"يعني ايه اتحجز علي الفلوس و الشركه..يعني كل تعبي و مجهودي ده راح علي الارض"
بصلها اخوها بحزن و هو بيقول
"للأسف..الديون الي علينا كانت كتير و كنا المفروض نسددها بس احنا اتأخرنا ف البنك حجز علي البيت و الشركه و الفلوس و كل ده"
بصتله هي بضيق و هي بتقول
"طب هنعمل ايه...هنقعد فين"
بصلها و سكت و بعدها قال بتفكير
"كده الڤيلا اتحجز عليها و الشركه و حتي بيت ابوكي كل حاجه اتحجز عليها و مفيش غير حل واحد"
"ايه هو؟"
بصلها بحزن و قال
"قصر جدك يا نور"
ــــــــــــــــــــــــــــــــــــــــــــــ
وقفت عربيه قدام قصر كبير باين عليه الفخامه
نزلت نور و جنبها اخوها و وقفت تبص شويه علي القصر و اتنهدت تنهيده حزن
"هات يا زين الشنط من العربيه علي م انا اكلم اي حد ييجي ينضفلنا القصر ده"
بصلها زين بأستغراب
"انتي بتهزري صح...هتجيبي حد ينضف القصر ده كله..انتي عارفه هياخد كام علي تنضيفه...مش اقل من500جنيه...واحنا اصلا معناش ناكل!"
بصتله نور بضيق و قالت
"امال مين هينضفه يعني؟"
بصلها زين بحنق و قال
"اكيد امي مش هتطلع من تربتها تنضفه و تنزل تاني يعني...انا وانتي يا نور هيكون مين"
بصتله نور بتفاجئ و غضب
"نعم..انت عايزني انضف القصر ده كله انا وانت..ده علي جثتي انه يحصل"
ـــــــــــــــــــــــــــــــــــــــ
بعد ساعه
كانت واقفه نور في المطبخ و هي بتغني
"مصدووووومه بجد و مش بنطق ولا عاااارفه ارد...مصدووووومه عشان شكله في عينيي بقي مش ولا بد"
دخل عليها زين و هو بيقول بسخريه
"اخت المصدومه..انا خلصت الاوض و كل حاجه..بس في اوضه ريحتها تقرف مش راضيه تروح...مهما رشيت فيها معطرات و ديتول ريحتها لازقه مش راضيه تختفي"
بصتله نور بتعب و ارهاق
"انا خلصت الصاله و المطبخ بس باب السرداب مش راضي يفتح برضو..بص انا هطلع اشوف الاوضه وانت شوف السرداب تمام؟"
بصلها زين
"تمام اطلعي شوفي الاوضه...هي اخر اوضه علي اليمين الاوضه الوحيده الي بابها غير الابواب التانيه"
طلعت نور علي الاوضه الي زين قال عليها و قربت منها
نور بقرف
