بياع الچرَايد للبدُو شوداك؟
"لا واحد قرَاك ولا فهم معنَاك"
الكاتبه الاء
________
ياقوت: عمو اني ياقوت
ابو مقتدى: هلا عمي كولي محتاجه شي
ياقوت: تعاركت ويا علي الدر واخذت ذهبي وفلوس
واريد اجيك
ابو مقتدى: ليش تعاركتو
ياقوت: عمو اريد انفصل عنه واشوفك حته تبقي
ذهبي والفلوس عندك وتاخذني البيت ليان
ابو مقتدى: وين انت هسه
ياقوت: اريد اطلع من بيته
ابو مقتدى: انتظريني بمكان واني اجيج
ياقوت: عمو راح انتظرك كبال العماره الي بعدها ما
كامله وانت تعال لي
ابو مقتدى: مو تبقين ذهبج عنده
ياقوت: لا شلون عمو امنهن عندك احسن
ابو مقتدى: عفيه بنتي نص ساعه واني يمج بس
مسافة الطريق
ياقوت: سديته منه وكلت علي در
علي الدر: ابشري
ياقوت: راح يجي عمي ياخذني
علي الدر: ليش صاير شي مضوجج
ياقوت: لا بس اريد اشوف عمي
علي الدر: هلا بيه خلي يجي
ياقوت: لا راح اطلع له
هز راسه بصمت حسيته يكول اعرف شنو ابالج بس
راح اسكت وانطيج على كد عقلج ونشوف تاليج شلون
علي الدر: اخذج من محفظتي شكد تحتاجين خاف
تردين شي هناك
ياقوت: لا مااحتاج
علي الدر: لا اخذي تشتهين اكله او تردين شي
ياقوت: اتصل عمي كتله يلا رايحه اني
علي الدر: يحرسج علي
ياقوت: طلعت انتظرته بالعماره اجه باس راسي وكال
ابو مقتدى: لا تضوجين ادوس لج على راسه يزعلج منو
هوا
ياقوت: عمو تقبلها يكلي اخذتج بفلوس اشتريتج من
عمج باعج الي
ابو مقتدى: جذاب شنو يتبله عليه اني اواجهه لو مو اخاف
عليج وعلمود مصلحتج راح اسكت
ياقوت: دار وجهه طكيته بخشبه على راسه اذته وطاح
بالكاع لازم راسه
ابو مقتدى: هاي شسويتي بت الق•••ه اني اعلمج
ياقوت: وكف وهوا لازم راسه سحبت السجينه
مالت الفهد جان محظرها يكول بس يرجع ذوالفقار
يتقدم التكتم اكتلها بيها وبلشت اطعن بيه اجه علي الدر
واني اردد ياقوت اخذت حق اهلها مااخلي حقهم يروح
علي الدر: ياقوت هاي شسويتي تحجين صدكك
ياقوت: هوا قتل اهلي يعني اعوف حقهم محد باخذه
بسببه صرنه يتامه شتريد اسوي مثلا علي سحبني
حضني واني ابجي وهوا يردد
