معدل عليها
اللهم صلي، على نبينا محمد (نبدا بدايه خير)
......
اول ما توصل البيت لا ارادياً بتنادي أمك أنت ما تبا منها شي بس تبا أجوفها و تخبرها شو صار وياك اليوم، و إذا ما فهمت شي في حصه البايولجي (الصراحهرهاي معاناتي بس مش شرط) و عندك امتحان باجر بتروح عند أبوك يشرح لك لنك متوهق و ما ركزت في حصه فما بالك يختفون هايل الناس من حياتك نهائياً و يقولون لك الباجين حاول تنسى و عيش بس كيف بعيش ؟ كيف بنسى ؟ حد يقدر ينسى امه ينسى أبوه ينسى روحه ؟
أذن الفجر قمت نفس كل مره روتيني المعتاد مثل اي إنسان اول ما يقوم توضيت و رحت أقوم الباجين و اول وأحد أبدا فيه زايد او يلا خالي زايد
شيخه ادق الباب ؛ زيود قوم يلا أذن الفير
زايد من داخل الغرفه يتلحف اكثر بلحافه؛ شيخوه روحي قومي ذياب بقوم أنا
شيخه؛ زايد بلا مصاخه بسرعه بتقيم الصلاة
يا خلف بخيزرانته و يدق الباب غرفه زايد فيها و بصوته العالي الي يهز البيت ؛ زايد
بكلمه و حده قام زايد على طول فتح الباب ؛ نعم أبويه
ضربه بالخفيف على ريله بالخيزرانه الي وياه؛ يلا جدامي المسيد صار لها ساعه البنيه تقومك أنا مادري كيف انت عندك عيال و الثاني وينه
يا ذياب ويه مفقع نوم يفرك عيونه ؛ يدي أنا هني
خلف؛ زين يلا جدامي المسيد ، صح دقيقه وين خليفه
زايد؟:خليفه منو ؟
عصب خلف ؛ ولدك ولدك يا المفهي
زايد انصدم؛ أبويه خليفه توه صف اول شو بيقومه اي ويانا المسيد
خلف ؛ هب هباك الله الولد ريال و تقول عنه يهال يلا قوم ولدك خي ويانا المسيد
زايد راع بسرعه؛ ان شاء الله أبويه
شيخه وذياب ماسكين ضحكتهم عن يعصب عليهم خلف
خلف توه يتذكر شيخه؛ اوه شواخ صباح الخير أبويه
شيخه؛ صباح الخير يدي
خلف ؛ روحي روحي حبيبتي صلي و اقري اذكارج ما عليج من هايل لو قعدتي تقومينهم ما بيقومون الا بهاي الخيزرانه "و يأشر على خيزرانته "
ضحكت شيخه ؛ على القوه يدي انا بروح بصلي
خليفه يا و هو لابس كندورته بعده فيه رقاد و يرمس زايد ؛ بابا ابا انام خلني
زايد؛ اوششش خليفه لا يسمعك أبويه تعال ويانا المسيد بعدين نام
خليفه ؛ بابا أنا تعبان ما رقدت عدل ابا انام
زايد ؛ انت بطل بتي وياي المسيد شرات الريايل بعدين بوديك الدكان
ابتسم خليفه؛ صدق بابا ما جذب
دزه زايد على الخفيف ؛ تقول عن أبوك جذابه ما تسحتي
ضحك خليفه ؛ امزح وياك بابا
وصلوا عند باب الحوش و هم يسولفون
ذياب يكلم خليفه ؛ والله متفيج تضحك من صباح الله خير
ضربه زايد بالخيزرانة أبوه الي خلاها عند الباب و راح المسيد قبلهم ؛ قول ما شاء الله عن تحسد ولدي
ذياب يسلك ؛ هيه هيه ما شاء الله
زايد مسك أيد خليفه ؛ يلا خلوف ذياب نلحق قبل ما يصلون
في المسيد بعد الصلاه التقوا ببجاي العايله
يو مايد و حميد و فيصل يسلمون على يدهم
خلف ؛ ويدي حميد كندورتك مجسفه جنك اجنبي ليش ما كويتها
كلهم ضحكوا
حميد : يدي هاي شما ما كوتلي ايها قلتلها كويها حقي قالت جّي خدامتك أنا
خلف ؛ صادقه بنتي مش خدامتك انت روح و كوها حق عمرك مب ياهل
ذياب؛ يدي ما جفت سيف ؟
خلف؛ هي والله سيف وينه اليوم غريبه ما يا
حميد؛ حتى أنا ماجفته
فصيل ؛ أنا بعد
مايد؛ أنا بعد
خلف؛ يلا باقي بس انت كمل
ذياب: أنا بعد
خلف: ذبحتونا فهمنا أنكم ما جفتهو يلا ذياب روح جوفه وين مش من عادته ما يصلي ف المسيد
ذياب ؛تمام
زايد ؛ ذياب خذ وياك خلوف و ردوا البيت عن تتأخرون عن المدرسه
خالد ؛ و انت بعد حميد رد البيت تجهز حق المدرسه
مايد قعد يسولف مع زايد و فيصل راح يرد على التليفون
مايد ؛ زيود ابا فزعتك متوهق
زايد ؛ افا عليك بس امش نطلع برع نمشي نرد البيت و ف الدرب قولي
و هم طالعين
زايد؛ ها ميود قول يلا
مايد ؛ ااء شسمه ابا عرس
زايد فرح ؛ لولللليش اخيرا اخيرا مايدو ما بغيت بس منو هاي تعيست الحظ
مايد ؛ بس في مشكله
زايد ؛ بعد أنت ما تسوي شي الا و في مصيبه
مايد ؛المشكله هي إنها بنت شسمه " ما كمل "
زايد : شسمه و وقف اخمن أنا يعني كمل بنت منو ؟
مايد بتردد ؛ بنت فهد
زايد أنصدم ؛ تمزححححح مايد ما طحت الا على بنت فهد
مايد عصب ؛ شو اسوي يعني بعدين انتوا ليش معادين قوم .. شفيها يعني
زايد سكت و توهق بعدين قال ؛ احممم ميود أنا لازم اروح اودي اليهال مدارسهم روح دوامك بعدها تعال تغدى عندنا و بنحصل حل بإذن الله "ربت ع جتفه " خلها على ربك و بيحلها
....
