بأسم الشرف

البارت السادس

‏
طاهر.. حظرت القاضي اريدك تعقدلنه

حوراء. شنووو

دار اتجاهي وبنظرات حنونه وعيونه تلمع
وحظن ايدي بيده ونزل على ركبته ورفع راسه
خجلت وباوع أشارت شتسوي

طاهر.. تقلبين تكونين شريكت حياتي وعمرري

خجلت من حركاته ونظراته ودموعي صارن يتسابقن على خدي ومااعرف ابجي لو اضحك صدك الحياه راح تضحكلي وصدك يحبني لو يمثل عليه ويضحك مثل ياسين خفت ينعاد بيه نفس الموقف ينظر بعيوني احس فهم عليه دنك راسه ورجع شاله

طاهر.. خايفه مني

جريته حسره

حوراء.. خايفه من كلشي

طاهر.. وداعتج حوري اريدج لگلبي روحي تريدج ومتلهفه عليج لاتخافين انا بظهرج

حوراء.. اخاف يأذونك مااتحمل بعدد

طاهر.. وداعتج محد يسويها

رجع حجه بصوت حنون وعيونه تلمع باس ايدي ورجع سأل نفس السؤال __تتزوجي حوري؟؟

تنفست ومسحت دموعي وخليت عيني بعينه

حوراء.. اي اقبل

نتقطها وحسيت الدنيا ماوسعته أبتسم وعدل ملابسه ولتفت للقاضي

طاهر.. سمعتها كالت موافقه بسرعه اعقد

اشوف القاضي متعجب بكلبه يكول استوه انفصلت وهسه راح تعقد اجن بالي هو اشياء حسيت بنظراته الي يكلي انتي الخاينه موو ياسين فززني طاهر لزم ايدي ونفخ روحه عدل ملابسه وسأله القاضي

القاضي.. هل تقبل ياطاهر صباح الزواج من حوراء صالح

طاهر.. نعم اقبل

رجع سألني وايدي على گلبي وكل شويه اغمض عيني وفتحها

القاضي.. هل تقبلين الزواج من طاهر ابن صباح زوج لكي

لحظه صمت جانت كلبي يكلي قبلي وعقلي يكلي خداع مثل ياسين محد يحبج التفت على طاهر عيونه تلعب ونزل حاجبه مستغرب ليش ساكته ومحجت نزلت راسي اتنفست ورجعت رفعت راسي عضيت شفايفي

حوراء.. نعم اقبل

غمضت عيوني للحظات اجه خله راسي على صدره
حظنته وبجيت هو يمسح ايده على ظهري وكفني وخله ايديه على وجهي ويرجع شعري ويمسح دموعي ويبتسم

طاهر.. كافي بجي عيونج الحلوات ذبلن باجر وراج حفله عقد

حوراء.. ياحفله انت حتى اهلك ميدرون