سموّ بالرحمن وصلّو على النبي.
-
نايل:شرايك تذلف؟
تركي:يارجال محد بيحس ساعة وشوي وراجعين
نايل:ياتركي أذلف ماني ناقصك
تركي كشر يخرج:الشره علي
نايل بضحكة:يعني جميل اللحين؟
أكمل يدندن وأعتدل بسرعه ينطق:ارحب ارحب ياعم
ابتسم ابو ابراهيم:البقى ياولد مهلّي
نيال:بشرني عنك عساك طيّب
ابو أبراهيم: بفضل حال يالله لك الحمد والمنّة
نايل اكتفى بالإبتسام.
-
قفزت بحماس تصرخ من كان الفوز من نصيبها صفق حُسام يحتضنها.
آدم صرخ بقهر:طيّب يمين بالله غش
غنج:ماعندك روح رياضية آدومي؟
آدم:مو مستواي بس راحمك
حُسام:بالله؟ قومي نون بشوف
سلمت له اليدّه تنطق:خله يذوق طعم الفوز
حُسام ضحك:إي باخذ اليدّه الخربانة
آدم رفسه:وعمى عمّك!
غنج:معلومة جديدة علينا مانعرف
آدم:حشمو إنّي مدخلكم غرفتي
حُسام:الله والغرفة عاد
غنج:يلا بنزل تحت«وجهت نظرها لـ حُسام» ابي اسمع صوت صراخه
نهض يدق تحية بحزم:ابشري بي والله!
غنج بضحكة:ياحلوك اجلس بس
ضحك يجلس خرجت تنزل الدرج مرّه درجتين ومرّه ثلاث.
مِيلان:لاتتكسرين يابنت شوي شوي
ملاك دخلت بيدها القهوة:يابهلوانية روحي جيبي الحلو
غنج كشرت:أسمي غننج!
مِيلان بضحكة:جبتيها ياملاك
دخل آسر ينطق:ماانحرم من هالضحكة قولي آمين
غنج ضحكت تغمز:أووه بابا يتغزل علني من قددك
آسر تقدم بجانبها يضعها تحت جناحه يُقبّل رأسها:أتغزل بها قدام الملا هي نظري شلون ماأتغزل بها؟
صفق حُسام وهو على آخر درجه يتقدم:الله الله يالغزل
غنج ابتسمت:فزت؟
حُسام:وبِجدارة
غنج:غريب ماسمعت صوته
حُسام:إيه جايك مطرود كفخني الخسران
آسر:وينه أبوك؟
حُسام رفع أكتافه بعدم معرفة،كشرت ملاك لطاريه ترتشف القهوة ماتعلّق ألتفت لها آسر وصدت عنه.
نهض آسر:إيه أجل نبشر بالثالثه
غنج شهقت:منجد؟؟
اقترب يضع رأسه على فخذ جدته ينطق: ابوي على الطالعة والنازلة يتزوج ماتعودتي؟
ملاك بسخرية:لا هالمرّة غير بدو أخطب لو
غنج ضحكت بعدم تصديق:وطعتيه!
ملاك نفت:برجع رافضينه ومعلوم هالشيّ سيرتو على كل لسان
مِيلان:بتطلعين اخته مو زوجته
غنج بتأييد:اتفق بنته بعد مو اخت
ملاك ابتسمت:يلا روحي جيبي الحلو ماتفشو خلئي بـ هالسيرة
آسر ضرب رأس حُسام ينطق:قم بتوجعها اجلسي يابابا هو يجيبه
حُسام كشر:ياليل ياجدّ مو وقت غيرتك هي مااشتكت لاتصير كريه!
آسر بذهول:انا ولد ابوي صدق! منهو الكريه ياولد
فز حُسام بخوف:والله زلّة لسان والله
مِيلان ضحكت:شفيك روعت الولد اتركه تعبان هي تجيبه عادي وانت ارجع مكانك
صد يجلس محلّه .
