وانتَ ضماد يابس عَـ الحَرك
مشَدُود حَتى مِن ارد اعُوفك
بِـ الچلد تشَلع ..
______
تكتم: سكتت عنها
ندى: اسفه فهد موقصدي متنعاد
جعفر: كافي خيولي اذا بقه زعلان ابسطه انت هم اخته
ندى: تمام
تكتم: غفيت بالطريق كعدني الفهد
الفهد: تكتم وصلنه
تكتم: احاول ابين مامهتمه احاول اسوي نفسي طبيعيه صح ماصار بيناتنه قصة حب بس جان خطيبي جنت راسمه مستقبل كامل ويا اذكر شلون جان يحبني شلون حجاياته حلوه شلون يتعاند وياالفهد
الفهد: يلا بابا نزلي
تكتم: رحنه للامام علي والفهد مايكدر يمشي بقى ويا جعفر ومشت وياي ندى
ندى: اكلج جنتي تحبينه
تكتم: هزيت راسي بدون ماانطق دنيه لليل والعالم نايمه
طبينه للمرقد
ندى: اذا تكدرين تبجين ابجي ارتاحي
تكتم: جايه العلي ورايده علي يحلها الي
ندى: ونعم من ابو الحسنين مايقصر
تكتم: علي احلامي كلها يمك خطار الليله علي ديربالك عليه بعده كلشي ماكو
ندى: حبيبتي مايصير هيج تحاورينه ترا حرام
تكتم: علي جيتك ورايده منك الحيل راح حيلي امالي خلصت يتيمه ويتموني فوكاها وانت تعرف بحالي مولاي واميري وحبيبي وجبيري وابوي وجيتك رايده عافية اخوي
وتبرد لي كلبي
ندى: اباوع الها شلون تبجي ومنهاره وتحجي بلاوعي حته كعدن النسوان النايمات بالمرقد سالتني مره جبيره بالعمر
-شبيه يمه
ندى: استشهد خطيبها مغدور
-يمه تعاي يمه جا هم بتي اتي
ندى: اباوع على المره وتكتم رحت بحضنها تبجي وهيه تنوح ولهجتها جانت كلش جنوبيه على الاغلب بصراويه
تكتم: خاله راح مني بقيت بلايه حيل
-يمه انه اطيت تلاثا يمه غدرو وليداتي
تكتم: خذو حيلنه
ندى: اباوع على المره شكت شيلتها وربطتها بالشباك
-ياعلي برد كلبي بعدها صغيرا على القهر علي ناخيتك انتا ولدك توكفون الها وتطيبوها
تكتم: خاله حته ام و اب ماعندي كلشي ماكو مكطوعه من شجره محد يريدني
-يمه جا شني محد يريدج تروحين وياي البيتي حالج حال زنيبه وزهيره
تكتم: لاخاله باقيه ويااخوي اني
