بأسم الشرف

البارت السابع

احب صوتك الي ينسيني التعب والناس .✨

رجعنه احاول احجي ويه بس خفت من ردات فعله عيوني غوركت بدمع امسحن بيدي واشهك اريد بس افتهم ليش وشلون عرف بيتهم وشعنده بنص الليل وصلت شفت منظرهم مرعب ياسين واخواني بالباب واخوان طاهر واكفين وجهم مايتفسر مخلين ايدهم وراه ظهرهم ويروحون ويرجعون نزلت واجه طاهر رغم عصبيته بس منسى وجودي ولزم ايدي وصاح بصوت كلهم التفتو عليه.

طاهر.. خيررك دايس بيتنه جنك على كتله.

التفت علينه ياسين ويصيح.

ياسين.. كله من وراج ام الم*** ولله اذا صار بعمي شي اذبحج وحتى جثتج ابخرها

طاهر.. بخرو عظامك والله لا ترفع صوتك لا ابلعك لسانك

مصطفى.. ارتاحيتي ست الحسن كل هتي ومخلصن اذا صار على ابوي شي قتلج على اديي

احس ذاني رنت وصفنت عليهم بمعنى شكو وليش تقرب مني علي وطاهر وقف قدامي.

علي.. هسه تخافين مني وتحتمين باهذه ابوج بالمستشفى بين الحياه والموت وانتي طالعه تتونسين خلصتي وسلمتي روحج

بصوت متعب وخايفه من رده من جاب طاري ابوي حسيت كل جسمي ذبل وراسي يفتر جاوبت.

علي.. شبيه ابوي؟

ياسين.. من وراج ومن حجي الناس انتحر

اهنا شعور احس اذني تخوش والعالم يفتر بيه. اباوع عليهم واحد يريد زله على الثاني بس علمود يهجمون ويضاربون مكمت احس رجلي. اريد اصرخ بس ميطلع صوت اشوفهم واحد يضرب بثاني وافتح عيني وارجع اسده محسيت على روحي وكعت على طولي واباوع عليهم واذني تصفر عيوني انفتحت شوي احس احد يصرخ فوك راسي اباوع سمعته صيح عليهم وشالني ومااعرفت شي بعد فتحت عيني اضويه خفيفه وبيدي
مغذي ومحد بالغرفه شويه ودخل طاهر شافني فتحت عيني ابتسم وتقرب لزم ايدي وباسها

طاهر.. خوفتيني ياروح طاهر

بالقوه احجي اريد اكوم انتجيت على الجربايه ودموعي يصبن اريد احجي واتذكر كلام ياسين العبره وكفت بلعومي مااكدر احجي احس روحي تريد تصرخ باوعت عليه يمسح بدموعي اجه كعد قريب مني وخله راسي بحظنه اهنا مكدرت خليت ايدي وراه ظهره واضغط بكل قوتي واصرخ.

حوراء.. اااااااااااااه بابا ااانتحر بسببي اااني كله منننني والله مقصددي ااااسوووي هيج وووااالله وديننيي خباب اااريد اشوووفه وافهمه اااانيي بريىى وووواااللله برررررييى ااااه كلللبببيييي

ابجي وكمت اضرب نفسي بله شعوري وطاهر لزم ايدي ولزم طرف وجهي بيده ورفعها وخل عيني بعيونه حسيت فهم عليه وعيونه تلمع وبحزن حجاها.

طاهر.. اررروح فدوه لاتسوين بروحج هيج اتاذين كلبي حوري والله تاذيني انتي مغلطانه بشي والله ارجع حقج وحق كل ليله نمتي بيها ودمعتج تنزل