غنج تكتفت:حلو حلو
مِيلان أبعدت حُسام:آسفه ياماما
حُسام:يامِيلاني تعبببببببان خليني ارتاح
آسر بحدة:مِيلاني بعينك عدل لسانك
حُسام:اما تغار؟ كبرت خلاص
وضع يده على عقاله ينطق:هذا اللّي يبيني اقوم له!
مِيلان:آسسرر خلاص عاد
هدأ من نطقها الأسر لـ قلبه.
غنج كتمت ضحكتها:تخرفن
حُسام ضحك:يالخفييييييف
نهض آسر بعقاله وركض حُسام و غنج خلفه.
غنج:بكلمك
حُسام ألتفت يُصغي لها:على ايش قلبي؟
غنج:حُساااام لاتسوي كذا !
حُسام ضحك:كيف؟
غنج بضجر:تصير حلو بشكل يذهلني حركاتك كل شيّ
حُسام بغرور:مشكورة على الإطراء مو اول ولا آخره وحده تقوله
غنج كشرت:يع مغرور بندم على كلامي رغم حقيقته!
حُسام حمل قالب الكيك يتقدم لها يضعها تحت جناحه ينطق:ياحلوك وياحلو كلامك
غنج ابتسمت:طوّلنا أمك بتطلّعها من عينك
حُسام:فدا دام طوّلت وياك
غنج بوزت تدمع عينها تحتضنه بشكل مُفاجئ،جوّد الكيك قبل تطيح يضحك بذهول:شفيك؟
غنج بكت تهز رأسها بنفي لاتزال بحضنه عقد حواجبه آدم من لمحهم يركض بتجاهم.
آدم بحدة:وش سويت لها !
حُسام:وش بسوي يعني أختك دلوعة تتأثر بسرعة
آدم:تتأثر؟
أبتعدت تاخذ شهيق تزفره وضع حُسام الكيك على الطاولة يتقدم لها يمسح دموعها:ياروحي الحساس
غنج ضحكت وسط دموعها:أذلف كله بسببك
آدم:ياولد وش مسوي لها فهموني!
غنج زفرت:مافيه شيّ بس منطوقه عذب يبكيني
حُسام ضحك بصخب يحتضنها:آسف حقك علي
آدم زفر بإرتياح:ياشيخ روعتني أحسب فيها شيّ
قبّل رأسها يبعدها يمسح دموعها من عادت بالنزول يحمل الكيك:يلا امشي صدق بننجلد
آدم:بلغ الوالد إنّي طالع
هز رأسه بالموافقة يدخل وخرج آدم.
ملاك:كل هالوقت لـ تجيب..
سكتت تنتبه لوجه غنج تتقدم لها بسرعه تضع كفوفها على خدها بخوف:شو بكي!«ألتفت له تنطق بحدة» حُسام!!
رفع يديه بإستسلام يضحك:والله ماسويت شيّ دمعتها سبّاقه
تجاهلته تلتفت لها:صحيح هالكلام؟
غنج ابتسمت:صدق ماغلط
سحبتها تجلّسها بِجانبها وابتسمت غنج تضع رأسها على صدرها بينما ملاك أحتضنتها تمسح شعرها بخفة.
مِيلان:حبيبي حُسام مظلوم!
آسر كشر:ماصدقتي والله
ألتفت عليه تعقد حواجبها:آسر شفيك عليه!
صد عنها يرتشف قهوته.
حُسام أبتسم:زعل تراه
مِيلان بعدم إهتمام:عطني بذوق بس
ضحك حُسام يتقدم يضع لها قِطعه يضعها أمامها.
حُسام ألتفت لـ غنج:تبين؟
أكتفت بالنفي ونهضت ملاك:ماباخذ رأيك تعبت عشانك
غنج ضحكت بخفة ماتمنعها.
حُسام:صح جدّي آدم طالع طلب أقولك
آسر:زين
-
ركبت تسكر الباب بقوّة كشر يغمض عيناه من قوّ الصوت ينطق:وعمى كسرتي الباب خفي عليه!
