بصلها زين بصدمه
"يعني ايه ميتين مقتولين...قصدك ايه معلش"
بصتله نور بصمت و لسه كانت هتتكلم سمعو صوت ارتطام جامد علي الارض فوق
بصت نور للسلم بفزع
"احيه...اقسم بالله كنت لسه هحكيله...اهدو والله هحكي"
لكنهم سمعو صوت ارتطام تاني بس اجمد من الاول
بصلها زين برعب
"يلهوي..هما عايزينك تحكي ولا لا؟"
بصت نور ناحيه السلم بفزع
"ينهار اسود...لا يخويا مش انا الي هحكي...هما الي هيحكو"
بص زين ناحيه السلم بس صرخ برعب لما لقى ست نازله علي السلم بس...منغير راس و لابسه فستان ابيض متغرق د'م
نطق زين برعب و هو بيمسك ايد نور
"ودي هتحكي ازاي...فين راسك يا وليه؟"
نور نطت علي ضهر زين
"اجرييي...هو ده وقته"
جري زين و علي ضهره نور و هو مش واخد باله هو رايح فين اصلاا
بص زين وراه علي الست بس ملقاش حد
نزلت نور من فوقه
"زين...لازم تعرف...جدك كان......"
صوت صريخ عالي داوى في القصر كله
زين لنور بفزع
"ده جاي من فوق...هما كدا عايزينا نطلع فوق"
بصتله نور برعب
"بلاش احسن"
صوت الصريخ بدأ يعلى و يقرب منهم
زين بخوف
"نطلع احسن بدل م ينزلو هما...اهي موته و خلاص"
بصت نور لزين و بدأو يطلعو السلم و هما جنب بعض و بهدوء لكن نور وقفت فجأه
بصلها زين بأستغراب فبصت نور حواليها و هي بتقول
"معلش ممكن طلب لو مفيش ازعاج...انا عايزه ادخل الحمام"
بصلها زين بصدمه سرعان م قلبت ضحك
"الحمام يا نور...هو ده وقته"
نظرت نور برعب
"جدو و تيتا...بالله عليكم متفزعوني متخلونيش ادخل الاقي واحد سايح في د'مه في البانيو"
زادت ضحكات زين و صوت الصريخ بدأ يقل و وقف خالص
نور بفرح
"هيييي...وافقو...دقيقه و جايه استنوني و متكملوش من غيري"
و راحت ناحيه الحمام
قعد زين علي السلم بقله حيله يستناها بس فجأه حس بأيد محطوطه علي كتفه
