بأسم الشرف

البارت الاول

.. عندما تنخلقين فتاه في مجتمع ذكوري 
.. تصوري أن الحياه ستكون قاسيه
.. في مجتمع يتصور أن قتل الفتاه فخر بأسم جلبت لنا العار حتى وإن كانت بريئه ستقتل ويعيش المذنب كي يختار الضحيه التاليه مجتمع يصدك ان للذكر حقه والفتاه هيه المذنبه مااقسى المجتمع وامااقسى الاهل حيث تموتين على يد اقرب الناس لكي ويقتل بدم بارد ويفتخر بقتله باسم ان الفتاه تجلب لي العار وبقتلها ينغلق افواه العالم ولا يهم أن كانت بريئه ...؟

..............................................

حوراء.. هلا وغلا خل اعرفكم عن نفسي.. اسمي حوراء  عمري 20 سنه طولي 160 عيوني عسليه بشرتي بيضه شعري وسط جسمي عبالك ذني المليكات مفصل تفصيل يخبش اني بنيه عاديه كلش تاركه الدراسه مااحبها وضعنه المادي كلش زين عندي اخوان اكبر مني دكاتره هما جانو يتوسلون بيه علمود اكمل دراسه بس ماحبيتها وصلت لروحي لخامس اعدادي وعفتها اني البنيه المدلله عد بابا ويحبني كلش اني من بغداد حبيت حب على الفطره حبيت ابن عمي من بعيد بس جان هو يباوع عليه دائمن ونظراته الي هيه الي خلتني احبه واحلم بيه بس هاي كله جان مجرد احلام وهم خلاني اعيش بيه سمعو قصتي وراح تعرفون شنو السبب ؟.

ام حوراء.. ولج كومي صار الظهر وانتي بعدج نايمه هسه اذا دخلو ابوج واخوانج وشافوج نايمه شيكولون

حوراء.. يكولون نايمه الحلوه

ام حوراء.. كومي ياحلوه بسرعه لعد

حوراء.. اي ماما كمت شسالفه

ام حوراء.. وحظري روحج العصر راح يجون بيت عمج

فزيت بسرعه

حوراء.. شنو صدك ماما والله

ام حوراء.. اي عيني يلا

كمت بسرعه وفرحانه راح اشوف ياسين بس ليش كلهم راح يجون هاي اول مره

حوراء.. بس لا يخطبوني واووو

رحت سبحت ولبست بدله لونها زيتوني وسويت ذيل حصان نزلت لكيت بابا واخواني اجو وماما مبخره البيت يعني اجواء البيت تخبل يعني فرح وسعاده اكيد بقيت اساعد ماما بالمطبخ وماصدك يمتى يجي وقلبي يدك سريع وندك الباب حسيت جسمي يرجف وخايفه احس روحي طارت طلعت ويه ماما وبابا نستقبل عمي اني جان عيني بس على الباب انتظر يمته  دخلو عمي وبابا واني واكفه انتظر يدخل ودخل صار كبالي وعيونه اجت بعيوني ويضحك اتقرب يمي