سدن:أكتم بس يعني قايله ابي برّاق ولا رايف او وهاج على الأقل تجي انت ليه؟
تجاهل سؤالها يحرك وصرخت حاولت تضربه بس أوقفتها يدّه تمدت يمنعها ينطق:ماراح ترجع لك والله
سدن:يع منّك شتبي جاي اخوي!
خيّال:طلب مخصوص
سدن:حتّى دمّك ثقيل سبحان من خلق وفرق كيف انت اخونا مااعرف
خيّال:اسمعي بـ لعبك لعبة
سدن:أيش؟
خيّال:اسكتي لين نوصل ولك حلاوة
سدن صدت:ياكرهك
وهج:شوفي معاه حق مُزعجة
سدن:ترا مو عائق لمّا تكونين ورا اوصل لك وأسطرك
وهج:عمي ترضى!
خيّال بإبتسامة:لا والله ماأرضى بكسرها لها
سدن كشر:العم وبنت أخوه وحنيّن؟ لاتتقمص شخصيّة ماتناسبك
خيّال ضحك بخفة يُكمل طريقهم ولا طال وصولهم توقفت سيارته وألتفت له تنطق:على فكرة انت أكره واحد بالعالم
خيّال:مشكورة يجي منّك اكثر
نزلت تسكر الباب بقوّة تركض من نزل لها.
خيّال:ماانتِ قد الحركة ليش تسوينها؟
مدّت لسانها تغيضه وتركته تدخل تسرع للصالة
سدن:وين بّراق ورايف
منيرة:أعوذ بالله سلّمي طيّب!
سدن بملل:سلام عليكم وينهم؟
أهداب:مداومين
سدن:انتِ ليش ماتطلعيني بدال زوجك الغثيث!
أهداب ضحكت: عاد اليوم خرجت بدري ماعطيتني خبر
سدن كشرت:وش الجديد يعني دايم حظّي يحطني معه بطلع أريّح اللّي يجي اول خلّ يطلع لي«ألتفت لـ أهداب» وانتِ امسكي جنيتك عنّي لاتجيني
منيرة:حتّى هي ماسلمت من شرك
وهج:سلام
ردّو السلام وتقدمت تحضن جدتها.
أهداب:وانا مالي حضن؟
وهج ضحكت:إلاّ لك أحضان وبوسات بعد
ضحكت أهداب وتقدمت لها وهج تحتضنها
منيرة:ليتك متعلمة منها شوي بدال هاللسان
سدن كشرت:كلها مظاهر ترا
تركتهم تصعد لـ غرفتها.
وهج ضحكت:يلا انا طالعه تبوني شيّ؟
منيرة أبتسمت:لا ياعيني روحي
ابتسمت تخرج.
خيّال:وردتي وينها؟
أهداب:فوق بس اكيد راحت لـ وهج
خيّال أبتسم:ورد لازم تطلع عليها ولا بتبرا منها
منيرة بضحكة:أعوذ بالله وش زينها بنتك
خيّال:مااختلفنا بس مين مايتمنى بنت نفس وهج؟
أهداب:اتفق معاه صراحة
منيرة ابتسمت:طالعة لأمها الله يرحمها سبحان الله نفس الشكل الأسلوب كل ماشفتها تطري على بالي
ترحمو عليها ونهض خيّال يصعد يريّح.
شدن:أهلاً حبايبي
منيرة:وعليكم السلام طالعه بدري؟
شدن:إيه ماعندي شيّ وقلت لـ رايف يجيني
أهداب بضحكة:وسدن جايتنا مشتطّه ليش مو رايف وبرّاق لاتدري عنك
شدن ضحكت:عاد كل واحد وحظه ترضى بالمكتوب
أهداب:يلا انا بطلع
منيرة:استني اللحين بنتغدى
أهداب ابتسمت بخفة:بالعافية بس اشوف ورد إذا تبي
شدن بشك:صايرة ماتاكلين نفس قبل؟
منيرة بذهول:وانتِ حاطه عينك على لقمتها؟
شدن:لا بس لاتكون حامل؟
أهداب:انسي ورد وبس
شدن انسدحت:مااخذ بكلامك صراحة
أهداب ماردت تخرج.
