_مُتابعه لحسابي وصوتوا ع قصه 🤍.
_بـقَلمي " مَرام الـ علي "
_______
" افانة "
نايمه واحس الصوت يرج باذني رج صرعني صرع مديت ايدي اتلمس بلاشياء لحد ما طخيته وشمرته بلكاع طفه ورجعت غفيت بمكاني توني غافيه واحس دفره بخاصرتي شهكت ورفعت راسي تأفئفت من شفتها امي
-ماماااا عفيه ليشش هيجج وجعتيني تراا
-دكومي كومي يلا ابن ولد عمج حيجون يتغدون يمنه اليوم ابوج عازمهم
كمت من فراشي اعدل بشعري واحجي
-عيعع شعدهم هذول وبعدين ابوي شكو يعزمهم مو يحجي عليهم ويكول مو زينين!
-ميطولون بس يتغدون ويروحون
-ديلا بس من هسا اكلج ماما ترا اني مادخلني بلجاي
-خليجن نامنن انتِ واختج لا شغله ولا عمله بشنو فالحات مادريي!!
-اهوو اهوو رح تبدي اسطوانه كل يوم
-ديلا عيني ست افانة مو تتأخرين ترا البيت يقط ويبلع وصخخ
هزيتلها براسي سمعت طبكه الباب باوعت لكيتها ماكو رحت كبل للحمام غسلت وجهي ورجعت ونزلت جوه
باوعت تبارك صاعده فوك السطح صوتها يلعلع دتنزل غراض اجت عيني ع امي لكيتها بالمطبخ عفتهن ثنينهن ورحت ع اختي الصغيره ابوس بيها بعدها ياله عمرها سنه
-امي انتِ شوكت تكبرين؟
صاحت امي من لمطبخ
-لا اشتغل حنينج هسااا كوميي للحوش اغسليي
أنت تقرأ
مابين الحب والنـار
General Fictionتدورُ أحداث روايتنا بين أبنتين يقودهن العذابِ اصبحت حياتهن مُحاطة بـِما يُسمى العذاب هل سيأتي ذالك الشخص الغامِض لـخرجهنا مِن عذابهم الى حياة أجمل !
