مابين الحُب والنـار

Part 6

_صوتوا ع قصه حبايب وعلقوا تعاليقكم الحلوه لطفاً 🤍🫶.
_مابين الحُب والنار
بقلمي " مَرام الـ علي " .

_كُل ساقٍ سيُسقى بما سقى
صبراً فإن نوائب الدنيا تدور ..

~~~~~~~~~~

كملت دربي ما التفت لحد ما هجست صوت المشي صار اسرع وصار صوت يندهني وكفت وتنفست بعد ما عرفته

اجه يمي يضحك

:-شبيج تركضين شنو اكل بشر اني يابِ؟

ضحكت ودنكت راسي

:-لا مو هيج بس خفت عبالي جلب

ضحك جان يمد ايده وره ضهري احس جسمي قشعر

:-لا شحده اليوصل جنبج كأن من يكون افني فني

هزيت ايدي

:-ديلا مو انت سبايدرمان

:-شني مو بعينج هل ضخامه ولجج؟

:-منيلك اشو وجهك اترف من وجهي بس اعصر ايدك گُبل تورم

خزرني وبعده حاط ايده وره ضهري واني امشي وهوه يمشي ايده على ضهري ماخذ راحته، لان الشارع مابي احد

:-افهم من كلامج تريدين اسود؟

:-لااا مو لهلدرجه بس اريده اسمر وحلو وطويل

:-هيووو شني ترا بعدني ما مكرنن

:-وكرنتهم قابل دا احجيلك عن حبيبي هوه فارس أحلامي مدري يجيني صاعد على مطي مدري حصان

ضغط على ضهري

:-شنو الفرق ليش؟