منيرة:زعلتيها
شدن بذهول:ماما مو يعني ماردت زعلت
رايف:مين اللّي زعلت؟
منيرة:السلام يقرصك انت وسديّن؟
رايف ضحك:آسف بس شدّني الحديث
شدن:جوووعانه بطلع ابدل وانزل أتمننى مايتأخّر الأكل
مثنى بحدة:أعدلي جلستك ولاتامرين أهلك!
ارتبكت من دخول والدها المُفاجئ تدراك نبرة صوتها شدن:ماأقصد بس..
بتر كلمتها يعلو صوته:لاترادديني يابنت!
شدن ألتزمت الصمت تحمل اغراضها تصعد للأعلى.
رايف بهدوء:الله يهداك يبه ماكانت تقصد
مثنى بحدة:أنطم ماهو انت اللّي تعلمني«ألتفت على زوجته»منيرة زهبو الغداء بتغدا وانام
منيرة:طيّب
جلس يثبّت عصاه بِجانبه وخرجت منيرة تتجه للمطبخ اما رايف صعد لـ جناحه،نزلت تتجه للصالة وتراجعت من لمحت جدّها تغير وجهتها للمطبخ تتفادى إي نقاش مع جدّها.
وهج:أووه الريحة ماأتحمل!
منيرة ابتسمت:زين نزلتي توقعتك بتنامين
جلست تسحب تفاحه تقضم بدايتها:والله كنت على وشك أنام بس الريحة لذاذه مااقدر اقاوم
منيرة:لاتتركينها كمليها
وهج نفت:لا بس بذوقها
منيرة:ووهج بتكملينها ماتنترك
وهج:بشيلها صدّقيني مابتنرمي
منيرة:بتنرمي ياماما ماتعلميني فيك حافظتك
وهج بضحكة:طيّب مو انا ارميها خلفتك
منيرة رمقتها بنظرة:وش خلفتك؟ كلام جديد
وهج فزت:والله مااقصد
منيرة:لاتنعاد عمامك تحترمينهم
وهج:اوكي إلاّ سدن ماأقدر سامحيني
منيرة بضحكة:والله ياامي ماعليك ملامة
وهج:عمو برّاق بيجي صح؟
منيرة ابتسمت:تسألين عنه واخوك ماله رب؟
وهج:بيجي طيّب؟
منيرة:إيه هالمرّة أبكر بس ياخذ أخوك ويجي
وهج كشرت:الله يعين بوبي وهاج مايعرف يحافظ على سيارته بدون صدمات؟
منيرة ضحكت بذهول:بوبي !!
وهج تكتفت:عاجبني بتقولين لي لا؟
منيرة:يمّه منّك انتِ مين يقدر يردّك؟
وهج:مطوّل عمو؟
منيرة:قلت لك ياخذ وه..
قاطعها دخول وهاج:ياالله يالرييييييييييحة
منيرة ابتسمت:الطيّب عند ذكره
وهاج تقدم يُقبّل رأسها.
منيرة:وين عمّك؟
وهاج تنهّد:جدّي ماخلّاه مستلمه
منيرة تركت اللّي بيدها تنطق:لا حول ولاقوة إلاّ بالله مانرتاح يعني!
وهاج:اجلسي لاتروحين خلاص رجال يتفاهمون
منيرة دفعته بخفة:وخر وخر بس انا بتفاهم معاه ياانا ياهو
خرجت متوجه لهم.
وهج ضحكت:أووف الحرب العالميّة الثالثة بتقوم!
وهاج بحدّة:مرّه ماتساعدين اسكتي
خرجو خلفها وأسرعو من بدّت ترتفع الأصوات واوقفهم عمهم خيّال:وش صاير؟
وهاج:ماتسمع يعني وقت اسئلتك
تخطاه يركض.
خيّال:شفيه اخوك لسانه طايل؟
وهج:ماأدري بروح لهم
راحت وخلفها خيّال.
