرح:كنك رجعت
قيص: دايره روحك ناسيه توا
فرح 😅😅:لالاتو اذكرت
وقفت فرح وباست قيص على خده وقفت مقابلته
فرح:تمام هكي
قيص:ميه ميه هي سلام
فرح 😂:سلام
رغد25🍓💗
خليني انعرفكم هضيما من 😅🌸
فرح بنت عمره 18سنه بيضاء وعيونها كبار عسليات وشعرها طويل وقصيره شويه 😅😅لالا مش شويه واجد 😂 عايشه معا عيلة عمها لانها هلها متوفيين في حاذث سير 😪 بس قيص معوضها عن هلها واجد هو يلي مدلعه ومش منقص عليه حاجه؛ ولان عندها 2عمام الاول اسمه
عبدالقادر مراته اسمها عليا متجوز وعنده 3اولاد وبنت
اولاده
1محمد عازب ويقرى في الاقتصاد
2 يوسف عازب يشتغل في شركة نفط
3عماد خاطب وفرحه قريب
وبنت اسمها رغد عمرها 18 هي وفرح منسجمات معا بعض واجد وجوهم سمح
ام عماها ثاني اسمه خليل ومراته خيريه
عندهم ولد واحد ولي هو قيص يشتغل في شرطه
ام بات فرح فاسمه عبدالرحمن ومراته رحما الله يرحمهم متوفييت 😪
وعندهم بنت حده واسمه فرح
انشاء تكونو فهمتو عليا😁
وفي مكان ثاني
لمياء: حبيبي بتروح بدري اليوم
صقر: لالا متأخر
لمياء: عليش مطول
صقر: ان كم مره حكيلك معاش تدخلي في شغل
لمياء: حاضر حبيبي
صقر فتح الباب: انشاء الله تفهمي مره هذي بس
وطلع ☹️
لمياء: مليت ياربي من عيشه هذي شنو هضا خلاص زهقت
نعرفكم عليهم 😁😉
صقر شرطي شخصيته جامده بكل ومرتبط بابنت اسمها حياة ولكن حاولو يفرقو بينهم ورغم هضا مزال يحكي معاها ومش مسيبه تعالو نحكيلكم ☹️ كانو خالته يلي هي ام لمياء وامه مقررين ويخططو ان يجوزو لمياء لصقر وامها بعد فتح لصقر موضوع عصب واجد وهزب وكسر ويام دار بس امه حلفت ان كان متجوزها ان هتغضب عليه ليوم الدين ومش هترضاء عليه وطبعا هو انحط في امر الواقع مبش يوافق بل بدايه بعدين قعد ايام وفكر في موضوع وقال انا هنراضي امي ولاكن هنخليها كيف شاغله ولاكانها مراته 😕
وبعد تجوزها بدا يعامل بجفاف ولا كانها مراته وتو ليهم خمس شهور ولمياء طول شهور هذيم تقول انه هيتحسن الوضع ومتفأله ولاكن 🤷🏻♀️🤷🏻♀️مفيش تحسن
نرجعو للروايه
وفي مكان ثاني
محمد: ياعبدالله خوذ البضاعه من هنا وركبها وفوق.
عبدالله: تم ياحج
حسن: ياعبدالله ياعبدالله
عبدالله: كنك
حسن: شوف البنت هذي مش ه رهف
عبدالله التفت بسرعه: وين وين
حسن: اهي هذي
عبدالله: تي انقننك خرا تشبهلها بس
حسن: مش عارف بس والله نحسابها هيا
عبدالله: خلاص اسكت قلبت مواجع
حسن: تهونها تهون يارفيقي
عبدالله: يلي واجعني انها من غير ولا خبر اختفت فجاءه
حسن: اي والله
عبدالله: هي سلام مروح انا
حسن: سلام
، ـــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــــــ
سلام انا رغد من بنغازي شنو رايكم في روايتي جديده
قولولي لو حبيتوها هنكمل تنزلي لان كتابه مكمل من قبل
بس تنزيل هيعتمد على تفاعل وشكراً 🌸💗
