سأظل احبك رغم فعلتك السابقه لي

35

تذكير :
تراجعت بحذر
: أكيد وراك شي
عمر: ما وراي شي
منار: إلا وراك شي اجل وش سبب علاجك لي
حط يده في جيوبه ورجع ورى و استند على ظهر الكنبه
: اممممم تقدرين تقولين فاعل خير بدون مقابل
منار: كذاب
عمر: يعني غصب يصير بمقابل؟
منار: إيه
عمر: طيب أنا ما أبي مقابل
منار بستغراب: انت أي نوع من الأغبياء ؟!
عمر: ليه مين قال لك إني غبي
منار: احد يشتغل بدون مقابل!
عمر: إيه أنا .

السلام عليكم قبل ما نبدأ الروايه أتمنى أنكم ما تكونون بخيلين وتصوتون لأني اتعب وأنا اكتب و بالمقابل ما ألاقي شي منكم إلا البعض لان الثالثه ثابته إذا مافي دعم رح اضطر احذف كل رواياتي 🙂

يلا نبدأ
********************************************
منار: لو انا في مكانك مارح أتعامل إلا بمقابل
عمر: وش هو المقابل
منار:money money
عمر: اها أنتي ماديه
منار: عمرك شفت إنسان يتعامل مع الناس بدون مقابل!
عمر: إيه
منار: مايحتاج تقول لي مين أكيد انت
عمر: بالضبط
منار: متى رح اخرج
عمر: مين قال لك رح تخرجين !
منار: وليه ما اخرج
عمر: عناد الي جابك هو الي يخرجك
منار: وأنا وش دخلني فيه !!
عمر: ما أبي اسوي مشاكل مع خويي
منار: كيف ترضى تخليني مع شخص حاول يقتلني صدقني لو أني أختك ما كان رضيت يصير فيني كذا
عمر: أتوقع إنتي الي بدأتي هذي المعركه
منار: بس هو الي بدأ
عمر: شوفي بتقعدين هنا الين يجي و معليكِ ما بخليه يأذيك
منار: هذا الطلي قوي بيقتلني و يقتلك
عمر: اجل مافي إلا حل واحد
منار: وش هو
عمر: انك تسايرينه
منار: شلون!
عمر: مدري اتصرفي بطريقتك
منار: طيب ساعدني عطيني فكره
عمر: أنتي ما تتعاملين مع أحد إلا بمقابل وعناد بعد يعني كلكم نفس الطخه ف سويله أي شي مقابل انك تخرجين من هنا
منار: خلاص أنا عندي حل
عمر: قولي
منار: مافي غير نتصافق أنا وهو و الخسران ينفذ طلب الفايز
عمر: ما أتوقع تطلعين سليمه
جلست على الأرض بفقدان أمل كل حل أصعب من الثاني إذا تعاملت معه بالمقابل رح يطلب منها أشياء ما تقدر تسويها ، ناظرت عمر بعيون راجيه و بصوت خفيف يصدر منه بعض نغمات الخوف
منار: تكفى اسألك بالله خرجني إذا رجع ما استبعد انه ممكن يأذيني هذا سفاح كيف تبيني اقعد و انتظر الموت يجيني انت لو كنت في مكاني كان حسيت بالي أنا أحسه كيف تبيني ارجع للبيت وأنا كلي جروح وش أقول لأهلي وش أقول لهم عشان يسكتون فكر فيها

عمر حس بالشفقه عليها بالذات ان الخوف واضح على تعابير وجهها تنهد وجلس قدامها
عمر: طيب و الحل؟! أنا إذا خرجتك كذا ولا كذا بيمسكك ويجيبك هنا كالعاده أنا قلت لك خليكِ هنا وأنا بحميك منه بس خليكِ هاديه ولا تطولين لسانك عليه لأن إذا عصب أنا وقتها مارح اقدر اسوي أي شي انتبهي

وقفت وتوجهت للكنبه وجلست عليها حست ان عمر راح ما اهتمت وبدت تناظر الغرف
: وش ذا المكان الي فيه غرف وداخل المدرسه غريب
لفت نظرها باب غرفه مقفل من اول مره دخلت ذا المكان ما قد شافت هذي العرفه مفتوحه ، التفتت تشوف إذا عمر موجود ومالقته حست ان هذي فرصتها تكتشف المكان بالذات الغرفه الغامضه ، قربت من الغرفه بهدوء و مسكت مقبض الباب وحركته على الخفيف لكن للأسف الباب كان مقفل
منار: شكله الباب من الأساس الباب ماله مفتاح نفس حمامات المدرسه كلها مفتوحه إلا اكبر باب مقفل نفسي اعرف وين مفاتيحهم
رجعت على الكنبه مافي شي مهم في باقي الغرف عشان تستكشفهم ، عمر اختفى ماله حس ومنار بدت تحس بالملل مافي شي يشغلها تناظر يمين يسار لعل وعسى تلقى شي تتسلى فيه ، لفت انتباهها صوت الباب الي ذابح فضولها وهو ينفتح
شخص طويل شعره اسود كيرلي بشرته بيضاء شاحبه عليه نظرات حاده لابس اسود في اسود في يده سجاره يناظرها بغموض
منار الي ما توقعت احد يكون موجود في الغرفه كانت تناظره بصدمه مين هذا هل هو إنسان أو مخلوق من عالم آخر
صحصحت على ضربه في راسها من وراها ، ناظرت خلفها تشوف مين الي ضربها
منار: وجع
عمر: وين رحتي!!
التفتت على الي واقف يناظرهم بصمت
منار: مين هذا طلع من العدم
: جايبين بنت و ماتقولون لي ؟!!
عمر: وليه نقول لك
ببتسامه غامضه: عشان نتعرف عليها
وقفت منار وحطت يدها على خصرها
: ترا أنا مو من البنات الي تفكر فيهم أنا بنت أبوي
ضحك بصوت خفيف: تمام يا بنت ابوكِ وش جايبك هنا
منار: اسأل عنادوه
عمر: ههههه عناد لا يسمعكِ
منار: مع نفسه
عمر: هاه وش قلنا
منار: خلاص بسكت بس ماقلت لي مين ذا
عمر: هذا

(انتهى❤️‍🩹)

بارت لذي الحلوه: 2ilyill