منيرة أعتلى صوتها:انت اسمعني هالحـال مايمشي معي نفسيتك على نفسك امَا على عيالي لا ماهي حاله كل ماتشوفه تمسكه مسكه ماعاد به صبر يامنثى!
مثنى بحدّة:منييرة أقطعي الشر!!
منيرة بسخرية:أقطع الشر وانت موجود؟ انت الشر كلّه ولا جاك الخير
وهج ضحكت تتخبى بظهر أخوها لأجل محد يشوفها وكتم وهاج ضحكته يتعدّل،برّاق سحب مفتاحه بيخرج.
مثنى اعتلى صوته:ياولد! تعطي ابوك ظهرك وتطلع؟ ماعاد بها حشيمه يابريّق
خيّال:يبه
مثنى بحدّة:لاتناقش أقطع!
منيرة أعتلى صوتها:مثنى انت مخيّر بين أمرين ياتترك عيالي بحالهم او تطلّقني والله يستر عليك
رايف:يمّه وش هالكلام!
منيرة:هذا اللّي عندي طفحت كبدي من هـالعيشة! ماعاد بي صبر أمرضتني يامثنى جبت لي المرض تبي تمرض عيالي؟ تاركه لك حريّة الإختيار وبالحالتين انا مرتاحه لاتحسبني بتحسّر على نفسي لاتطلّقت ماعاد به أنسب من الأنفصال ولا انت راضي بـ هالحال؟ محد يصبّحك على صراخ ويمسيك على صراخ وادخل واطلع وتهزئ تطيب النفس يامثنى ماراح اصبر زود!
حديثها ألجم الجميع محد علّق ومثنى انعقد لسانه ينظر لعيونها ينتظر النفي بس ماكان منها غير الجدّية عينها مانزلت من عينه صمت مايرد يجلس بسرعة وتقدم له رايف مُسرع وخلفه خيّال يسحب أبرة السكر رغم قسوة أبوهم إلاّ أنهم بارين فيه وتغلبهم الحنيّة مايطيح إلاّ يسندونه.
منيرة:خلوه يتمسكن
برّاق بهدوء:يمّه
منيرة:تعلمني بـ مثنى؟ حافظته حفظ
برّاق نفى:ماأعلمك تعالي معي
سحبت منيرة يدها تخرج تتركهم ترجع حيث ماكانت،سحب وهاج اخته يخرج يترك جدّه وعمامه لوحدهم.
برّاق:زين؟
خيّال هز رأسه يبتعد عنه والده وأقترب برّاق يمدد أرجل والده يتركه يرتاح يخرج وخلفه أخوانه.
وهج:اتركيه من يدّك انا بسويه
منيرة:ابعدي ياوهج خليني بحالي
ماناقشت تهز رأسها بـطواعية تخرج تتركها تقدمت لأخوها تنطق:تتوقع يطلّق ماما منيرة؟ يارب لا بس أعرفه مايقدر مايعصب يالله وش بيصير يعني بنجلس بشتات!
وهاج بنفور:ماادري ياوهج ماادري
وهج عقد حواجبها:طيّب شفيك سألت؟
وهاج بغضب:لا حول ولاقوة الابالله يوم تسأليني ماكنت معك داخل؟ وش بيعرفني يعني بطلي اسألتك الغبية.
وهج:ماله داعي العصبية ورفعة الصوت آسفه أزعجتك
صدّت تتركه تلّمح والدها واقف مع عمّها تخطت وهاج متجهه لهم.
رايف:شبغيتي ياابوي؟
وهج:وين عمو برّاق؟
خيّال:شوفيه توّه رايح
تخطتهم تخرج للحوش وركضت من لمحته بيركب سيارته تنده بأسمه وتوقف يلتفت لها تقدمت تحتضنه وأبتسم بهدوء يحاوطها.
برّاق:زعلّك وهاج؟
وهج عقدت حواجبها:كيف تعرف انا ماتكلمت!