عند فيصل ( للمعلوميه فيصل مالج على بنت عمه الريم من شهرين و العرس جريب ، شخصيه فيصل وايد بشوشه و مرحه و ذلهم ذل لين ما خذا الريم يعني مفظوحين على الاخر بتجوفنهم وايد يسبون بعض بس من سبك حبك )
فيصل؛ ها ريموا توه صباح خير ه الكثر مشتاقه
الريم ؛ اصبحنا و اصبح الملك لله من زينك شو تحسب عمرك
فيصل ؛ ببند ترا
الريم : هههه امزح وياك يا النفسيه
فيصل: فديت الضحكه
الريم؛ وععع
فيصل؛ هي والله ويع انتي مش ويه رومنسيه انزين غناتيه النشبه شو تبين
الريم؛ نشبه بعد ترا بزعل و بسكّر في ويهك
فيصل؛ أنا الي بزعل و بسكر ف ويهج خلصي
حميد يا من وراه؛ توه توه ما لحقت توصل البيت سيده رمست الحب لا و المشكله يضاربون
فيصل دزه عشان يروح؛ سير لاه يهال آخر زمن ، (رد يكلم الريم) ها ريمي شو قلتي
الريم؛ احممم شسمه الجامعه
فيصل؛ ايهي يا هاي الجامعه
الريم: أقولك احس الموضوع كبير ما يستوي أقوله ف التليفون اليوم يمعه يعني كلنا بنتيها بيت يدي و بخبرك
فيصل؛ يعني لهاي الدرجه عوددد
الريم تقلده؛ هيههه عودددد نفس رأسك
فيصل؛ قمنا نتمادى ترا
الريم؛ امزح وياك لاه صدقت
فيصل؛ اقولج ريمي وصلت البيت لازم اجهز حق الدوام يوم بركب السياره بدق لج ولا شرايج اوصلج الجامعه
الريم؛ تحس بابا بيعصب
فيصل: كبر خرس و تقول بابا ، بعدين تراج الحين طلعتي من خلاصت قيد بيتكم ستويتي عندي
الريم؛ اونه ستويتي عندي
فيصل؛ يعني أنا ريلج و حتى لو ...
الريم قاطعته؛ جب جب توه مصلي الفير يلا فهمت خلاص بس بعطي ماما خبر و ترياني عند الباب
فيصل؛ لا ميكب ولا عطر ولا عباه ملونه ولا تطلعين شعرج
الريم؛ فهمت فهمت
فيصل: اول ما ادق لج رنه تنزلين لا تتأخرين
الريم ؛ احممم من عنيه
فيصل؛ الخضر
الريم؛ شفيكم على عيني الخضره ترا إلا لون
فيصل؛ هي إلا لون يا اللبنانيه
الريم؛ شفيهم حلوين يلا سكر ابا أتجهز
فيصل؛ يلا خلصتي رصيدي
فيصل كان واصل البيت من زمان و دخل يسلم على امه
فيصل؛ السلام عليكممممم
مهره ام فيصل؛ وعليكم السلام امي تعال هني الصاله
فيصل راح يبوس رأسها؛ شحالج امايه علومج
مهره؛ الحمدالله
فيصل: الحمدالله ، عيل أنا استأذن بروح ببدل عشان امر على الريم
مهره استغربت؛ كيف تمر عليها والبنيه في دبي و دوامك و نحن في بوظبي
فيصل ضرب يبهته؛ وييييييي هذا الي نسيته والله ما يا على بالي و المشكله هي تقول ان شاءٍ الله بتجهز ( طبعا ما قالت بس يبا يحسن الصوره)
مهره؛ ما ذكا عن هذا إلا هذاك
فيصل؛ والله ما يا عبالي
مهره؛ انزين فهمنا يلا روح بدل و قول لها وحليلها البنيه تجهزت و خلصت و انت بعدك
فيصل ؛ يلا بسير
....
عند الريم ولا مستوعبه قاعده تجهز مستأنسه و تنسق بعد
............