برّاق ابتسم بخفوت:اعرف اعرف بس تبين رضاوه؟
وهج ابتسمت تبتعد:لا مشكور بس اشتقت لك توّك دخلت وبتطلع وانا مين يسليني ؟
برّاق تكتف:وبرّاق مُهرج عندك؟
بعدت خصلاتها تنطق:انو ليش لا؟ عشاني تصير مُهرج
نكش شعرها ينطق:اللّي ودّك بصير ماينقال لك لا
وهج سحبت مفتاحه تدخله بجيبها تنطق:انسى تطلع تعال ماما منيرة مسويه كبسة لاتفووتك
برّاق:تشويق يعني؟
وهج ضحكت:إيه عشان ماتطلع
برّاق:طيّب يلا
وهج ابتسمت تمسك يده تسحبه خلفها ومانطق حرف يتركها ويسمع سوالفها بصدر رحب.
وهج:شوفي جبته لك
منيرة:وانا قايله جيبيه؟
وهج نفت:لا بس اقرأ أفكارك
منيرة:زين امسكي وديها جدّك
برّاق نفى:ابوي نايم اللحين
منيرة:انا ماأشاور احد يابرّاق و لـ مات من جوعه أبتلش فيه؟
وهج بضحكة:ياعيني على الإهتمام الغير مُباشر
منيرة:شيلي واسكتي
وهج ألتفت لـ عمها:عادي؟
منيرة بذهول:هاذي اللّي بتجلطني اقولها كلمه وتشاوره!
وهج:أحترام رأي الغير يعني
منيرة:بـ هالملعقة على خشمك اذلفي عني
وهج:لا إلاّ خشمي لاتجيني جينات بابا من الضربة
رايف:ووش فيه خشم ابوك؟
خيّال ضحك:الله يكون بعون اخوي متنمره!
وهج:مااقدر اجامل بابا صدّقني حتّى هم متفقين«ألتفت لهم» صح؟
برّاق:صح يابعدي مين يقولك لا؟
وهج ألتفت ناحية والدها تنطق:وتلومني بابا لا قلت بتزوج طبق الأصل من عمو برّاق؟ بيرفكت مايقول لي لا!
منيرة بضحكة:ماخذ عقلها برّاق
وهج رفعت اكتافها:والله عاد البركة بإنتاجك
خيّال:مايلقى احد يمدحه كثرها
وهج:حياتي تبي امدحك؟
خيّال ضحك:لا مشكوره
منيرة:بس خلاص ابوكم جاع
حملت وهج الصينية وسحبها خيّال ينطق:ثقيل عليك انا اشيله بس تعالي افتحي الباب
منيرة ابتسمت:شوفي اخوك بطريقك كان جوعان ماادري وين غط
وهج كشرت:جوعان يدلّ المطبخ ماني ملزومه فيه
رايف ضحك بذهول:بنت!
صدّت وهج تخرج خلف عمها وخرج رايف خلفهم.
برّاق:وين البنات؟
منيرة:سدن نامت وشدن بغرفتها
برّاق:غريبة أكلت؟
منيرة تنهّدت:لا مهاوشها مثنى الله لايبارك فيه سد نفس البنت
برّاق صدّ يستغفر ونطق:زين انا بطلع اشوفها
هزت رأسها تخرج هي بدورها تصعد لغرفتها تريّح والحال عند الجميع،طق الباب وسمع صوتها تأذن له بالدخول
شدن ابتسمت:هلا برّاق بغيت شيّ؟
دخل وسكر الباب خلفه يتقدم يجلس بجانبها.
برّاق:ليه ماأكلتي؟
شدن بتهرب:مااشتهيت
برّاق:شدني ماهو علي هالكلام لاتكذبين
شدن بإنفعال:يعني وش بتسوي بتروح تضربه وتاخذ حقي؟ لا برّاق متسّلط ومعصب طول الوقت محد يقدر عليه ترا حتّى ماما طفشت منّه !!
برّاق عقد حاجبه:الصوت أرتفع؟
شدن:أسفه بالغلط
برّاق احتضنها:لاتنعاد ماعليه وبعدين انا جايك وحالي من حالك؟
شدن:يعني مااكلت؟
برّاق نفى:فيه إختلاف انا ماأكلت عشان ماانتِ موجوده
شدن ابتسمت:حبيبي برّاق!
برّاق ابتسم بخفة:يلا قومي لاتجوّعين أخيّك
شدن ابتسمت تنهض معه:وانا اقدر؟
ابتسم مايرد يخرج معاها ونزلوا للمطبخ ماتعدّت الدقائق ودخلت وهج.
وهج:إيوه بوبي غطيت عنّك ثواني وسحبت علي وش هالخيانة العلنيّة !
شدن ضحكت بذهول:بوبي! بعدين وشو خيانته الله يهديك أخته
وهج تقدمت تدفع شدن وتحتضن برّاق تنطق:اوكي انتِ أخته بس انا بنته
شدن بضحكة:جحدت رايف
برّاق قبّل رأسها:ربايتي وهجتي محد يقولها شيّ
وهج:بس يعور ترا مجتمعين بدوني؟ وانا رايحه أتطمن عليكم واجيب لكم اكل عشان ماتموتون اهتم فيكم وتجازوني بالخيانه؟ ياقساوتكم
شدن:بعلّق على نقطة بسيطه انتِ جايه من ماما ولا تصرف فردي؟
وهج:والله هي قايله بس يعني بفكر فيكم شدعوا
برّاق:وهجتي عطيني مويه
وهج:عيوني لك ياحياتي مو بس بجيب المويه أسحب ابوهم وأحطهم لك تتغدى عليهم
شدن ضحكت:وع ياوهج الشرح
برّاق ابتسم:لا منها غير
وهج:ياخي ليت البشريّة برّاق أقسم بالله كان حنا بنعيييم
شدن:انتِ تمسك معك غزل بالظهريّة؟
وهج ضحكت:بلا إستهانة ترا مشاعر الظهر أصدق مشاعر
برّاق:وهاج وين؟
وهج كشرت:يطفح عند ماما منيرة
شدن ضحكت بذهول:بسم الله على حبيبي! شفيك عليه
وهج:ياحومة الكبد صدق وش حبيبي انتِ الثانيه!
برّاق:تغار رغم العتب
شدن:عتب؟ متزعلّها !
وهج:إيه تخيلي رغم بساطة السؤال نفسيته زفت ويفرغها علي؟ طيّب زعلانين على حوار ماما منيرة بس مالي ذنب! شدن عقد حواجبها:زعلانين؟
برّاق تنهّد وعض شفته ينهض:الحمدلله شبعت نظفو لاقضيتو لاتتركونه لأمّي
وهج:وين توّك كليت! امداك تشبع
برّاق:الحمدلله
خرج يتركهم.
شدن:فهميني وش قصدك بـ زعلانين؟
وهج تنهّدت:ولا شيّ كملي أكلك
شدن:وهج!
وهج:قلنا ولا شيّ خلاص عاد عمّه.
شدن:تمام براحتك انا شبعت
نطقت بذهول:وش يعني كلكم بتزعلون!
تجاهلت شدن تسحب جوالها تخرج،كشرت تنهض تنظف ولا أطالت تطلع فوق ترتاح.
-
رايف:ماظنتي يسويها ابوي يتوب يقرب برّاق عقب كلام امي
خيّال:صدقت والله الوالدة ماتمزح أبد بـ هالأمور
رايف تنهّد يكمل قهوته ويتبادلون أطراق الحديث مبتعدين عن هالموضوع
-
« اهلاً وسهلاً بارت خفيف لطيف كـ بداية لـ روايتنا ماحبيت أطوّله لأن ماأضمن التفاعل لكن بينزل حسب تفاعلكم اقرر هل اكمل او أتوقّف لـ هِنا التنزيل بالواتباد فقط ماأملك حِساب بالأنستا نهائيًا
التنزيل ما حـ يكون يومي، ولأن رأيكم يهمني حابه أشوفكم بالكومنت دُمتم بخير 🩵.»
